不滿 HP 維修服務

話說屋企去年年頭買左部 HP 電腦, 主要都係用黎做
文書用途, 同埋小弟有部分相都分o左落去。不過呢部
機用左唔夠半年就成日開機冇耐就自動關機 (咁我都
聽唔少更差既個案), 初初以為唔小心中毒就剷晒 d o野
再裝過, 點知裝完之後唔夠一日又唔能夠成功開機。因為
部機有三年維修保養, 咁我屋企人打去叫佢上黎整, 家人
就同番 HP 果邊講番部機有 d 乜野異樣, 點知果邊最初
仲話呢 d 係中毒, 重裝完就冇事, 唔肯上黎整; 跟住家人
再同佢講已經重裝過都唔得, 之後 HP 果邊仲好似唔信我地
重裝過, 仲要問一大輪先至肯搵師博上黎搞。最後上到黎,
原來部機唔係中毒, 只係有零件有問題, 不過個師博上到黎
一粒聲都冇出過, 只係自己好快手咁搞晒。結果部機本身
有乜問題提都冇提過就走左。

呢單野我都好後侮, 因為有個近乎完成既 database 冇左,
不過都怪自己咁多 backup 方法都冇用過。之後部機繼續用,
不過部機用多三個月左右又出事, 狀況同之前完全一樣。
不過比較奇怪既係, 第一次有問題之後將部機拆出黎先後
掃下塵之後開番部機又正常, 跟住掃埋毒又冇野。跟住順順利利
用多個幾月就再出事, 之後發覺風扇又好多塵, 跟住咪掃下佢。
跟住初頭一、兩日部機都冇事, 但之後就唔得喇, 開完之後
好短時間就 reboot/熄機,開得成都唔慌用得耐。見咁既情況,
唯有再搵 HP 睇睇。

不過因為部機已經過左一年, 叫佢上門維修要畀錢, 於是等到
我得閒就抬部機出尖沙咀。上到去放低部機做 full check,
要 $400 (已經有 d 後侮), 仲寫埋我既聯絡資料 (點解要
咁寫, 睇埋落去就知)。跟住見佢諗住叫我走既時候, 我就問
佢幾時攪完, 佢話要三至五個工作天。放低既日子係七月十一日,
之後等左一個星期都冇聲氣, 諗住果邊多機未輪到我果部, 但係
都唔該佢畀 d 聲氣我。點知之後果個星期一都冇聲氣, 於是我
就打去, 佢竟然話部機等報價... (等報價係咪代表 check o左?)
好, 我再等, 點知等到尋日仲未有, 我再打去, 竟然答案一樣, 跟住
我強調部機等左兩星期, 佢先話要快 d 幫我跟。好喇, 到今朝,
我老豆就收到電話話部機中左毒, 要洗晒部機。雖然我老豆係部機
既機主, 但係我明明寫晒我聯絡方法, 佢竟然完全冇通知過我。

坦白講, 部機開唔到我唔洗 check 都可以話係中毒, 但係畀成
$400 佢換取d 咁既服務。呢 d 係乜野服務態度? (衰 d 講句,
部機放低十四日, 佢做左乜野我都唔知) 仲有, 尋日我嘈完佢一輪,
今朝就立即有電話到, 我有少少懷疑果邊係咪 check 完就覺得係
中毒。而且佢唔搵我, 搵我老豆講, 佢根本唔係咁清楚個情況, 都
唔知佢係咪想避我。

幸好果部機屋企人都唔等住用, 如果唔係就大鑊。不過, 我到宜家
都唔知部機係咪中毒。雖然我都知電腦好易中毒, 加上果部機只係
用 norton 黎防毒, 但果部機都好少上網, 二來上網都唔會上 d
乜野網。軟件方面, 果部機全部都係正版。

唔知有冇板友之前試過類似經歷?

[ 本帖最後由 fw1321 於 2008-7-25 20:15 編輯 ]

你隻recovery disc呢?
部機有乜東瓜豆腐就用佢先嘛....

仲有,隨機送既norton真係信唔過...
唔好以為有佢就無敵,事實上真係得個樣

原帖由 DW8306 於 2008-7-26 08:24 發表
你隻recovery disc呢?
部機有乜東瓜豆腐就用佢先嘛....

仲有,隨機送既norton真係信唔過...
唔好以為有佢就無敵,事實上真係得個樣

果部機 recovery 分左做另一個 drive, 要 recover 開機按 F10
已經搞掂。其實本來做 recover 就唔駛搵佢, 不過之前就係試過
recover 之後都有問題, 最後 check 埋機先知原來冇中毒, 今次
再係咁先至費時 recover 住。

宜家佢話畀我聽係中毒我暫時都唔會唔信佢, 不過從果邊既工作
態度同效率黎講, 我真係有少少懷疑查部機中毒駛唔駛咁耐, 仲要
係畀佢成個星期有多仲話畀我聽等緊報價 (CS 話三至五個工作天
就得), 同埋畀成 $400 佢 full check, 我都想 check 埋其他野有冇事,
佢咁既答案都唔知有冇 check 埋其他野, 仲要電話都冇畀我,
淨係畀找老豆 (佢根本就唔清楚我畀左 $400 做 full check)。

[ 本帖最後由 fw1321 於 2008-7-26 15:02 編輯 ]

原帖由 fw1321 於 2008-7-26 14:47 發表


果部機 recovery 分左做另一個 drive, 要 recover 開機按 F10
已經搞掂。其實本來做 recover 就唔駛搵佢, 不過之前就係試過
recover 之後都有問題, 最後 check 埋機先知原來冇中毒, 今次
再係咁先至費時 recover  ...

中毒...真係呃門外漢就得
真係中毒既,係我做師傅.
換返個同款HDD再灌返個windows就得

原本隻HDD咪拎返公司format左佢做件,
再返下次換,"自動波","鐘屎"d維修都係咁做架啦...
我諗可能唔夠人用,或者機多得滯做唔切
(因為記得HP保養都係判左出去俾人做)

我反而認為有保仲要收check機費就有點兒過份

HP機係咁架.. 我而家用緊呢部..成日都會自行restart..
不過我個人覺得佢散熱差..好易谷到部機好熱

因為我係英國9-12月用左4個月都無事..
但一返黎香港既4月到就出事...

HP...唔好提...岩岩買左部HP,跟機係vista,唔岩用想返代理幫我轉XP,話晒新機梗係俾代理搞好啦...
點知打上hotline話冇呢個service,連我自己出隻原裝XP碟俾佢幫我搞都話唔得,問佢拎部機既driver又話冇,
要自己跟住個spec上網搵,我聽完真係即時xyz佢,咁大間廠連呢d咁簡單既服務都冇,我真係後悔幫襯佢...

可能本人比較幸運，本人自一九九八年至今用過兩台HP廠機，從未遇上過大問題。唯現時正使用的第二台HP廠機，不知為何，當打印機開啟後不能在電腦主機還運作時關掉，否則主機便會自動重新開機(要待主機關掉後方能給關掉)；還有第二台HP廠機所使用的滑鼠，其中間的按鍵(可以令開啟中的視窗上下捲動)在去年開始失靈。

[ 本帖最後由 YC 於 2008-7-28 14:36 編輯 ]

原帖由 df9321 於 2008-7-28 01:46 發表
HP...唔好提...岩岩買左部HP,跟機係vista,唔岩用想返代理幫我轉XP,話晒新機梗係俾代理搞好啦...
點知打上hotline話冇呢個service,連我自己出隻原裝XP碟俾佢幫我搞都話唔得,問佢拎部機既driver又話冇,
要自己跟住個sp ...

M$迫人用vista嘛....要driver返大陸d forum搵啦
佢話冇XP driver...我搵齊我部垃圾notebook d XP driver喎

p.s要用XP,買返砌機,一係upgrade上business