K16 車長主動叫乘客不准企樓上

原帖由 請勿下車 於 2008-7-11 13:08 發表
覺得依家D車樓上好難企得穩
直梯車更加
直梯車好像跌死過人?

兄弟, 我見到你打呢句, 直覺上覺得你認為企樓梯係合法??? 可唔可以解釋下?

上個月坐 914, 司機見有客晌上層企, 叫左幾聲都冇反應
直頭停左部車晌站頭度幾分鐘唔開車
最後要其他乘客出埋聲, 等人落番晒黎先肯開車

好彩當時 d 乘客冇乜怨言

原帖由 牛奶仔 於 11/7/2008 22:23 發表


兄弟, 我見到你打呢句, 直覺上覺得你認為企樓梯係合法??? 可唔可以解釋下?

不不不當然不是啦
係我依家臨落車行落樓下既感覺唔同左姐...
(小聲:見過鬼仲唔怕黑咩，成個人撞落個旁板唔痛架...)

上層企左人,
依例警察係告司機定乘客 ??

原帖由 davidng 於 2008-7-13 23:20 發表
上層企左人,
依例警察係告司機定乘客 ??

車長係有責任勸籲乘客唔可以企樓上, 如果大吉利是出左事, 當然係車長承擔責任.

企上層及樓梯本身是非常危險，尤其是樓梯，一旦急停的話，成個人碌落樓，到時...
記得當年（1980年代）中巴有一架行80號的亞歷山大車身珍寶，上層樓梯口對住光管位有幾句
手寫警告字句：「樓上及樓梯不准站立，畜牲例外」，另一句係：「樓上樓梯不准站立，貓狗例外」
，相信係字軌師傅手寫上去，而事實上真係湊效，冇人企上層同樓梯。而這句亦令人看後忍俊不禁！

這是當年所見，事實上實在太深刻了！

小弟發文幾日後，車長（可能個別）已再縱容乘客企樓上

K17都有同類型車長

昨日坐K12@801，個車長都有開MIC請乘客落返下層。

其實可以企上層，上多D客，巴士公司會唔鍾意咩？？

當中既原因係因為物理問題。
如果企得太多人o係上層，會將一個Centre of gravity(CG)(重力之中心)提高....

當這個CG太高時，轉彎時，車子會很容易翻則。所以巴士公司都唔會搵命搏。
如果司機容許乘客企上面既話，佢就搵百五人既命搏(企得上面都係下面都企爆人啦...百五個，差唔多，下層企既人總會比佢寫既容許數字多)