點解南昌站要拆閘機

現時南昌站轉線通道得番三部閘機
東涌線一到就塞晒人
如果有人過唔到閘就仲麻煩

其實港鐵應該保留閘機
直至完全合併後拆去欄杆
最後才拆走閘機

比較適合的過渡措施，應該係將閘機設在長開模式，再在非營業時間逐少逐少拆。

順帶一提，九龍塘站，東鐵南大堂往觀塘綫的闊閘機，自合併後有問題便封閉及「測試」至今，
都唔知係咪遲早要拆，根本無修理到，而家畀人習慣下先。

原帖由 ahbong 於 2008-8-4 22:35 發表
現時南昌站轉線通道得番三部閘機
東涌線一到就塞晒人
如果有人過唔到閘就仲麻煩

其實港鐵應該保留閘機
直至完全合併後拆去欄杆
最後才拆走閘機 ...

美孚站已經安置好7部閘機 (星期日所見), 不知是否從南昌站而來

原帖由 ChickenTong 於 2008-8-4 23:26 發表
請問係美孚站邊忽?

西鐵線兩個出閘位置對出既部份。
對正一排門果個位。

同埋美孚轉線位置加設欄杆已經完成左大概九成，其他轉線站既工程又如何呢?
唔知可唔可以趕及兩鐵合拼一周年前完成整個系統合拼呢?

原帖由 ChickenTong 於 2008-8-4 23:26 發表
請問係美孚站邊忽?

西鐵大堂原來面對荔枝角公園, 一大排玻璃門, 預備改作出入閘機的位置, 即所謂 F 出口

原帖由 DIH 於 2008-8-4 23:10 發表
比較適合的過渡措施，應該係將閘機設在長開模式，再在非營業時間逐少逐少拆。

順帶一提，九龍塘站，東鐵南大堂往觀塘綫的闊閘機，自合併後有問題便封閉及「測試」至今，
都唔知係咪遲早要拆，根本無修理到，而家畀人習慣下先。 ...

唔係WOR, 而家好多個個西鐵站都有幾部係「測試中」
如天水圍, 元朗, 屯門都有...

原帖由 kachun28 於 2008-8-4 23:32 發表

西鐵線兩個出閘位置對出既部份。
對正一排門果個位。

同埋美孚轉線位置加設欄杆已經完成左大概九成，其他轉線站既工程又如何呢?
唔知可唔可以趕及兩鐵合拼一周年前完成整個系統合拼呢? ...

九龍塘站南大堂仍然未動工，但比三個月前多了一些工程劃線，例如欄河條柱座落的位置。
北大堂就如火如荼，感覺比以前闊落，九鐵賣票counter前面圍起了一處，
我唔知以前係乜，所以唔知佢將來係乜。

另外，站內（包括月台及大堂）多了好多現時封住的新指示牌，
有一些已經開封，睇到係「緊急出口」，但其他唔係緊急出口的就唔知係乜，
可能係指人去轉乘的指示（例如，單程票乘客不能使用F出口轉車，一定要指佢地去北或南大堂）。

我星期日（3/8）去過南昌站，東涌綫與西鐵綫之間係會興建類似大圍站的轉乘通道，好似係頭中尾各一條。
但我相信假如西鐵綫唔調轉方向的話，這樣轉車的人流不會太多。

例如東涌站去元朗站：
MTR成人車費$23.4，車程47分鐘（官方資料）；
E34車費$13.6，車程大約都係45+/-5分鐘，計埋等車加多10分鐘（請搭開的人解答）。
我故意加入東涌綫北大嶼段及西鐵綫大欖隧道，也不入元朗市，提高鐵路優勢，但得出時間同搭巴士差唔多，
「搭到出南昌先轉車」概念上已輸，而巴士車費只係MTR的60%，鐵路吸引力不大。

所以計我話，要加大南昌站作為轉乘站的優勢，應該最遲在東西線貫通時，將西鐵行車方向調轉，
南昌站實施「大圍式」轉乘，方便大西北乘客前往港島，及東涌／青衣乘客往尖沙咀／土瓜灣。
為什麼南昌站東涌綫月台上，「往屯門」的指示牌係臨時的呢？

[ 本帖最後由 DIH 於 2008-8-5 00:10 編輯 ]

原帖由 dogdog 於 2008-8-4 23:41 發表


唔係WOR, 而家好多個個西鐵站都有幾部係「測試中」
如天水圍, 元朗, 屯門都有...

有一日下午
見到有一個工作人員拎住一大疊單程飛
逐張餵入 "測試中" 的閘機

我估係測試收費區合併後的車票吧

可能港鐵想物盡其用,將閘機調來調去,將南昌的閘機調去美孚站,遲些又可將美孚站的閘機調去九龍西新車站及康城站