大家平時隔幾遠就會去「叮一叮」?

電車乃至平港島北岸交通工具
有時懶行又有電車站坐兩三個站方便又就腳

唔知大家隔大約幾遠距離, 就會想到坐電車呢?
或者咁問: 平時坐電車的距離若何呢?

以本人而言, 約2個地鐵站的距離,就會選擇電車

歡迎分享一下
* 註:持月票者唔計^^" (月票就1個電車站距離都搭電車啦^^)

無月票都一個站就搭 例如中央圖書館去天后地鐵/Sogo
最經常近距離1個站咁搭就係灣仔油站搭去龍門
(呢段路過馬路又麻煩,又多人..特別係等過馬路時D巴士係咁噴熱氣/廢氣)
當然幾步一個站果D就會行 xd

短途既通常都係行路，中途多數都會叮，長途就睇下有冇閒情同時間

我正路係堅城往返石塘咀或者上環
0個陣先至會搭電車。

我一般來說最少兩個地鐵站距離才會坐電車，至於最遠
就大概四、五個地鐵站距離(遊車河另計)。

現在2A、82號線加價至$4.1，我用巴士代步的意欲更低
了……

我也是至少兩個地鐵站的距離，但再遠一點便有其他選擇 (65 小巴兩分鐘到北角實在太吸引)，然後到炮台山至銅鑼灣才會再考慮電車。

有時候在銅鑼灣上班，也會提早出門坐電車，省點錢。

我就多數會坐以下行程：

西環去中環
灣仔去中環
灣仔去銅鑼灣
跑馬地去銅鑼灣

有時由銅鑼灣去中環，如果天氣唔係太熱，而電車又唔逼既話，我都會揀電車搭。

我最常坐就係堅尼地城卑路乍灣 <-> 七號差館 來回都坐，日日返學都坐...

最近就係堅尼地城去到屈廠出面，有時去飲茶都會坐

另外我成日去銅鑼灣補習都坐叮叮，堅尼地城 <-> 堅拿道天橋 都只係45 - 50 分鐘，夜晚最快仲可以去到27分鐘，次次坐親都快過巴士，所以好多時坐叮叮
巴士等得車黎我坐叮叮都行左唔少路...加埋西區D 巴士流水線，好慢..=.="

都唔咪經常出現既情況 : 就係電車比流水巴士線快
2號就係一個相當好的例子
5號10號等亦然

不過有樣野搭單問下:
係咪一壞電車就一定係免費放人? [係公司叫落定係司機們約定俗成?]
(因為可能有乘客剛上車就壞車)
試過一次要去金鐘點知架車o係軍器廠街壞左
我由筲箕灣開始坐, 便宜了一個長車程

宜家新記加左價, 就連紅小都加左
坐電車的次數同距離都相應提高/ 增長了

原帖由 VA54-HN8897 於 2008-7-11 17:24 發表
另外我成日去銅鑼灣補習都坐叮叮，堅尼地城 <-> 堅拿道天橋 都只係45 - 50 分鐘，夜晚最快仲可以去到27分鐘，次次坐親都快過巴士，所以好多時坐叮叮
巴士等得車黎我坐叮叮都行左唔少路...加埋西區D 巴士流水線，好慢..=.="

堅尼地城出銅鑼灣我真的寧願坐電車，坐5/5B線很多人上落，遇著
繁忙時間中、上環塞車，真的坐到「火都嚟」……
即使不塞車一般車程都要足足45分鐘，那麼為何還要多付$1.4去坐
那些未必有位的巴士？

記得去年暑假在堅尼地城上班，有一次放工約了人到銅鑼灣，我選
擇了坐18P線在銅鑼灣避風塘下車再步行返回時代廣場，上車前剛
好看到#90在堅尼地城預備開車去跑馬地；
結果我下車後剛步行到波斯富街便看到#90轉入來……