荔景山路巴士服務衰落問題

小弟兒時經常都會乘巴士往來荔景區，對該區的巴士線有些少的認識，但荔景山路的巴士服務在這過去十幾年來日漸衰落，無論路線及班次方面都頗為趕客，令好多區民都望而卻步，紛紛投入地鐵的懷抱，小弟都係一份子，現想拿這個問題出來討論一下，該區的巴士服務為何會如此衰落？

小弟有以下分析：
1. 30和46路線重組：
一心想更有成本效率地令乘客使用該兩線，殊不知錯誤的路線編排更嚇怕乘客，令它們兩敗俱傷。
原本30無論在荃灣、葵涌及荔景都冇乜人用佢出九龍，因其路線迂迴，又有太多路線已覆蓋及取代它的路線，之後更縮短到長沙灣，「唔爹唔吊」的總站份置，更少人搭。
46原本係平、正、快的路線，只須比$2.10（唔知有冇記錯）就可以出到大角咀，路線直接，經荔枝角道，一條大直路直飛出上海街，少站，少車，少燈位，由荔景村至上海街正常情況只須15-20分鐘，班次又較現時頻密，非繁時15分鐘一班，所以吸引了好多住荔景、麗瑤、祖堯的居民乘該線，到旺角或深水(土步)一帶，尤其是買（食送）時間，在上海街近旺角道及醫局街近北河街兩個分站，一班車可有近二、三十人候車，在返、放工時間，荔枝角道的工廈、船廠、菜欄、豬欄同雞欄，都好多人搭。。但重組後，46要取代30原有的服務範圍，路線大幅度延長，原有服務範圍路線又變得迂迴，行車路線長左，但又冇加車行走，變左班次疏左，嚇怕左原有的客源，再加上現有服務範圍已有很多班次更密的巴士線、地鐵及小巴競爭，對它沖擊甚大，而經過多番加價、全冷，再加上港鐵合併減價，現在該線車與地鐵往返荔景及旺角八達通收費只相差$0.4，但時間卻快一大截，比你揀你會點揀？

2. 45班次琉
該線班次一向都是疏，再加上路程較長，所以車費高一d，一般由荔景往返旺角至美孚一帶的乘客都好少幫襯，只有去何文田，紅磡至土瓜灣的人搭佢，但為數唔多，再加上美孚以南有41打對台，分簿d客梗係必然，再加上有條6C大線又去九碼，班次密，收費平，死未！但自從延長到麗瑤後，又冇加車，至班次更疏，更趕客，情況和46一樣，果然係好一pair同樣命苦的姊妹線。

3. 42獨巿也可減班
無論在青衣、葵涌、荔景，往返九龍城，界限街、太子道東、牛池灣都係獨巿生意，以往更是荔景山路班次最密之路線，大概10分鐘就有一班車，依家最密都要12分鐘，奇怪！

依家荔景山路一帶只有46X能守得住4-12分鐘一班，仲要繁時開P同S線。
睇絮九記都冇乜心機去辦荔景山路的線喇！

歡迎討論！

42做流水客居多
可能九巴諗住流水,唔會坐得滿架車
所以d班次搞成咁啩

P.S.不過42喺繁時係可以頂閘
       非繁時可以坐滿

但係第一點個度
如果唔將 46 取代 30 以往個位,
30 又縮短唔到

所以冇得搞
而家只好睇睇 45 / 46 應該可以點樣搞搞 ~

而 46X 根本冇得講
實際上 46X 個主要客量係起沙田, 葵芳
放起美孚而經荔景只係道路問題 ~

46X亦都想服務荔景山路/美孚至城隧既.....

但真係因為有葵芳班客，所以班次先可以咁密

原帖由 AVD1 於 2008-8-7 06:31 發表

放起美孚而經荔景只係道路問題 ~

請問係邊條道路的問題？


ＰＳ：46X開線時係以荔景（南）為總站。

原帖由 poly43092 於 2008-8-6 21:53 發表

46原本係平、正、快的路線，只須比$2.10（唔知有冇記錯）就可以出到大角咀，路線直接，經荔枝角道，一條大直路直飛出上海街，少站，少車，少燈位，由荔景村至上海街正常情況只須15-20分鐘

有無咁快？以前46去醫局街做總站（舊深碼）的年代都做唔到20分鐘喎！

原帖由 laikingsouth 於 2008-8-7 10:31 發表



有無咁快？以前46去醫局街做總站（舊深碼）的年代都做唔到20分鐘喎！

以前在瑪嘉烈醫院做時, 如果放工去旺角岩時間等46出去, 真係快過搭小巴轉地鐵, 15-25分鐘左右出到去, 都算正常(順燈唔塞車計)

其實45荔景上得車都係以去紅磡最多客,
可唔可以將45, 46合併, 麗瑤<>黃埔花園,
經長沙灣道、彌敦道、加士居道、紅磡,
咁樣可望將兩批客group埋, 做番密班次,
繁時十分鐘, 非繁時十五分鐘, 方便計算。

另一方面, 就係踢走30X, 不過OT, 唔多講,
咁樣新線就可以靠為數不少既黃埔客止血,
仲有機會執到6C既死雞, 未知可唔可行?!

*有咩講得唔岩請插@v@

原帖由 LAK2 於 2008-8-7 11:22 發表
其實45荔景上得車都係以去紅磡最多客,
可唔可以將45, 46合併, 麗瑤黃埔花園,
經長沙灣道、彌敦道、加士居道、紅磡,
咁樣可望將兩批客group埋, 做番密班次,
繁時十分鐘, 非繁時十五分鐘, 方便計算。

另一方面, 就係 ...

30x客路廣得多
九巴無理由要荔景山而放棄荃灣市中心