AE100改車心態問題

原帖由 6008-JU1220 於 2008-7-15 23:39 發表


你都有諗過改唔改......
到時買左你都可能會改....
仲有呢d車因為多二手料多..仲有平.....
d燕子喉係101既...100仔都岩用.....
所以先咁多人改....
有時改下改下...一有多餘錢就裝下呢樣裝下果樣.... ...

或者我可能會比較易受人影響...
加上未買過車,之前我又怕改多少少野,過road block會比人豆

原帖由 3ASV403 於 2008-7-15 23:45 發表

或者我可能會比較易受人影響...
加上未買過車,之前我又怕改多少少野,過road block會比人豆

俾人逗個d呢，要睇下亞sir 有咩order 要拉d咩人，唔係後生飛仔車就一定會逗既，當然如過閣下極到之靚仔咁就另計。

原帖由 3ASV403 於 2008-7-15 23:33 發表

其實我有諗過買手波AE110...
但就諗過如果買左改唔改好

有咩話改唔改好，有時d野，係有需要去改。

譬如110咁丫，你話返黎部車係13吋鈴，好樣衰，條胎就係175 香雞，咁換套14 或者甚至195/55R15 都唔係過份，
起碼部車好收d，必要時救你一命。

又或者你覺得原裝避震坐多個都會浪底，過彎好似渣船咁，咁幾千蚊整下避震整下頂底巴都唔係話唔好。

車舊喇，自然好多野都會老化，效率冇新車咁好，咁改下風格加下整流呢d野，都一樣唔過份丫？

改裝唔一定係為左快，而家個環境，改裝好多時都係為左提升效率，我既理解就係咁。

原帖由 arhang2001 於 2008-7-15 23:58 發表


有咩話改唔改好，有時d野，係有需要去改。

譬如110咁丫，你話返黎部車係13吋鈴，好樣衰，條胎就係175 香雞，咁換套14 或者甚至195/55R15 都唔係過份，
起碼部車好收d，必要時救你一命。

又或者你覺得原裝避震坐多個都會浪底，過彎 ...

明白晒
之前我真係唔明改裝究竟係為乜,以為淨係要飛

好多人心態就好似樓主一樣!
覺得改裝係為左飛車!
其實唔用原廠野已經係改裝...
有時改車亦都係為左改善架車原本表現
好多中港Alphard都改Supra或者Brembo大鮑魚
因為大陸十分需要加強制動
有時改裝可以減低耗油量添...
不過老實講,我都好怕D人亂咁改!
其實果D在我黎睇唔叫改裝
只係叫安裝

同埋我唔覺買EG Civic或者100仔黎楂有咩問題
我覺得呢D車比之後既型號仲好,係多野整D!
好老實,楂左咁多車,最好灣依然覺得係EG Civic!
無錯!大把車快過呢D車,但要一部適合自己楂既車
就好難....

[ 本帖最後由 CZ_6686 於 2008-7-16 01:58 編輯 ]

咁唔知響喉又點呢? 有無實際作用架?

原帖由 cktse 於 2008-7-16 10:14 AM 發表
咁唔知響喉又點呢? 有無實際作用架?

換喉我覺得要換埋中喉先至有明顯分別

其實以一部十三年以上嘅千三, 千五車嚟講, 100仔一D都唔CHEAP, 狀態好嘅, 開價萬五以上大有人在, 一些同期車如SUNNY B13, 二手車網都所餘無幾了, 甚至新一代嘅B14都開唔到呢個價!

後生仔考到牌, 自然好想買架車玩吓, 但新車唔係人人負擔得到, 而且一旦撞咗會肉赤, 自然向舊車埋手, 而且舊款車有樣好處, 就係二手料週街都有, 維修相宜, 而100仔初出時可能俾人感覺比同級車保守, 但保守外形往往就係長青, 唔易過時, 相反同期車款初出時十分前衛, 好似93年款的626咁, 個人覺得, 到今天反而覺得個樣好老土, 而87年推出的90系COROLLA反而仍覺得幾襟睇. 而最重要嘅係100仔引擎的確可靠, 改裝潛力亦高, 基本上引擎同AE86係同出一轍, 都屬於A系列, 所以好多零件都可以共用. 再者係當年100仔賣到成行成巿, 二手盤自然比其他車多好多, 要搵車, 搵件都比人地容易.

至於改裝車問題, 大多數想玩車嘅新仔操熟手車後自然不甘於現狀, 想用有限資源去將架車改得特別D, 而最容易改的, 自不然係來自同廠的FX系列配件, 工序既簡單, 日本二手件亦多, 正合晒呢班用家心水. 而改粗身尾喉目的唔係為快, 喉越粗, 起步反而係越慢, 只係尾段會好一點, 所以追求起步快的朋友, 用原裝喉反而較好.

我朋友剛出了部全新NZE141, 但佢都話想出部一萬蚊左右嘅舊車嚟粗用, 例如落大雨, 去一些路面狀況較差嘅地方, 與及俾佢阿哥操返熟手車之用, 心水選擇都係100仔, 或者係B13之類, 其他車都唔會考慮, 皆因唔係個樣老土就係太冷門, 整車都煩死!

原帖由 牛奶仔 於 2008-7-16 16:50 發表
其實以一部十三年以上嘅千三, 千五車嚟講, 100仔一D都唔CHEAP, 狀態好嘅, 開價萬五以上大有人在, 一些同期車如SUNNY B13, 二手車網都所餘無幾了, 甚至新一代嘅B14都開唔到呢個價!

後生仔考到牌, 自然好想買架車玩吓 ...

100仔有:
恆溫冷氣
電摺鏡
車速限制門鎖連中央鎖
後座手枕
防UV襯色玻璃
襯色中控台及座椅
可調較方向盤
錶板波箱排檔顯示 (A/T)

呢D設備, 今時今日, 一D 都唔CHEAP, 一D都唔OUT, 何況十幾年前?!
呢個亦係今時今日100仔多人追捧既其中一個原因..
個樣, 其實都幾保守, 不過學你話齋, 咁先會耐看的..
最緊要係都係引擎波箱極度可靠, 尤其係個波箱, 新車完全做唔到呢種能耐...

原帖由 牛奶仔 於 2008-7-16 16:50 發表
至於改裝車問題, 大多數想玩車嘅新仔操熟手車後自然不甘於現狀, 想用有限資源去將架車改得特別D, 而最容易改的, 自不然係來自同廠的FX系列配件, 工序既簡單, 日本二手件亦多, 正合晒呢班用家心水. 而改粗身尾喉目的唔係為快, 喉越粗, 起步反而係越慢, 只係尾段會好一點, 所以追求起步快的朋友, 用原裝喉反而較好. ...

不過有d人唔知改左條喉對架車邊方面好d...
一味以改左架車就會快咁...

呢d細cc車...一係有低扭就冇高扭...一係有高扭就冇低扭