商台即時終止黃毓民合約

[ref=290430]053h4[/ref]  在 2005-7-4 11:29 PM 發表:
別人說是"九品官"

九官問題應是, 大班以其一向的作風, 質問房署副署長
指斥房署副署長劉啟雄是"九官"
並在另一日, 更正為"九品官"

那麼為什麼鄭經翰會罵劉啟雄狗官呢？

而且又有甚麼問題呢？

[ref=290391]kmb71k[/ref]  在 2005-7-4 23:05 發表:



可唔可以粗略講下佢今晚講過 d 乜野?

頭半小時主要澄清佢，俞琤，湛國揚，仲有那位(陳?)小姐會面時討論
的問題．
　
黃毓民話係有人冇披露事實的全部．

其中佢提到俞琤係遊說佢做一日節目時(佢係有兩年口頭約做兩年，每星期
做五日節目，但佢突然要走開所以請假，商台繼而轉陣)，話只係暫時性，
都要俾俞琤試下個新陣WORK 唔WORK，毓民就話佢明白冇可能佢走左之後
返來即刻要成台人就返佢．所以佢就簽左張一年約．

但到上月廿九號，佢地四個係俞琤房開會時，毓民問幾時佢先有得做返5日，
話俞琤如果要打算唔理佢就咁算的話倒不如炒左佢，話糟蹋佢．
言談間，佢都有踩那位新來的台長啦．．．

之後，星期六下午，佢就收到電話，話個晚唔駛佢返去做節目，而湛國揚
都同時被炒．

後半小時主要討論俞既同佢之前既瓜葛，大班等人的事等等．．．．

毓民係就係寸左ｄ，不過俞琤無啦啦連早陣子佢先讚完既湛國揚都即炒，
就真係離晒大譜．

[ref=290446]053h4[/ref]  在 2005-7-4 11:38 PM 發表:
鄭經翰削房署指剝外判清潔工人,
並指斥由警察會否賣淫、販毒也不理

而本人只是質疑其唔比人出聲的做法

又要打一次出黎...

2003年04月24日

鄭經翰：「電話旁邊有房屋署副署長呀劉啟雄，亦都有呢個失職既工會領袖呀呢個李卓人。
　　　　　兩位早晨。」
林旭華：「早晨李卓人，早晨劉生。」
鄭經翰：「一個就教唆，一個就失職。咁就教唆果個講先喇，點解你容許D人中間削剝。」
劉啟雄：「阿大班呀，其實呢就係好似你所講啦，兩樣野啦。第一樣就係職業安全啦，
　　　　　職業安全就係講個口罩啦，果方面啦。」
鄭經翰：「咁你話一人一個口罩...削剝」
劉啟雄：「咁先講削剝方面啦，好嘛。」
鄭經翰：「好呀。」
劉啟雄：「咁呢個我地呢就係係三月底既時間呢，已經叫呢我地既清潔公司，係加班呢，即係洗太平地。
　　　　　咁就由以往既一個月洗太平地一次呢，我地加到呢，一個月做一次既」
　　　　（編按：下，一個月洗一次加到一個月做一次？）
劉啟雄：「咁就係呢段時間呢，當然呢個承辦商呢，係會呢個開支會大左既。就人工材料等等。
　　　　　咁呢，當然我地同佢地既商會傾緊果個價錢，個工資呀，協議等等既。」

．．．．．．．．．

鄭經翰：「你二百又好三百又好」
劉啟雄：「合約入面都係寫到呢，有需要既時間呢我地跟番個合約果方面呢，
　　　　　係作一個工作既調整，同工資既調整，係有咁既機制既。」
鄭經翰：「咁劉啟雄，咁我地講返百五蚊，係唔係合理呢，你你你削剝緊D工人？」
劉啟雄：「o者係咁，如果佢係百五蚊，佢係請到工人既，而工人肯願意去做既...」
鄭經翰：「劉啟雄，咁我就罵你喇，你係就係狗官黎既，我話俾你聽！一個願打一個願捱...
　　　　　好多人肯做雞，係砵蘭街，咁你比你做警務署處長咪好大鑊？」
鄭經翰：「咁有人肯做雞我地點管佢呀，有人肯食白粉我地點管佢呀？有人肯賭球我地點管佢呀？
　　　　　有冇搞錯呀？你走去咁樣講D野，你麻木不仁呀你。
　　　　　你話呢個世界有人肯受削剝呢，你就認為...
　　　　　不過你都好過恆隆，恆隆就三千蚊請人掃淘大，我話俾你聽。你就好D咁多。」
鄭經翰：「大佬你點可以咁講野？我要你收返正話果句說話。點可以咁講野，一個願打一個願捱。
　　　　　你執法機構，你用緊我地D錢架，唔可以俾人中間削剝架，知唔知呀劉啟雄，我真係要反面。」
劉啟雄：「當然呢，我地理解到個工人係辛苦」
鄭經翰：「搵條命博呀辛苦！」
劉啟雄：「但係呢我地冇一個最低工資既機制，丫嘛」
鄭經翰：「喂咁你問」
劉啟雄：「咁就係話由個承辦商個工人」
鄭經翰：「對唔住，我話俾你聽對唔住劉啟雄，你唔該你，我似家要停止呢個對話同你。點解呢，
　　　　　因為我幫緊你。」
劉啟雄：「係丫。」
鄭經翰：「你返去請示一下呀梁展文，你問佢呢個係唔係佢既宗旨黎既。
　　　　　你問完聽日先答你呢個問題啦，好唔好？多謝你呀今日，
　　　　　我唔想再罵你，因為我失儀呀我。我覺得我係一個好野蠻既人。
　　　　　我唔想俾人有一個咁既印象。我只係勞氣者。我想你地請示下你地既署長。
　　　　　署長就高度關注呢件事架喇，咁你仲有48小時去提出一個方案，
　　　　　唔係講緊最低工資，係你同D人定合約既時候呢，......」

如果再有必要才打整個版本吧，以前我也有在本版貼過(舊iT@lk...)

有人要錄音的話，可以PM我...

至於係唔係真既「唔比人出聲」呢，我相信如果講既野唔係兜圈子既，
佢都會俾你講...

[ref=290576]KV3410[/ref]  在 2005-7-5 01:06 AM 發表:



應該唔會cut 麥sir掛, 話晒今年佢有份拎特區勳章。

特區勳章認受性好低ga jar~
連"楊光"都有金紫荊星章.... 冇o野好講~