你們通常會用那種輸入法來輸入中文呢?

九方3.0
可打到35wpm，比不少人快。

因為通行性問題，現努力學習倉頡。

倉頡
識用,但唔算精(打字速度麻麻.....)

速成學就好易,但係用起上黎都幾麻煩(揀字揀到頭
暈......)

[ref=299669]mckhgc[/ref]  在 2005-7-12 08:50 PM 發表:
至於倉頡........我覺得真係超級超級超級難，有Ｄ仲拆得極之唔合理，
例如個「李」，真係唔明佢點解會係「木弓木」，應該「木弓一」至係合理，
又例如「小」係「弓金」，「京」竟然唔係「卜口弓金」而係「卜口火」，
仲好死板，一個字焗著得一個打法，
例如個「戶」字，相信好多人用手寫時，上面都會用一點，
但用倉頡時，你用呢個方向去唸黎拆，就永世打唔到.......

個「麗」字都係啦,倉頡碼係「一一月月心」,如果用
筆順去拆就會變左「一月.....」,結果就學你話齋永世
都打唔到~

我老豆都話用倉頡打中文係一路入一路爆粗....

我都係用倉頡，我小六開始有電腦，初時用速成，
親戚有人係公務員，拿份倉頡字表畀我自己摸。
中二開始有ICQ，口語常用字速度加快。
中三電腦科強制學習倉頡，因利成便我的倉頡很快已掌握到，
一些「奇離碼」都知道了，考試取得99/100字的成績（唔識個「欖」字，木尸田山）。
之後便一直用倉頡，ICQ、討論區等，而我有「作路線」習慣（類似C4板），
大部份主要道路、「交匯處」、「迴旋處」這些詞語，都可以快速打到。
入到大學更加被認為是「打字超快」，雖然在初中時，我打30wpm人地70wpm。
早前受板友啟發，打了一個「倉頡標點表」，加上十月起開始打日記，
引號、句號、書名號等都可背到了。

我就用速成啦~~
有時都會用下倉頡啦!!
多數用速成!
因為快,方便!!

[ref=312732]dydx[/ref]  在 2005-7-24 12:55 PM 發表:



個「麗」字都係啦,倉頡碼係「一一月月心」,如果用
筆順去拆就會變左「一月.....」,結果就學你話齋永世
都打唔到~

我老豆都話用倉 ...

「麗」字如果「一月」開頭就會有「難」 (鹿字係
「戈難心」) 。朱生可能想避免咁拆。

回果個 mckhgc:
「子」呢 D 字唔可以用「弓一」，因為「弓弓一」
係「孑然一身」，而且穿過一向要成個字形計。
純粹用筆順拆這些碼字一向行不通，但唔代表呢 D
碼係難。更準確一點說：自己學唔到唔好賴舊野難。
呢度都好多人學到呀係咪？