[新牌愚問]二波開車

原帖由 wilsonli321 於 2008-8-7 22:24 發表
小弟近日用公司車,但係覺得響d燈位好多既地方,
成日一波->二波->三波咁,都好麻煩,
而且好多時響路口開車又要邊攞軑邊轉二波,好高技巧
所以想試下直接用二波起步,但同事話唔好,佢話會傷車,
但我想問下,其實會點傷法?  ...

極力子要吊耐D, 所以冇咁耐用..
二波起部, 要既扭力又多D, 所以傷車頭...

原帖由 wilsonli321 於 2008-8-7 22:24 發表
小弟近日用公司車,但係覺得響d燈位好多既地方,
成日一波->二波->三波咁,都好麻煩,
而且好多時響路口開車又要邊攞軑邊轉二波,好高技巧
所以想試下直接用二波起步,但同事話唔好,佢話會傷車,
但我想問下,其實會點傷法?  ...

如果你架車負重唔多問題都唔大, 但如果載好多人或貨就唔建議, 一來二波扭力唔夠, 吊極力子都吊耐D, 極力子碟損耗都快D, 而且扭力不足起動, 用油都多o左, 副偈又要夾硬谷起架車, 實傷過用一波起步.

試o下踩單車用不同波段起步, 你個人就等於副偈, 兩者o既分別就好易感覺得到.

電油定油渣車?

好大分別woo

一般油渣車油同石油氣車都可以2波起步
電油車無論如何都係1波起步最好

我自己就覺得，有時如果遇燈位，但未停晒又轉綠燈，咁如果拍去二波再起步傷唔傷車就視乎你可唔可以唔吊極力子(即係好似高波轉低波咁慢慢鬆起極力子)再加速。如果唔係磨好耐極力子既話，應該唔太傷。至於車頭太低轉唔夠扭力問題，我既原則係只要唔駛畀好大油再推返郁架車就ok。  我自己都唔太鍾意再落返一波再起步，尤其是係載緊人，因為拍返落一波果下如果車速唔係真係勁慢，枝波棍會實少少，唔係咁易推入一波，同埋鬆極力子果下要同油門夾得好好，如果唔係會勁chok!!

至於樓主覺得邊攞太邊轉波好考技巧，咁就要練下呢種技巧喇 因為日常都係要咁做~

[ 本帖最後由 4056 於 2008-8-8 01:04 編輯 ]

根據我四年既貨車經驗，二波開車係快但係架車極力子會愈來愈低，主要係睇架車既負載同馬路環境，前排楂同事架24噸吉車，三波都死下死下甘開到車，自己開工就一時時，睇環境啦，因為架車甘好力，一波起都同小巴二波起差不多

但係我反而有個問題，我成日一波扯高之後入三波，對車係唔係好傷架？

原帖由 4056 於 2008-8-8 01:02 發表
至於樓主覺得邊攞太邊轉波好考技巧，咁就要練下呢種技巧喇 因為日常都係要咁做~

左手轉波，右手攞軚，似乎唔太需要技巧
過份啲轉緊波果陣右手攞薯片食都係甘，好彩架車軚尺正，如果唔係都隊左去隔離