有冇人玩California Fitness?

小弟取得會藉後,可唔可以唔參加個別訓練?
個別訓練要幾多$?

佢地dsell consultant好恐佈,好似sell寬頻咁,
佢明明話可以返屋企decide下,但係佢地睇下
你可以比到幾多錢,小弟咁就比佢地"坤"左入會,
還有,小弟入會後至睇到電視廣告話可以以$199
試玩七日,小弟覺得佢地有欺騙成份,咁可唔可以去消
委會告佢地呀?

P.S.入了會之後又唔知佢地又想"坤"我幾多錢?

我只可同你講句:「祝你好運」

呢間野在業界是著名「神坤」,明明$100,都俾佢作到$1000,咪話唔得人驚
被佢「坤」完D客通常會走去其他fitness centre「哭訴」如何俾佢「坤」(有位在Fitness First做的friend講)
受害者之後試玩仲覺得好過「神坤」(人家有埋美容部,入完會jetso分分鐘仲多過「神坤」)
他們一直以錢為先,Customer Service只當係「垃圾」(正如有線寬頻一樣,有事就打爆hot line都唔理你)
(以上只係個人意見+經歷)

其實你直接去小額錢債審裁處告佢仲好過經消委會告,去消委會投訴只會俾「神坤」話簽約就係你同意我們的服務......
(小弟一年前俾佢「坤」完,走去消委會投訴結果係叫我去小額錢債審裁處告佢,搞左好多文件都要入稟4次先肯受理,仲要排期到19/7先審)

你入會之後可能俾佢「坤」多7-8萬
計算方法係當你月費$500/一個月
$500 x 12個月 =$6000
一定要(迫)你買個別訓練,預$500/一堂,而假設你一星期去3日
$500 x 3次 x 4星期 x 12個月 =$72000
前後要$78000一年,仲未計其他費用

我想你唯一可做的是用盡方法拒絕佢,否則你真係「任佢魚肉」

最好你今日去消委會投訴佢,至於小額錢債審裁處就遲少少先做

呢間野曾在台灣引發民眾上街抗議,要政府出面先平息民憤

[ref=292828]U-157星之Kelvin[/ref]  在 2005-7-7 11:19 AM 發表:

我只可同你講句:「祝你好運」

呢間野在業界是著名「神坤」,明明$100,都俾佢作到$1000,咪話唔得人驚
被佢「坤」完D客通常會走去其他fitness centre「哭訴」如何俾佢「坤」(有位在Fitness First做的friend講)
...

打電話去消委會,佢話你自己自願簽約,so不接納投訴,咁點算?

[ref=292828]U-157星之Kelvin[/ref]  在 2005-7-7 11:19 AM 發表:你入會之後可能俾佢「坤」多7-8萬
計算方法係當你月費$500/一個月
$500 x 12個月 =$6000
一定要(迫)你買個別訓練,預$500/一堂,而假設你一星期去3日
$500 x 3次 x 4星期 x 12個月 =$72000
前後要$78000一年,仲未計其他費用

情況邊度有你講到咁嚴重
California Fitness 開門做正當生意
雖然部份職員推銷時的確係「過份積極」
但作為消費者只要你企硬
無任何人可以迫你俾錢

我兩年前加入 California，簽兩年合約
每個月折實 $250 任玩
最近再續約，月費更加只係 $160
沒有被「坤」俾其他費用

至於你入會之後
的確會有職員游說你參加私人教練班
費用由 $500-$800 一堂不等
但參唔參加決定權完全在你
你覺得無必要，無人可以迫你簽咭
最重要係當有職員游說你時
你要即時耍手擰頭，不要和他閒談太久
因為越談得耐，你「落搭」的機會越大

有一點要認清楚
California 的職員受過訓練，口才了得
亦對顧客的消費心理十分了解
會跟顧客打友誼牌，主動和顧客握手以示友好
但這樣同你去行街買衫一樣
Sales 亦一樣係客都讚你著得好睇
買完一件又會話買多件有折有贈品
是否「落搭」在乎顧客的定力
而不能夠話個 Sales 「坤」你錢

就算你真係比 $78000 參加 144 堂教練班（如果真係有客咁做，呢個客都認真豪同蠢）
California 亦會實實在在提供 144 小時的私人教練堂給你
而唔係收左你錢就拉閘執笠
這樣又點可以話「俾人坤」？

[ Last edited by ahbong on 2005-7-7 at 13:48 ]

[ref=292884]DC3938[/ref]  在 2005-7-7 12:13 PM 發表:


打電話去消委會,佢話你自己自願簽約,so不接納投訴,咁點算?

除非你當時被職員強迫簽約，例如被他們沒收提款咭、身份証去迫你簽，否則當然不會接納你的投訴。

如果遇上以上情況，第一時間當然唔係簽名，而係同職員講有事要走，遲些再考慮，絕對不能心軟。如果職員仍加以拖延，當然就係威脅報警。消費者要知道自己的權利和一旦簽約後要覆行合約的義務，唔係簽完約先後悔。

[ Last edited by ahbong on 2005-7-7 at 13:50 ]

講起這家健身會,最近接到其來電,聲稱有人介紹小弟成為貴賓會員.
但小弟向所有親友,同學查詢後,發覺根本沒有人是這家健身會之會員,遑論推薦入會.
最後決定拒絕所謂"介紹".

這一間健身公司的銷售手法很有問題，以下是我一位朋友(A君)的經歷：

有一天，我和A君收到這間健身公司職員的來電，話我倆另一位朋友(B君)入了會(他真是入了會)，
然後介紹了我倆入會，話送七天免費試玩，七天試玩之後不滿意可不入會。A君於是便去到這間
健身公司的其中一間中心去拿取七天會藉，A君去到後，職員便帶A君參觀健身中心設施，
之後便不斷游說A君入會，A君心知不妙。入會手續費$400，每月月費$400，A君表示他付擔不起這麼貴的費用，那職員便不斷減價，更加話隨時可CUT會藉，不用任何補償，A君一時心軟使簽了一年合約，首三個月合共收二百多元，之後每月二百多元，所謂的七天免費試玩會藉從没有提及過。A君就此花了三個多小時才可「甩身」，好彩我當日工事繁忙無去。

事後，A君細看合約條款，訂明合約期内不可CUT會藉，否則要賠償剩餘月費給健身公司，
A君根本無心入會，加上不願每月付二百多元會費。於是過了幾日後我陪同A君再去該
健身公司理論，經理接見我們，A君要求解約。談話撮要大致如下：

經理：這是一份法定合約，唔可以解約，合約訂明合約期12個月内不可解約，
否則要賠償餘下月費，為什麼不玩呢?這已是最平月費了。一係你找到人轉讓合約，
去繼續繳付餘下9個月會費。
A君：你職員話可隨時CUT會藉，唔駛賠錢。
經理：個職員點講說話我控制不到，為什麼你没有看清楚合約條款便簽約?你是成年人，
冇人威迫你簽合約，你自己在自願情况下簽合約，這是雙方同意的合約，大家要尊重合約精神。
A君：那麼我不交月費law
經理：如你不交月費，我地公司會先去信要求你交月費，如你仍不交月費，我地公司會採取
法律行動去小額錢債審裁署向你追討費用。
A君：那麽我去消委會投訴
經理：你有你去消委會投訴的權利

經過一輪討價還價，經理話由於A君簽了約不足一個月，根據公司規定如要CUT會藉要交
$1000手續費解約。經理拿了一份看來是健身公司的內部文件給我和A君看。
最後A君驚比此健身公司採取法律行動去小額錢債審裁署向追討會費，又找不到其他人
去繼續份合約，只有很無奈地繳付$1000去解約。

對於這間公司的任何宣傳推廣，大家要小心！！

同時想問懂法律知識的板友，A君在職員聲稱可隨時CUT會藉的情況下簽了合約，不用任何補償，但後來細閱合約是合約期內解約要賠償，這樣被「錯誤引導」下簽了合約，是否仍有法律效力？

[ref=292998]chrisappear[/ref]  在 2005-7-7 01:56 PM 發表:

講起這家健身會,最近接到其來電,聲稱有人介紹小弟成為貴賓會員.
但小弟向所有親友,同學查詢後,發覺根本沒有人是這家健身會之會員,遑論推薦入會.
最後決定拒絕所謂"介紹".

我也遇到這情況，你唔理佢，過一段時間Ｄ職員又會打電話給你。第二次打電話來，
我要假裝話我住的屋村有私人會所，才能推掉。正如樓上有板友說，Ｄ職員口才了得，
摸清消費者心理，懂得用心理戰術去令你自願「上釣」。我所見一定是異性職員
「招乎」人客，每個職員都悉心打扮，給人一個健康，活力，陽光氣的形象。

[ref=292983]ahbong[/ref]  在 2005-7-7 13:33 發表:



情況邊度有你講到咁嚴重
California Fitness 開門做正當生意
雖然部份職員推銷時的確係「過份積極」
但作為消費者只要你企硬
無任何人可以迫你俾錢

我兩年前加入 California，簽兩年合約
每個月折實  ...

最近家父的同事中左招,被「坤」的錢係我的5倍幾(約$16,000)
如果唔迫人買plan係正常的,但呢間野班新人把口就不斷吹,吹到「天上有地下無」
如果佢唔係「坤」人錢,台灣的會員都唔會上街抗議啦
你上消委會個網睇下投訴數字先話無問題啦
上年佢開左間新鋪,一搞就300幾單投訴,佢都佔九成以上投訴啦
而且佢的計算薪金係要員工做到唔知幾多個萬營業額先發薪,試過俾人告上法庭,法官話佢咁做生意係不合理

[ref=292990]ahbong[/ref]  在 2005-7-7 13:40 發表:



除非你當時被職員強迫簽約，例如被他們沒收提款咭、身份証去迫你簽，否則當然不會接納你的投訴。

如果遇上以上情況，第一時間當然唔係簽名，而係同職員講有事要走，遲些再考慮，絕對不能心軟。如果職員仍加 ...

你講得無錯,係點都有辦法走人
但入去試玩都被佢迫做會員(你可以想下有x電視迫阿公阿婆裝電視的方法)
有幾唔妥

[ref=292998]chrisappear[/ref]  在 2005-7-7 13:56 發表:

講起這家健身會,最近接到其來電,聲稱有人介紹小弟成為貴賓會員.
但小弟向所有親友,同學查詢後,發覺根本沒有人是這家健身會之會員,遑論推薦入會.
最後決定拒絕所謂"介紹".

事實是佢上頻譜查過,之後「撞號碼」
或你遠親近鄰(連唔識的人都有)俾佢迫完入會再迫攞number
千祈唔好應承是上策,作為受害者,當然唔想多一位受害者

[ Last edited by U-157星之Kelvin on 2005-7-7 at 15:45 ]

個成龍就唔應該幫佢做代言啦
身為香港代表,失禮死人
我依家都係佢會員,$298一個月,只限去旺角果間,一個星期3日
當初又係俾佢坤入會,又無講話唔玩要罰$1500解約
依家都係局住玩...無理由白俾$1500佢架ma,佢咪好著數
有時玩玩下d教練會走埋黎又話我姿勢唔岩,乘機坤我參加佢d課程
要我俾八千幾蚊唔知幾多堂,啋佢都傻,我走去纖體唔好
咁我話我無帶銀包咁先甩身
果日玩跑步機,有個女會員同佢個fd一齊,咁係我隔離度跑
咁個女會員係第一日黎既,咁有個教練行埋佢度嗌佢你識唔識點用d機架?
不如參加我地d課程丫,第一堂唔使錢架,咁後來個女仔聰明,無理到個教練,
後尾個教練先死死氣氣走之ma#
當初我入會夠話送一堂俾我啦,後尾咪又係要我俾幾千蚊....#:-/
後尾俾張銀行無錢既戶口咭佢,等佢"look"囉,反下佢都好

[ Last edited by winningmok on 2005-7-7 at 20:14 ]