講是講非：香港立法實行巴士乘客強制讓座，是否可行？

目前香港的專利巴士，是鼓勵讓座予傷殘、長者及有需要人士，不過並非立法強制市民遵守。

不過我國的河南鄭州，快將實行一項新的法律，規定巴士司機及售票員可對不給老弱病殘等讓座的乘客，進行勸阻和制止。拒不改正的，司機、售票員可以拒絕其乘坐。不履行義務者，城市公共交通行政主管部門還可以對其處以人民幣五十元罰款。

Ref: Yahoo News
http://hk.news.yahoo.com/080703/12/2wr6p.html

香港理論上可以實行巴士乘客強制讓座的法例，不過，估計執行方面會相當困難，因為會涉及：
1) 法例會賦予誰人權力執行
2) 罰則及可能引致巴士車長與乘客的衝突

歡迎討論立法規定巴士乘客強制讓座是否可行。

原帖由 eric278 於 2008-7-6 18:07 發表
目前香港的專利巴士，是鼓勵讓座予傷殘、長者及有需要人士，不過並非立法強制市民遵守。

不過我國的河南鄭州，快將實行一項新的法律，規定巴士司機及售票員可對不給老弱病殘等讓座的乘客，進行勸阻和制止。拒不改正的，司機、售 ...

香港人由細到大都已經教要讓坐比老弱傷殘,
基本上唔洗立法都會做啦,
我覺得無必要立法...

原帖由 Anpretext 於 6/7/2008 18:12 發表

香港人由細到大都已經教要讓坐比老弱傷殘,
基本上唔洗立法都會做啦,
我覺得無必要立法...

有冇人做又係另一回事...
反而依家見讓座既人比以前少

ｄ人連安全帶都唔扣啦，
保護自己都唔做，
仲點會顧人地呀

原帖由 3asv500 於 2008-7-6 19:05 發表
ｄ人連安全帶都唔扣啦，
保護自己都唔做，
仲點會顧人地呀

當呢方面巴士司機都無能力(唔好講有無權喇)執法個陣，
更加主觀的讓座就算立到法都只會令執法方面臨極大的搜證壓力。

呢樣野係市民公德心ge問題
讓坐與否對大部分來說影響不大
當然有些場合真係要讓坐,如孕婦
這與室內禁煙不一樣, 室內食煙會對其他非吸煙者有影響
甚至在健康層面上, 但唔讓坐會影響到幾多人呢?呢個會係重點
同埋如果德育教得好的話, 根本不用立法都會自動自覺

再者, 誰會有權力執法, 司機又唔得閒做
巴士公司更加唔會想用錢請個人做..
如果立法一定要請個人執法..一日咁多條線
巴士公司請返咁上下人,到頭來支出亦會轉嫁在乘客身上
就算理論層面係可行, 實際層面亦有商榷餘地

本人認為
有需要人士其實應該包括「高」人
意即身高掂車頂 0既人
雖然而家 0既巴士樓底其實都高左
但仍有部份巴士 0既樓底會令某些人站立時有難度
撞頭或者係掃天花時有發生
仲有 0既係
長者要屈低個頭黎企
真係遲早變鐘樓駝俠

雖然呢個方案好似唔多會理咁
但為人民健康著想
都希望政府方面都可以諗諗呢個情況

講真..... 建議的好心,
但聽佢地講立法的 on 居~
諗下大陸公民質素點先 la......
乜都立法仲得既!?

如果連讓座都要立法, 絕對係社會o既悲哀...
大陸一般公民質數越黎越高, 深圳搭地鐵見到公公婆婆甚至爭住讓座
反觀香港......

制訂一些無法/難以執行的法律有何用處?

年輕力壯的,
如果個日頭暈身慶搭緊巴士睇醫生,
唔讓座又是否需受罰呢?
老人怎樣定義?六十歲阿伯唔讓座比六十六歲阿婆是否要罰?

受過教育的人見到長者/大肚婆都應該識讓座,
需要立法代表該處公民教育十分差.
香港自稱國際都會,
如果讓座都需立法,
相信外地人都會對香港公民質素<刮目相看>.

[ 本帖最後由 ksmbh 於 2008-7-6 21:37 編輯 ]