北京公安襲擊香港記者

香港傳媒採訪北京發售奧運門票混亂情況，被公安民警粗暴推趕，可說是襲擊

有線電視記者被箍頸叉頸及被推倒地上，無線電視記者被扯毀攝影機，南華早報記者被警方帶走，now新聞記者被強行從攝影梯拉下....

一個一個很慘不忍睹的鏡頭，很粗暴很過份，中國就連公安警察也是暴民，更是一班自以為更有無窮權力的暴民

情況更加的痛心，更加的可悲

若果真的想傳媒讓路，或控制傳媒在特定位置，是否可以禮貌些，是否可以文明些，無必要一開始就動粗，我相信動粗只會帶來反效果，更反而更加影響國家及奧運形象

而且當時民眾搶購門票混亂，公安不是維持民眾秩序，反而是暴力驅趕記者，阻止採訪，製造更多的混亂


北京奧運，承諾新聞自由，真的是一派胡言

一個問心"有"愧的政府及地區，最害怕就是傳媒，因為害怕傳媒把政府的瘡疤公諸於世

所以對這些政府來說，傳媒要壓制成佢地的棋子，只能報導政府想講，甚至想歪曲的事情，及作政府的宣傳工具

例如四川大地震，想全世界看到政府落力救災的一面，就給傳媒提供方便；現在奧運發售奧運門票出亂子，當然就不想傳媒記錄下來


本以為辦奧運，會為中國帶來進步及文明，但真失望，中國人的素質實在太低，距離文明仍有很大段距離

「辦奧運，會為中國帶來進步及文明」→我笑到碌地。

恕我直言，中國 (不是中共) 亡國，比進步、文明容易。

原帖由 053h4 於 26/7/2008 17:50 發表

不過, 要中國人發展到個個有"文明", 都無多幾十年都唔可能

咁正面少少啦，而家大陸好多人已經討論緊點樣喺精神、
制度上更加同世界接軌，不過一個摸索 + 實踐嘅過程係好耐，
唔係一兩件事件就可以完成 (中共成日講嗰句「循序漸進」，
其實係有根據。不過香港人節奏、效率喺全球數一數二，
等得佢嚟都死得)。

所以當見到樓主係咁大嗌「好失望」，明知係好無禮貌，
但除咗笑爆肚之外真係諗唔到第二種反應...

其實任何野都要時間, 奧運係俾到中國更易去接觸全世界,
去更進步.....但其實我一直都講, 係需要時間......

有時唔太明, 部分人都是太心急, 或太悲觀....

當之前四川大地震, 世界睇到中國領導人開放態度, 及訊息
傳訊的進步同時, 今日公安打記者, 就可以拉到去亡國咁講....
會唔會誇張左d?
點解唔睇多幾面? 中國近年, 又是否一d進步都無?

有錯的確可以批評, 我自己都覺得今次好有問題, 有批評先可有進步,
但我覺得如果連自己中國人, 都睇死自己國家亡國比進步更容易,
我就真係覺得比公安打記者更加可悲了

原帖由 3ASV196 於 26/7/2008 20:05 發表
其實任何野都要時間, 奧運係俾到中國更易去接觸全世界,
去更進步.....但其實我一直都講, 係需要時間......

有時唔太明, 部分人都是太心急, 或太悲觀....

當之前四川大地震, 世界睇到中國領導人開放態度, 及訊息
...

或者我比較情緒化，一見到有其他人大吵大鬧心情就會煩躁不安，
但如果你睇咗 #4，你就會明我 #2 係半晦氣話、半諷刺。

我認為呢個主題每篇貼文都係講事實，
不過正常而言人都係循 #4, #5 所講嘅方向去努力。
好似 #1, #2 呢啲文，發洩成份就比較大。

原帖由 3ASV196 於 2008-7-26 20:05 發表
其實任何野都要時間, 奧運係俾到中國更易去接觸全世界,
去更進步.....但其實我一直都講, 係需要時間......

有時唔太明, 部分人都是太心急, 或太悲觀....

當之前四川大地震, 世界睇到中國領導人開放態度, 及訊息
傳訊的進步同時, 今日公安打記者, 就可以拉到去亡國咁講....
會唔會誇張左d?
點解唔睇多幾面? 中國近年, 又是否一d進步都無?
...

四川地震是因為災情實在太嚴重，連國務院亦無法控制
information flow，於是開放了幾個星期。但是最近亦開
始拘捕揭露豆腐渣學校的民間人士（前兩天明報有報導，
但找不回link）

須知道中國（中華人民共和國）的國際形象一向不佳，
自然西方社會更挑剔，用更critical的眼光看待中國，
這次毆打記者，自然更佐證了CNN主播Jack Cafferty的
「流氓與打手」論。

[ 本帖最後由 S3BL100 於 2008-7-27 01:43 編輯 ]

原帖由 S3BL100 於 2008-7-27 01:40 發表


四川地震是因為災情實在太嚴重，連國務院亦無法控制
information flow，於是開放了幾個星期。但是最近亦開
始拘捕揭露豆腐渣學校的民間人士（前兩天明報有報導，
但找不回link）

須知道中國（中華人民共和國）的國際形象一向不 ...

1. 其實唔好講到國務院係被迫開放, 先去開....
災情嚴重本身也不是一定無法控制訊息, 歷史本身及另一D發展中國家都睇到....

2. 其實唔好永遠覺得西方國家一定係比中國好, 好似美國D警察,
一樣有好多問題, 如黑人歧視問題, 過份使用槍械問題....

外國人用更critical的眼光看待中國, 原因是否只是中國本身做得唔好?
我覺得可以諗下....

中國本身的確可以有更多進步及改善, 但更多國家有口話人, 無口話自己...
如果話公安今次打記者係「流氓與打手」論, 咁美軍去打其他國家, 又係
咩行為, 又係文明的表現?

[ 本帖最後由 3ASV196 於 2008-7-27 10:11 編輯 ]