行公路遇著飛仔玩野

話說今日放工嚮大埔出九龍，
去到廣福村對出迴旋處，
正當我準備轉入迴旋處出去吐露港公路方向，
一架五門 Hatchback 全白色私家車由廣福道快線高速飛入迴旋處，
見狀我已經收油讓佢行先，點知佢過晒迴旋處竟然停左車，
我想過佢頭時佢就踩油唔俾我過，
一直在出去吐露港公路的支路上兩次嚮我前面加速再急剎，已經知佢玩野！

出到吐露港公路，未到白石角出口前的一段路的快線又係嚮我前面急剎停定，再踩油走。
後面Ｄ車差Ｄ停唔切，只見後面的車停到出晒白煙。
以為走左啦，點知佢入左去白石角兜一兜，
又嚮白石角入返吐露港公路的死位等我，當我過左之後就嚮我後面貼住泵把行，
又不斷嚮住 Horn 挑釁，
試過嚮轉入馬尿水橋同埋之後幾個分叉路口急扭軑都飛甩唔到佢，
我嚮大老山隧道公路上行住快線行 70km/h ，
佢貼得我好緊，而佢左邊就有架巴士，
最後佢踩 Brake 兜過巴士後面、左邊再抽頭嚮我前面又玩急剎，
再嚮入大老山隧道前的分叉路口一支箭咁飛左去，我就繼續入大老山隧道走喇。

呢個世界Ｄ人真係有病，
不過我都會錫住身旁的女朋友同埋自己部愛車，
本來如果再飛佢唔甩，都有諗過報警，但又趕時間，最後都無報到～

呢D友仔灣岸玩上腦了!
條路你架咩,迴旋處話出就出!
比我真係會同佢玩番轉頭,
不過都係果句,有其他人係車就算數!

P.S.:五門Hatchback,唔會係Corona呀?

[ 本帖最後由 CZ_6686 於 2008-7-24 22:08 編輯 ]

若記得車牌,可向警方投訴有關人士的駕駛態度

五門 Hatchback 全白色私家車?
AE100 Wagon?

一年之前小弟都被人挑過, 佢真係直頭撞埋來咁濟..
個次係部MP牌SERENA, 黑色..
無啦啦係影線插埋來, HORN左佢之後, 由小瀝源開始不斷急煞, 我行左邊去到佢車尾轆時佢特登扭埋來源搏炒..
右邊個又係咁, 全世界見佢舞龍咁舞, 都慢晒,
佢一直玩到過富安..
我地報左警, 但警察除左來煩我之外, 都冇乜做到D乜..
咪一味落口供LAW..
小弟又要返外國讀書, 結果, 警察只係書面警告佢了事..
所以..呢D CASE, 報警冇乜用...

原帖由 hkbw 於 2008-7-25 00:40 發表
一年之前小弟都被人挑過, 佢真係直頭撞埋來咁濟..
個次係部MP牌SERENA, 黑色..
無啦啦係影線插埋來, HORN左佢之後, 由小瀝源開始不斷急煞, 我行左邊去到佢車尾轆時佢特登扭埋來源搏炒..
右邊個又係咁, 全世界見佢舞 ...

唔係喎﹗如果夠料係會告佢，您仲可以出庭指佢﹗
我而家有一單就係掛緊上庭，係我報料篤個的士佬o既﹗

如果隔離有用手提影底佢...之後報警...

48小時之內可以去警署報案, 呢單野至少叉廚佢不小心, 扣硬5分, 如果有更多證據支持, 入佢危駕都得!

原帖由 FX8173 於 2008-7-25 02:13 發表


唔係喎﹗如果夠料係會告佢，您仲可以出庭指佢﹗
我而家有一單就係掛緊上庭，係我報料篤個的士佬o既﹗

你開工耐D就會發現好多的士佬都鍾意同巴士玩嘢架喇...

上次係吐公度都試過俾部MT牌既is200搞，懶型~
載住條女就上身咁~~
最後居然俾我甩左....真係好笑
同場仲有部5.5加入，個5.5司機好搞笑~~~