謝師宴有感

其實係個別人士問題姐
有d 人覺得應該尊重場合所以要著西裝
有d 人覺得以往咁多年同人地o既謝師宴都係著所以著
但亦都會有人覺得只要大家開心就著咩都冇問題
咁岩你遇到d 人係鍾意著西裝姐

從來都冇人話過唔可以o係中式酒家搞
但一般太多人o既場合都會揀去酒店
因為呢d 時候酒店會出好多優惠同價錢較低
酒家就通常當你擺酒
價錢就會貴d
但若果謝師宴係細搞o既
就通常會揀酒家

原帖由 HX273 於 2008-7-19 21:42 發表
現今年輕人的崇洋主義是否過重，為甚麼一定要穿西裝才能去，穿快乾運動裝就遭人歧視？

我又覺得你知道要去酒店, 無西裝都起碼著smart casual,
快乾運動裝真係唔太尊重場合。

如果你認為咁叫崇洋主義重,
第日你著運動裝去見寫字樓工,
同閣下謝師宴經歷差唔遠咋...

原帖由 HX273 於 2008-7-19 21:42 發表
昨天的謝師宴，終於可以看清楚現今年輕人的真面目。因為我沒有錢購買西裝，所以就穿上一套快乾運動裝去。一入到酒店，有些人已經在發牢騷，擺明「見高拜，見低踩。」！
之後我搵人影相，我發覺他們拿起ＤＳＬＲ當傻瓜機拎，分明想亂咁影。  ...

同學, 冇人講過謝師宴一定要0係酒店搞. 再者, 謝師宴一般都係同學一齊籌備的, 如果你認為0係酒家搞都得, 0係籌備過程點解你唔嘗試俾d意見?

大多數中學生都選擇0係酒店搞謝師宴, 好大程度係價錢驅使. 坊間有好多酒店係特別推出謝師宴套餐, 價錢係特別為未有經濟能力ge學生而定 (即係比平時0係酒店食一餐ge價錢平一點點) , 比你所講的"較高級海鮮酒家"仲要平, 而且好多野酒店方面會幫你安排好 (尤其中學謝師宴會特別多"花腎"ga la) . 因為有呢種方便, 每屆同學們搞親謝師宴都傾向0係返酒店搞.

大學生搞謝師宴就未必會0係酒店搞, 一來未必一定會搞謝師宴, 二來多數唔會好似中學ge謝師宴咁多人去 (有唔少科其實好少畢業生ga za, 而且唔係個個都會去) , 有時就算想0係酒店搞都唔得 (酒店會要求最少三四十人) , 可能會包間cafe開下party就算.

至於衣著, 其實都係尊重返個場合. 你去d高檔ge地方食野, 唔一定要著西裝, 但點都會著靚d, 快乾運動服肯定就不是合適的服飾啦. 至於點解風氣會係咁, 基本上係冇道理和邏輯可言的, 除非同學們能夠徹底推翻呢種風氣, 或者完全唔介意人地目光, 否則只能盡量跟隨.

記住一點, 著西裝不等於崇洋, 你所著的快乾運動裝一樣都係沿用緊西方ge設計, 基本上都係西方的產物. 你d同學歧視你當然有唔0岩ge地方, 但唔好只係話人地崇洋, 覺得自己咩問題都冇. 嘗試諗下自己0係呢次謝師宴上, 有冇d咩地方都得唔夠好, 準備得唔足夠.

呢位同學,知唔知道何謂「尊重場合」?

場合要求參與者要穿西裝或者smart casual,當然希望你尊重主辦的朋友/同學
坐郵輪有「船長之夜」都要求你穿西裝(就算無西裝都要smart casual)
返寫字樓工你無可能T-Shirt、牛仔褲涼鞋工作啩

人家唔好意思話你,都會行動上叫你莊重
況且中學謝師宴只得一次,大家都想有美好回憶,你著快乾運動裝出席不太適合

原帖由 HX273 於 2008-7-20 19:38 發表


最弊就係沒有人叫我不穿西裝的後果會點。

去得謝師宴, 起碼已經有中五, 仲係咪樣樣要人提？
有唔清楚, 問下長輩家人意見, 或者打電話問同學,
跟大隊錯極有限。

希望你唔好介意我講得直接,
本人並無任何責怪意思 (事實亦唔到一個網上的路人甲咁多事),
只是提供做人處事的建議。

我就覺得唔好本末倒置, 花費大量金錢打扮
你要明白你係去聯誼, 去謝師, 唔係去鬥有錢
當年中五謝師宴, 有同學著普通 t-shirt, 甚至穿牛仔褲 (當中係有女同學) 上去酒店
當然格格不入, 不過我都預計到, 因為這群同學有窮書生, 有人慣左 casual, 完全唔會化妝...

這群普通衣著的同學當中有一個同學升上預科
到中七謝師宴, 他們在學校搞謝師宴,
其他同學繼續打扮, 這個同學繼續 t-shirt 上陣,
而他其後給我相片所見, 出席老師係好 casual
有老師打扮和樓主當日的沒有分別

小弟直情覺得
呢個世界根本就唔應該有謝師宴呢樣野


點解要有謝師宴呢?
大家不妨問問自己, 我諗大家都未必答得出...
現今的老師係受薪教書的, 佢個個月都有人工收
收左人工教書, 根本就係一件應份的事
同返工賺錢一樣
咁點解要額外去謝班老師呢?
更何況, 部分老師根本就真係
當教書係一份工, 而非什麼神聖工作


第二, 現時的社會風氣及謝師宴模式
同以前基本上已有好大好大的差別
現今已投身社會的板友, 你們當年的謝師宴
與現今學生的, 已經有很大程度的不同了


現今的謝師宴, 超過9成都係酒店搞
點解係酒店搞? 因為, 酒樓予現今學生老土的感覺
而家d謝師宴, 學生最少都要比成$600
講真個句, 一個仍在求學的學生
去邊度搵$600返黎呢? 咪又係問父母拎
咁即係父母出錢謝師? 個意思完全唔知係咩囉


至於有人話, 樓主點解唔比意見
原因好簡單, 因為樓主唔係grad din committee的member
grad din, 永遠都係少部分同學負責同楂主意
其他同學? 只有出錢的份, 根本無權發聲!