聽到呢架車快將退役的消息, 心裡面有d感觸
感觸, 唔係因為我對呢架車有好大感情, 事實上, 我一次都冇搭過. 感觸, 係因為佢係大約97, 98年間 首次登記.當時我係一個十幾歲的少年, 透過學校的巴士迷會開始對巴士有較深入的認識, 亦是某個大型巴士迷會的會員, 當時互聯網雖然並不普及,但從參與甚至策劃兩個巴士迷組織的活動與及出版之刊物, 很容易接觸到很多巴士界的最新資訊.
講返呢架車, 0係佢剛來港, 未出牌果陣, 我已經知道有佢ge存在, 當時冇咩興奮感覺, 因為我知道我冇咩機會會接觸佢,但佢同其他差唔多同期出牌ge巴士, 都俾我一種"新車"ge感覺, 呢種感覺咁多年來都冇咩退過, 直至現在為止,我依然覺得佢地係新車.
總係覺得"新車"退役被"湯"係一件奇怪ge事, 但奈何近年常常發生, 之前的穗景車身Dart, 甚至子彈頭豐田小巴 (即係三代) ,上一代的Rosa小巴 (即係澳門新福利大量使用果款) 就係另一些好例子. 講真, 鍾意搭巴士呢樣野, 係我好細個已經有,開始認唔同巴士車型亦係我八, 九歲已經開始做緊ge事. 剛開始果陣, 九巴AL 0係我心目中係好新ge巴士, 細細個睇住佢地落地出街載客,到依家話要停牌甚至退役, 都俾到我一種"新車退役ge感覺", 但都冇穗景Dart或者呢d左"呔"B10M退役來得強烈,可能佢地服役ge年期冇AL咁耐 (有時都覺得奇怪, 點解一架巴士用得果十年左右就俾人"湯") , 自己接觸機會又少, 唔好似AL咁自己會成日搭, 會慢慢感受到佢地老去ge事實.
可能, 一d年紀比我大ge網友 (即係睇住九巴大量買三軸熱狗果d甚至係更年長ge一群) 會比我有更大感觸.
p.s. 本來想0係其他區到發表, 但又唔知邊區先至0岩. |
。
