點解要老師冒8號風回校服侍你地呢？

教育局宣佈今日所有日校停課，中六收生第四階段順延至明天，但仍有學生家長在中學門前排隊

要冒著風雨，的確很辛苦，亦明白佢地渴求中六學位之心；但當警察呼籲離開，學生即起哄，有家長更大罵：這是甚麼教育精神!!!!!

這與教育精神有甚麼關係，但我看到黑心的一面；點解要老師職員冒險回校服侍你地呢？ 你自己不顧危險，但為何要別人陪你死呢？

8號颱風，學校停課，亦宣佈了收生順延，為何要不聽話呢？ 為何要所有人遷就你，要為你冒險呢？

而且這對聽到宣佈，因8號颱風留在家的學生家長，很不公平

但最恐怖的是，教育局朝早曾呼籲，要學校教職員回校幫佢地登記....... 這是甚麼的世界，為何要遷就這些蠻人

好簡單, 奧運前不要出亂子, 曾Sir雖然口口聲聲說浮雲, 其實佢好在乎....

唔做d野, 一陣又多班人插佢ma...

你睇上次中銀換(膠?)鈔班友都係橫風橫雨等, 話人家唔理佢死活...

算啦...呢個世界總有好多人以為世界係為佢哋而轉
只要稍有少少佢哋覺得唔妥嘅地方就等於人哋欠咗佢咁

原帖由 pstommy 於 2008-8-6 22:36 發表
教育局宣佈今日所有日校停課，中六收生第四階段順延至明天，但仍有學生家長在中學門前排隊

要冒著風雨，的確很辛苦，亦明白佢地渴求中六學位之心；但當警察呼籲離開，學生即起哄，有家長更大罵：這是甚麼教育精神!!!!!

這與教育精 ...

明顯地呢班人係企圖向學校施壓，迫校方同教署就範。
教育局都宣佈左延後一日，佢地要繼續八號波時響門口等冇人有權唔俾佢咁做，但佢又何來有權要校方處理佢地先?
八號波wo，如果校方人員因要處理佢地而受傷誰人負責，保險都未必有得賠。
我認為校方根本冇需要理佢地，佢鐘意八號波等咪由得佢等，正如你八號波收左車時等巴士，你可以繼續等，到落波咪有車囉，唔通真係嗌下九巴就開架車出來? 派架AVBE過你好唔好?

香港人排隊心態,以為排頭位就會有中六學位,學校收人都係
睇成績同學校張推薦信,就算排第幾位都一樣要in等result,呢
班家長要怪不如怪自己仔女無用心讀書,要到stage 4先走去
四圍搵中六位

絕對唔同情排隊班學生
教署一早講左順延一日
佢地咁排會令其他未有
去報名既同學做成唔公平
仲有佢地罔故其他人既安全
要搞到老師返校開門比佢地登記
做法非常唔岩; 唔值得同情

你話我黑心都係禁話, 我呢篇文預左比人扣分.

教育局一早都講到明話有關程序會順延一日. 禁樣真係唔該早早返屋企避風;
宜家係八號風球, 横風横雨; 如果老師為左呢D學生, 途中出事點算先? 佢地會
唔會過意得去先?  最可笑的係, 有人話禁樣有誠意去讀, 如果有誠意, 就唔應
該禁做. 有誠意GE話都要守下規則, 唔係下下係度起哄; 宜家入中六, 呢D人GE
做法真係同小朋友無異.  比著我係學校, 我一定唔會收呢D人, 因為實在太
唔成熟. 真係成熟少少當幫忙. 雖然小弟都明白佢地GE心情, 但係做人要要易
地而處, 諗下D老師, 職員唔係住係學校入面的, 唔係下下話開門就開明門的.
仲有如果未得到局方同意, 真係會比人話偷步收生. 難聽D講句: 開比你, 比人
話偷步收生, 唔開比你, 又話什麼教育精神, 唔理佢地. 令學校進退兩難! 但係
講之前有無諗過D老師, 職員呢? 難道佢地唔洗搵命博返去學校? 只有你地搵
命博?真係開比你係人情, 唔開比你係道理. 局方都講明話會順延一日, 老實講,
係禁GE情況, 早一日同遲一日有何分別? 只係攞左籌, 今日來面試. 同尋日乖乖禁返
屋企避風都係一樣姐, 今日先有得IN.

尋日我一路睇呢段新聞, 就唱起某公司的一首歌 : '豈有此理.'  呢D人GE做法, 恕小弟
無法接受.

我都有感而發
其實我老婆舊年同今年都係返返學校讀全日制既課稅，甘佢趁暑假就同一個小學生補習，甘琴日打風都出唔到門口同個生補。佢就九點打左比家長，係阿媽聽，甘個阿媽就梗係無問題啦，好啦，我地一家三口返外家，同改三號果陣我老婆問洗唔洗上去啦，點知…阿師奶話忙緊幫個姪仔排中六…之後同我老婆話啲阿SIR同MISS落左八號都唔返工，再問下，原來佢個姪得九分，我老婆即時係電話笑左出黎。
阿師奶話好多排隊啲人都係唔夠分，睇下用啲“誠意”會唔會令學校有啲好印象！
唉…阿師奶，你比雨淋都抵啦，唔係排銀紙呀，排第一都唔代表一定得架！唔該醒些少當幫下地球人啦！