已被港鐵化的粉嶺站

原帖由 ChickenTong 於 2008-7-7 00:25 發表
又唔方便遠睇既人,
又一"統一格式"搞出黎既核突野,
夾硬將地鐵一套搬去九鐵,冇野搵野搞

個人一直認為兩鐵合併，只係將一堆前地鐵做得較差既野帶入前九鐵地方，記著只限較差既野

不如講下合併至今半年有多，有咩前地鐵既野有帶入原九鐵路線啦，除左logo之外，以我所知既，有呢D：

1.e分鐘著數機
2.原站出入收十蚊
3.相對較不足的冷氣
4.票務處兼任客務中心
5.前地鐵風格的指示板

以我所知就係咁多，如有錯漏，請補充/插
睇返呢5點，到底係咪好事？

1，用途不大，但已經係唯一既好事，

2至4，明顯劣幣驅逐良幣既壞事

5，邊款風格既指示板比較美觀，就好見人見智，我不加評論，但o係前九鐵「遺物」仍能良好使用的情況下將之拆除，換上內容一樣，只是風格不同的新板，就肯定係浪費金錢兼製造垃圾！

尤其係今次例子，肯定係唔換好過換，東鐵(線)舊站用既吊板，一直有個壞處，就係位置過高，車廂內(尤其站立者)較難探頭觀看，呢樣野，九鐵係知道的，所以後期西馬鐵各站及東鐵新站(包括大裝修後的大圍站)，都已改為把站名牌貼在柱上。但而家港鐵此舉，卻反而將此問題惡化！

平心而論，大學站的改善空間有好多好多(直D講句，就係因為此站係全港最簡陋最差既重鐵站)，但而家港鐵有邊樣應做而有做？我一樣都唔見，就算未做到全面大裝修大翻新，最起碼，同D出口編返ABC代號，唔係好困難吧！至少相信唔會難得過換格式不同、內容一樣既指示版吧！

前兩鐵較明顯友公司優勝的地方：前地鐵學生優惠同前九鐵車站公廁，而家重叫做保得著，但繼續咁樣落去，三幾年後會唔真正「融和合一」呢？(當然唔係前九鐵路線有學生優惠/前地鐵路線有車站公廁咁樣「融和合一」)真係不敢想像

[ 本帖最後由 mckhgc 於 2008-7-8 07:20 編輯 ]

原帖由 DIH 於 2008-7-6 20:02 發表

如果東鐵有閃燈路線圖，我可以（無奈）接受個站名唔夠顯眼。
搞成咁，不如keep住原有站牌，快啲翻新～～～
我個人不反對MTR將好的東西加進前九鐵。 ...

請問閣下是否發現有實例？請舉之，謝謝

小弟只知有e分鐘著數機

原帖由 ev5774 於 2008-7-7 09:50 發表


唉.......唔企埋去都睇唔到o個幾隻中文字，更何況係英文......

如果字放大小小,英文字體會更好睇

就是說
港鐵浪費了資源去換不應換的指示牌

旺角東站換站牌，這是有必要的

九龍塘、尖東、美孚、南昌的指示牌尚算很新，只需換掉轉乘地鐵即可，無需要全部更換
尖東站換掉的紅、綠、黃區的指示貼紙和「自動行人道終止」指示牌，簡直多餘。

紅磡、大學、粉嶺站換指示牌，也是多餘的。因為它們能清楚指示乘客，但現在站牌變得高高在上，乘客很難的去看那是什麼車站。尤以將來此三站需要接待很多第一次來香港的遊客為甚。要麼他們留下一個很難看指示牌的印象麼？

> 尤其係今次例子，肯定係唔換好過換，東鐵(線)舊站用既吊板，一直有個壞處，就係位置過高，車廂內(尤其站立者)較難探頭觀看，呢樣野，九鐵係知道的，所以後期西馬鐵各站及東鐵新站(包括大裝修後的大圍站)，都已改為把站名牌貼在柱上。但而家港鐵此舉，卻反而將此問題惡化！

印象中, 將軍線的新站也是將月臺上的站名印低左等車廂內的人更容易看到.  現在大學站等這做法無非是避免更換燈箱支架.

>平心而論，大學站的改善空間有好多好多(直D講句，就係因為此站係全港最簡陋最差既重鐵站)，但而家港鐵有邊樣應做而有做？我一樣都唔見，就算未做到全面大裝修大翻新，最起碼，同D出口編返ABC代號，唔係好困難吧！至少相信唔會難得過換格式不同、內容一樣既指示版吧！

大學站現在這個狀態我還是可以接受, 始終這個站只serve中大和馬鞍山乘客, 馬線通車後, 馬鞍山乘客又少了點, 所以充其量就個中度使用量的車站.

原帖由 ChickenTong 於 2008-7-8 08:29 發表

6.前地鐵"優秀"既員工福利

之前 MTR 係報紙登0左大半版廣告，用 xanga
形式講一個尖東站0既職員做得幾 happy。

呢個廣告即刻睇到我反哂胃......

原帖由 thomash 於 2008-7-8 07:33 發表
印象中, 將軍線的新站也是將月臺上的站名印低左等車廂內的人更容易看到.  現在大學站等這做法無非是避免更換燈箱支架.

避免更換燈箱支架, 予人感覺正正就係唔湯唔水.

「出」換成咁大都有好處，以前搭東鐵落車都搵唔到出口位置
因為個「出」字收埋係車站名的上角，仲要細細粒
而家唔怕搵唔到

原帖由 h2o 於 2008-7-8 11:55 發表


避免更換燈箱支架, 予人感覺正正就係唔湯唔水.

如果唔換...又有人講：「唔係合併後完成港鐵化咩？為何仲未換」（參考舊文）
如果換左一半...又有人講：「唔湯唔水」……（參考上文內容）
如果成個換左...又有人講：「明明前九鐵既仲用得...好地地又換黎仲咩...簡直係浪費資源」

反正部份車站遲早都翻新...不見得而家成個支架換左佢有咩用...

唔換...又比人話不統一...換...又浪費資源...
相信點換都有相同見解...不見得此文有何討論價值。
（又係將舊文翻抄一遍）

[ 本帖最後由 dennis28a 於 2008-7-8 19:12 編輯 ]