[緊急]白泥日落幾問

請問去白泥影日落有乜需要注意呢?

其實小弟見到地圖上有上白泥同下白泥
唔知邊一邊會靚d呢?

白泥嗰度照明如何?
(因為怕日落後黑媽媽,路都睇唔到)

綠小33服務時間同班次其實又密唔密呢?
(天水圍鐵路站要去邊個位置上車?)

先謝

通常人地去都係下白泥來的，
我唔係好識講果度係邊，
你搭車去到一個地方係上段的，
右手邊會見到一個石灘，
跟住落番段晌有個釣魚場，
未到釣魚場前個有道閘穿過去就係了。

有咩注意......
建議你著短褲拖鞋去，
同埋小心唔好行得太出，
因為D泥濘都好軟吓...


仲有記得帶蚊怕水。

基本上白泥除咗條馬路同D屋外都無街燈的，
所以記得帶電筒，
但就算無帶我果次入去7點9先行小心D行都唔大問題。

唔知你幾多人入去？
如果你有4-5個人建議你搭的士，
大約60蚊左右，
尤其係出番來果陣，
如果果日好天同塞車的話，
分分鐘等成個鐘都上唔到車，
因為條線大約20分鐘一班，
加上果度係中途站，
我果日就係由果度向總站方向行，
行咗20-25分鐘左右，
但原來個個都好似我咁等車，
去到有近200人等車！
最後都同其他人一齊CALL的士出番市區(天水圍)。
另33既尾車係21:30。



P.S. 講到一舊舊咁，希望你睇得明啦~~

去白泥睇/影日落有樣可能好多人都忽略既就係潮汐漲退，
一般黎講影日落以日落時間潮退最為理想，因為可以以露
出水面既泥灘和蠔排既樁柱為前景，而白泥一帶如果潮漲
潮水可以浸到深灣路路邊，如果欣賞日落時遇上潮漲要找
地方架設腳架甚至找地方站立也會很困難和不便。

香港既潮水漲退時間可以參閱天文台網站。

唔知個度車位充唔充足呢?

原帖由 hkbw 於 2008-7-10 13:16 發表
唔知個度車位充唔充足呢?

小弟早幾日去咗
車位...唔太覺有
條路勉強可以泊到幾架車

個度冇正式車位架，只可以泊路邊，遲去塞滿左仲可能
頂住來往既車。

原帖由 hkbw 於 2008-7-10 13:16 發表
唔知個度車位充唔充足呢?