[建議]增設港鐵特惠站

建議港鐵於兩鐵八達通系統及轉綫站閘口工程完成後，於以下地方增設特惠站︰

華明商場(粉嶺站)
清河邨商場(上水站)
天平商場(上水站)
科學園(大學站)
美田商場(大圍站)
美林商場(大圍站)
歷史博物館/科學館(尖東站/尖沙咀站/紅磡站)
黃埔花園(紅磡站)
利安商場(烏溪沙/馬鞍山站)
濱景花園(石門站)
新田圍商場(車公廟站)

海濱花園商場(荃灣西站)
海麗邨商場(南昌站)

好處︰
對乘客︰可節省$1-$2車費，實際上節省不少於$4
對港鐵︰爭取更多乘客
對社會︰港鐵公司能成功推廣步行的好處
對巴士公司︰可削減部分巴士班次(例︰273,273B,272K,270,282,283,702)，而將這些班次投入至港鐵未有到達的地方或加密需求很大的巴士線的班次


歡迎建議更多港鐵特惠站，或提供意見。

至於為何屯門/天水圍/元朗未設有，因為已經有港鐵巴士接駁車站附近的地方。
至於錦上路站，未有地點適合，如果可以，我會放於錦田市。

你的建議不錯，可達四贏局面。但在推行前，可能會遇到不少挑戰：

對乘客︰部分乘客未必能夠行較遠路程往港鐵站，特別是遇上炎熱、寒冷、下雨等天氣。
同時，現在新增的特惠站，只有$1的車費優惠，實難吸引乘客步行往港鐵車站。
對居民：某些居民，對「削減部分巴士班次」較為敏感，認為港鐵剝奪了他們對巴士服務的權利，
還要強迫他們行遠路到港鐵站，日曬雨淋。
他們可能增加對港鐵公司的不信任，並透過區議員或地區組織，反對港鐵的做法。

港鐵會唔會咁順攤？
北區居民一向依靠火車出入，
加左之後可能得不償失喎 ..

俾左$1優惠，但係佢地其實慳左$3.2(普遍)既車費，即係共慳$4.2

削減佢班次，唔係取消條線，唔會話「強迫」要你行....
但真的是咁少路程，行路會好健康。

話俾佢地知事實，你搭得o個一公里，就要俾$3.2，除番出黎，好唔抵！！



咁又係，港鐵未必ok，因為減$1而爭取得到的乘客量應該不及原有乘客量....
但學生八達通半價咁得不償失佢都做左啦...
港鐵特惠站唔俾學生嘟ga ma...

所以可能都會應承，又賺少D囉...但形象更好，可能會股票升...！呵呵...
(不過你咁樣提出，我相信有八成都唔得ga la)

新田圍 d 公公婆婆邊得閒同你行..
建議地點 : 秦石
科學園同大學站距離都幾遠
我怕加左優惠都未必有人肯用..
建議地點 : 中大範圍

其實點解講到用左特惠站就唔可以搭車咁...
入錢咪得lor...

特惠站只對成人八達通卡有優惠，公公婆婆的長者八達通卡也用不到。

翠林商場 (寶林站)

好過比小巴公司宰割

原帖由 lsc04d11 於 2008-8-7 10:17 發表
但學生八達通半價咁得不償失佢都做左啦...

錯喇...港鐵提供學生優惠
以陰謀論睇,只係放長線釣大魚
小弟識好多同學/朋友都係因為呢個優惠
而令到佢哋出入只係識得搵港鐵站
(即使近唔近都好)
即使明明眼前有條特快巴士線
佢哋都唔識搭,只係識搭港鐵

原帖由 LAK2 於 2008-8-7 10:58 發表
其實點解講到用左特惠站就唔可以搭車咁...
入錢咪得lor...

使用特惠站的條款與轉乘優惠的有所不同。
即係話，在特惠站拍卡後，即使使用同一張八達通卡乘車或購物，都唔會取消折扣，
總之在同一天內在指定港鐵站入閘就有優惠。
唯一限制是中途不可在其他港鐵站入閘，否則優惠資格就會取消。

[ 本帖最後由 drew 於 2008-8-7 14:19 編輯 ]