最高時薪議員

相信大家都知係邊個..
無錯, 呢位議員真係要逐分鐘逐秒同佢計既,
仲貴過某些電話, 比年薪過百萬既打工皇帝既時薪仲要高..
長毛是也..

老實講, 睇著呢位人兄次次坐係議事廳唔夠5分鐘就會被請走,
唔駛開會可以去HIGH TEA, 真係唔該各位選民睇清楚呢D
真係浪費納稅人既錢既議員....

衷心希望九月之後唔會再係議事廳見到佢..

歡迎討論, 切勿罵戰

我又唔認同你嘅講法wor兄台。

第一, 佢唔係次次都俾范太請出議事廳, 至少最尾呢幾個月冇, 唔可以以偏慨全。
第二, 佢係正正式式俾人選出黎嘅議員, 佢只係用一D比較冷門嘅方法去表達佢嘅民主訴求, 我覺得咁樣可以接受。
第三, 唔好抹殺哂佢D功勞, 唔好唔記得, 有好多政策都好需要議員嘅每一票, 長毛正正運用左佢手上嘅一票, 去為香港市民謀福利, 佢絕對唔係浪費納稅人既錢。

如果我係新界東選民, 我寧願投長毛好過投劉江華呢D土共人士.......

長毛其實唔錯ga, 只不過佢做嘅野偏激左D啫, 希望選民唔好用有色眼鏡睇佢la!!!

睇番立法會議員天主教監察組06-07年度文件,
長毛只缺席4次,相反霍震霆缺席21次,如果話
長毛係最高薪,咁佢只係其中一人,而不是唯一

http://www.geocities.com/legco_catholic_monitors/press_release2007.doc

原帖由 SunnyJacky9094 於 2008-7-16 16:11 發表
我又唔認同你嘅講法wor兄台。

第一, 佢唔係次次都俾范太請出議事廳, 至少最尾呢幾個月冇, 唔可以以偏慨全。
第二, 佢係正正式式俾人選出黎嘅議員, 佢只係用一D比較冷門嘅方法去表達佢嘅民主訴求, 我覺得咁樣可以接 ...

今日先又一次開會5分鐘唔到請願走埋...
老實講, 發表意見唔係唔得, 但下下用此等手段, 個人不予認同...

例如讀哲學既, 大可以去寫文章, 寫專欄, 批評, 表達意見, 香港又唔係冇呢類平台..
而憑呢類平台達至有影響力既人, 香港都唔係冇.. 有冇需要次次以激進行為表達意見呢?

唔通真係要好似台灣咁, 係呢類會議上面動手動腳先叫做好?

你認為今日嘅香港, 係呢D層面上做嘅野仲會唔會有人理, 尤其是長毛呢D喺其他市民眼中被人歸入"麻煩友"一欄嘅人, 要記住, 長毛唔係李柱銘, 唔係喺The Wall Street Journal寫篇野就會咁受人注意。

你都識講, 長毛今日先係5分鐘走人, 唔係次次, 佢都好有貢獻ga, 根據《2004-05年度特區立法會議員表現評估報告》指出，梁國雄係地方選區議員中「議案及法案的發言次數」（19次）同埋「發言次數」（53次）最多嘅一位, 如果冇呢D極力爭取民主, 監視中共嘅人, 香港有咁安定?

原帖由 SunnyJacky9094 於 2008-7-16 18:05 發表 如果冇呢D極力爭取民主, 監視中共嘅人, 香港有咁安定?

你咁講會唔會誇張得滯呀?

多謝樓主曲線為長毛拉票, 我已決定今年將手上的一票投給長毛

原帖由 leslie 於 2008-7-16 18:24 發表
多謝樓主曲線為長毛拉票, 我已決定今年將手上的一票投給長毛

恭喜板友未受有色眼鏡影響......

如果有2票, 另外嗰票我會比埋田北俊....泛民多好過親建制派多....