兩台上週收視(2008/7/28-8/3)

原帖由 請勿下車 於 2008-8-6 10:23 發表

說實的...亞視有D節目/外購劇真係質素唔錯
衹係慣性收視累事

另一個原因, 係外購劇配音差, 直接影響了節目的吸引性,
我試過因為某些劇, 打算捧下亞視場, 但係睇了半集後,
因為配音差, 即刻搞到唔想再睇.

慣性收視呢個理由, 或者真係十多年前都可能係, 但係
現今會唔會仲有咁多師奶只會開著tvb呢? 現今有now,
又有cable, 唔好睇都會轉其他台, 唔再係只得tvb.
(不過有些人真係無得揀, 但係會唔會真係只開著電視唔關呢?)
我覺得亞視收視弱係在節目上唔學懂將好的東西做好
佢留住佢, 次次都係一下高潮就自己打死自己, 好似
今日睇真d, 開心大發現, 班馬在線等, 節目唔係差, 硬
要將過節目收檔.

tvb劇集可能質素係差了, 但係又係唔係真係差得咁緊要呢?
唔好因為畫面出現了未來物件就鬧, 劇情無新意又鬧,
試問人生又會有多少新的際遇題材可拍呢? 次次劇情提到
談情就鬧無新意, 但係日劇套套都講到愛情又唔見有人鬧,
不最好笑的係有些人連劇都未睇過, 只係睇宣傳片已經定
下套劇的生死, 呢些算唔算係慣性胡鬧批評呢?

[ 本帖最後由 Route_99 於 2008-8-6 16:44 編輯 ]

或許是因為無線有配音組，亞視（其實有線及其他媒體都是）是外判，質素難有保證。

原帖由 hkaiw 於 2008-8-6 17:08 發表
或許是因為無線有配音組，亞視（其實有線及其他媒體都是）是外判，質素難有保證。

期望亞視早日組個配音部門, 唔係的話, 俾多多錢買個播影權都係無用,
一套好的劇就咁俾d差劣的配音整到失去吸引力

原帖由 Route_99 於 2008-8-6 16:42 發表
另一個原因, 係外購劇配音差, 直接影響了節目的吸引性,
我試過因為某些劇, 打算捧下亞視場, 但係睇了半集後,
因為配音差, 即刻搞到唔想再睇.

慣性收視呢個理由, 或者真係十多年前都可能係, 但係
現今會唔會仲有 ...

唔知大家有冇留意到,
慣性收視唔單止覆蓋家庭,
就連街外設有電視機的食肆,
開住無線的數目一定比較多.
尤其係只有一部電視機的食肆,
除左跑馬時段, 或者安裝左收費電視,
否則播亞視的機會近乎零.
正正因為有慣性收視,
食肆老闆先會長開無線去遷就食客.
假如黃金時段仲去播收視偏低的亞視節目,
班食客一定自己轉番個台.
至於亞視節目長期收視弱,
除了亞視自己包裝得唔好之外,
佢同本地主流傳媒的關係都係一個問題.
有乜理由幾份主要報章, 幾本八卦雜誌,
報道有關本地電視圈的內容,
九成以上都係同無線有關?
大家對上一次睇到報章雜誌正正經經介紹亞視節目係幾時?
(應該係AV事務所吧?)
就連八卦雜誌的劇集預告頁,
寧願放衝上雲霄呢d 翻炒劇都唔放師奶愛鬥大,
你就知一般香港人根本冇主流途徑去接觸亞視.
亞視藝人有邊個做過八卦雜誌中間的專訪?
簽咁多藝人返來, 無線棄將又好, 內地落黎又好,
都唔利用傳媒去捧紅佢地,
到佢地拍劇時又邊度有吸引力令人轉台?
以前有人分析過,
無線劇集劇情雖然係重覆, 冇新意, 而且反駁多多,
但起碼你知道個演員係邊個.
個演員現實生活係點你睇報章雜誌都清清楚楚.
追劇時有代入感.
但亞視呢? 睇韓劇, 大陸劇,
隨時你追晒咁多集都唔知個演員叫咩名.
因為根本冇雜誌介紹過,
要搵唔該自己上電視台官網搵.
亞視要改善收視,
製作多d 有創意節目當然需要,
但真係要搵多d 機會走入主流傳媒,
提升旗下藝人的知名度,
觀眾對藝人認識多左,
自然會對節目產生興趣.

原帖由 Route_99 於 2008-8-6 17:48 發表
期望亞視早日組個配音部門, 唔係的話, 俾多多錢買個播影權都係無用,
一套好的劇就咁俾d差劣的配音整到失去吸引力

其實亞視原本是設有配音組，但是於2000年解散（其後差不多所有後期製作都改為外判，所以當時看到不少節目都不是由亞視自行製作），而之後在片尾字幕看到的配音科好像只是掛名而已。

至於 bustop 所提及到的問題，正如亞視是有不少高質素的資訊節目，例如於1998年9月改革時本地製作的《尋找他鄉的故事》、外購的《二十世紀驚世奇案》（之前還有一個石修做主持的，但忘記了名稱）等，但是因為不少人看無線而被忽略；又例如《頭條新聞》改於亞視播放首天，收視率由以往於無線播放時差不多有20點，下跌至只有6點，雖然與其他於亞視播放的港台節目相比已經算是很高，但是卻敗給無線有關四川地震的節目。

亞視給人的印象是願意創新，製作或外購一些較另類的節目，除《今日睇真D》、《尋找他鄉的故事》、《香港男士選舉》、《十大電視廣告頒獎典禮》、《AV事務所》外，還有比較有深刻印象的《港角鏡》、《飲食樂》、《識飲識食》、《開檯》，近期的《冷知識衝動》、《根蹤香港》、《香港風華》、黃麗梅主持的飲食節目等。

原帖由 bustop 於 2008-8-6 18:54 發表


唔知大家有冇留意到,
慣性收視唔單止覆蓋家庭,
就連街外設有電視機的食肆,
開住無線的數目一定比較多.
尤其係只有一部電視機的食肆,
除左跑馬時段, 或者安裝左收費電視,
否則播亞視的機會近乎零.
正正因為有慣性收 ...

食肆依家未必播tvb
可能播有線,now新聞
有時夜晚播下sport
我估遲d可能會有食肆會播atv2..

原帖由 Route_99 於 2008-8-6 16:42 發表


我覺得亞視收視弱係在節目上唔學懂將好的東西做好
佢留住佢, 次次都係一下高潮就自己打死自己, 好似
今日睇真d, 開心大發現, 班馬在線等, 節目唔係差, 硬
要將過節目收檔.

會否只係想見好就收，唔想之後後勁不繼而走下坡，所以先終止節目？

不過黃麗梅個D又真係做得盡個滯既，加上菜欄出擊所以就一落千丈

而且奧運廣告同師奶我最大班人淨係show個名，加上網友所指既宜傳不足等因素，所以知名度低係好平常

唔知當日由TVB轉投aTV既人會唔會後悔當日既選擇呢？

原帖由 Wright---AVW16 於 2008-8-7 20:02 發表

會否只係想見好就收，唔想之後後勁不繼而走下坡，所以先終止節目？

不過黃麗梅個D又真係做得盡個滯既，加上菜欄出擊所以就一落千丈

而且奧運廣告同師奶我最大班人淨係show個名，加上網友所指既宜傳不足等因素，所以知名度低係 ...

但以我所知
林曉峰過aTV係問過曾志偉
曾都叫佢過.......

其實頭條新聞好好睇, 係比aTV陀衰左......

原帖由 Wright---AVW16 於 2008-8-7 20:02 發表

會否只係想見好就收，唔想之後後勁不繼而走下坡，所以先終止節目？

不過黃麗梅個D又真係做得盡個滯既，加上菜欄出擊所以就一落千丈

而且奧運廣告同師奶我最大班人淨係show個名，加上網友所指既宜傳不足等因素，所以知名度低係 ...

我都好似你咁估, 見好就收, 但係當你無咩野可以吸引人的時候,
將d好野收埋咪又係死路一條

麗梅姐好好地一星期一晚咪好囉, 係要用到盡, 一晚就可慢慢帶高整夜的收視,
用到一個人盡, 咪分薄d捧場客

[ 本帖最後由 Route_99 於 2008-8-8 14:42 編輯 ]