藍青路線有改變

原帖由 cong 於 2008-7-8 20:47 發表


今個禮拜見有人０係地鐵站口派傳單，成業街亦都有站牌

成業街站是否位於成業街公園巴士站

咁奇怪既
我今日見幾班車都係由創紀６入巧明街，再經創紀３出番觀塘道
如果佢真係入成業街，依家開源道全線單向
照計無理由出得番觀塘道
唔通成業街有柯打先入去？
但巧明街無客都照入去兜一兜喎

原帖由 大傻哥 於 2008-7-9 00:59 發表

好慘咖經營呢條線..而家仲算係守o既時間..非繁忙又唔係算太靚..
又要養到班司機..又想做密d俾班客...
講真..開呢條線目的..梗係唔想入牛頭角..同入工業區啦...
好似早更咁..而家9點後行出面..又係盞死...
夜更返奇 ...

我認同你所講ge野, 只不過係有時身為居民及搭客,
有時都幾難適應, 初初冇車進步都有固定班次
已經不錯, 但改下改下行車時間長左, 冇相應措施跟進,似乎要改善
我諗係宣傳仍然唔夠, 好多時站都係整張紙係欄杆度, 又乜幾多個站有牌
整個好好地ge牌都好過啦, 而且有時為左搵客, 迫住要搞觀塘牌, 有時要睇清睇楚先上車
當然, 每一條線都有守ge時候, 呢條似終開左大半年, 可以再俾多少少時間

原帖由 bombmanhk 於 2008-7-10 01:24 發表


我認同你所講ge野, 只不過係有時身為居民及搭客,
有時都幾難適應, 初初冇車進步都有固定班次
已經不錯, 但改下改下行車時間長左, 冇相應措施跟進,似乎要改善
我諗係宣傳仍然唔夠, 好多時站都係整張紙係欄杆度, 又 ...

我覺得牌真係好緊要，最好就有哂主要途經地點，

例如新界綠小83A／86／86M（剛全線換新站牌不久）果種，經幾多地方就寫幾多野就最理想

遲d....睇黎都要遲好多先可以拆線
始終夠唔夠客剩下行山都成一個問題, 觀青都係靠一個觀塘先支撐到
一個藍田加油塘就"炆"d 喇, 我諗係藍田山上比較吸引d, 因為其他地方搭地鐵都差唔多時間
而且價值比較有優勢....始終油塘客唔想陪藍田客兜, 藍田客又唔想兜入油塘..
其實改好d班次, 固定些少, 有心搭ge人就會搭ga la, 以前15分鐘一班幾好ar, 時間又易預
我見過好多人係我樓下等等下唔等...而家夜更頭段, 同埋6-8點係最多客, 其他都係靠少少觀塘客

一齊交流, 令服務提升一下,感覺真不錯