理性討論司機駕車問題(有d離題)

小弟今晚乘坐兩程車，一程係22:20灣仔開既35M(MV7338)，一程係華富開22:40既41A(城巴1504)。

首先講小巴，我真係覺得個司機好威，一味貼住前車，前車踩油佢又踩，前車DUP佢又DUP，好似要show off自己既反應時間好快，一定唔會撞咁。去到香隧，前面架私家車行緊65，我搭果架車都係行65...ok冇問題，冇超速，但硬係要貼住前面架車一米都唔夠，行車距離四份一秒都冇，一出香隧當然飛到八十幾九十啦...一路沿途都好鍾意推住人來行，我真係覺得佢好巴閉。我心諗如果我一dup車畀佢隊尾，以佢咁既駕車態度，一定傷得唔輕，我原廠整車睇佢點賠，到時睇佢威得去邊...   個司機都二十幾三十歲，買保險已經唔駛加loading，但駕客車居然可以當駕緊法拉利...   原則上佢已經係屬於瘋狂駕駛同埋犯左好多交通規例(例如嚴重超速/跟車太貼/胡亂切線)   但d鐵馬去晒邊？？咁得閒抄違例泊車，但冇人捉個痴線既人渣車？？  好一個法治之都...

之後到城巴1504。香港仔萬寧上車，一路推住架的士行。去到南風道，過彎唔駛收油......  ok當你技術到家，但跟住到落斜就超晒速畀住油落，完住唔覺佢係渣住架幾十噸重既客車，更唔信佢架車係載緊客......  行山路行到七十幾，你係得既!!我以為自己上錯車...但睇真d，冇錯！係城巴，係間專利巴士公司既車，但點解司機唔駛受訓既？oh sorry，唔係冇受訓，係上錯堂，佢上左賽車堂！去到大坑先勁，尾轆撞壆當冇事發生，繼續畀住油去，速度肯定超過50km/h，去到某幾個落斜既S彎都可以飛到過50km/h。都係果句啦，d鐵馬唔見晒既？又係好一個法治之都，瘋狂駕駛合法化......   架車幾十噸重，係人都知落斜要慢啦，剎車系統負荷都唔輕。唔慢之餘仲要超速？勁啦！尾轆高速撞壆後仲要唔收歛下，冇得彈！汪論為一個受過專業訓練既巴士司機，冇受過訓都唔會渣到開緊法拉利咁！！  最後炮台山道落斜，5xkm/h落...   冇野好講   當晒成條路係佢既，唔駛預返突發事件既反應時間，再train過丫唔該。

之前成日覺得咁樣係正常，應為夜晚車流少。但做左港鐵司機後先醒覺，夜晚什至尾班車又如何？你都係返緊工，都係渣緊架幾十噸重既巴士，都係掌握住數十至數百人命既司機。駕駛鐵路係絕對唔可以超速同燈，同埋要照顧乘客。我相信巴士同鐵路既重要性係一樣，但點解巴士可以放縱咁多？莫非巴士乘客既性命係唔值錢？   阿sir講，一個乘客畀左錢搭車，咁司機一定要係專業同埋有技術既，程車先值。有技術但唔專業加埋危機感不足，咁成車人點交得晒畀佢？但事實係，你一出事係影響數千人，因為仲未計乘客既屋企人......

今晚我搭呢兩程車既司機係完全不負責任，我覺得佢冇資格再駕車，成三十幾四十歲人都仲唔化，當部車打緊game咁......   好無奈

只係純粹發洩下對呢d不負責任既司機既嚴重不滿，不喜勿插

根本香港地十個楂車九個都係咁......

要討論呢個問題，B2似乎唔適合

好過九巴死碌爛碌,係上皇珠路果個路口冇車都要停,後面d車咇佢先行

原帖由 4056 於 2008-8-10 00:13 發表
小弟今晚乘坐兩程車，一程係22:20灣仔開既35M(MV7338)，一程係華富開22:40既41A(城巴1504)。

首先講小巴，我真係覺得個司機好威，一味貼住前車，前車踩油佢又踩，前車DUP佢又DUP，好似要show off自己既反應時間好快，一定唔會撞咁。 ...

鐵巴都成日係龍門路超速

原帖由 tony1234567890 於 2008-8-10 00:24 發表
好過九巴死碌爛碌

個個都係?

原帖由 64xxx 於 2008-8-10 00:38 發表
個個都係?

好明顯係以偏概全

原帖由 tony1234567890 於 2008-8-10 00:24 發表
好過九巴死碌爛碌,係上皇珠路果個路口冇車都要停,後面d車咇佢先行

如果好似九巴好多司機咁死碌爛碌，又係死路一條！根本我覺得而家d司機好極端，一係就搵命博，一係就hi倒頭髮都驚......   training出來後由得d司機自由發揮，好極有限啦。   港鐵係時不時都有大sir睇住，絕對唔畀超速同衝燈尾，犯任何野都會照肺照到入肉

原帖由 tony1234567890 於 2008-8-10 00:26 發表

鐵巴都成日係龍門路超速

超速超少少唔係問題，問題係個司機既eq同iq。eq低既，畀人閘少少位就可能畀人激倒，繼而做出危險行為。而iq低既，就好似我mention果兩個咁，三十幾張仲好似細路仔打機玩NFS咁，當晒條路係佢既，同埋拎人命較飛，完住稱唔上係合格既客車司機。

大直路超速我覺得問題唔大。但山路，莫講話超速，就算用50km/h行，某d彎位都行唔倒咁快啦，架1504個司機仲要超住速咁行，我有d覺得佢個人有問題，好似趕住上路咁...喂，你生活唔如意，但我地乘客仲有好多路要行架，唔好拎我地來較飛得掛？？   

仲有推背問題，你同前面架車離返開少少，阻得你幾多時間？你貼住前面來行，唔會快左，反而危險左好多，一個智商正常既人都應該唔會咁做!!好可惜，好多司機智商都有問題...成日心存僥倖，一有咩事又避貓避狗,,,   係智商正常而又咁做既，即係好勝，想show off自己。睇下幾時前面架野整個急剎你嘆，睇你點賠，點向佢身後咁多乘客交代......  我做乘客既，我落口供一定同阿sir講「呢單唔係意外，而係人為事故，司機想show off自己，預左撞都要咁玩」

而家我渣住兩卡車，我都會覺得有壓力，d人上得你車就信任你啦，你拎佢地來較飛又點得呢？

[ 本帖最後由 4056 於 2008-8-10 00:53 編輯 ]

原帖由 tony1234567890 於 2008-8-10 00:24 發表
好過九巴死碌爛碌,係上皇珠路果個路口冇車都要停,後面d車咇佢先行

九記一樣有車手wor...

首先樓主講既小巴佬...就真係十個有七/八個係咁做
當然紅van更甚..話晒都係冇王管, 基本上都冇乜好討論

至於城記, 最大可能係師傅慣晒呢D時間開到咁快
一條山路咁衝落斜, 正常果D路都唔會太多人行......
所以可能當係秋明咁玩, 不過我相信佢地一日走咁多轉...又可能未必咁易出事既..
而且可能MAN既感覺令樓主覺得部車唔係太穩陣..

[ 本帖最後由 ASV50 於 2008-8-10 00:56 編輯 ]

原帖由 ASV50 於 2008-8-10 00:52 發表

九記一樣有車手wor...

一條山路咁衝落斜, 正常果D路都唔會太多人行......巴士,鐵路,生活( c6 \! [; V, T9 g$ L+ O
所以可能當係秋明咁玩, 不過我相信佢地一日走咁多轉...又可能未必咁易出事既..巴士,鐵路,生活0 t' j- s" ^/ v2 k
而且可能MAN既感覺令樓主覺得部車唔你太穩陣..

睇倒你講到行人問題，我記返起，頭先在大坑道有個右彎，都幾窄既，個車頭差唔多貼近晒左邊欄杆。突然有幾個人貼住欄杆行緊，但我架1504冇收慢，仲係keep住5xkm/h畀住油去，右邊有對頭車，左邊同d人30cm都冇......

當秋明咁玩咪即係心存僥倖囉...做客車司機絕對唔容許~

唔關係咪MAN事，我搭過好多次MAN行41A都好穩陣。況且我自己都係客車司機，我知道載客同唔載客時駕駛既分別,,,,,,  好明顯呢個師傳當自己渣吉車，仲要成條路行晒...   左邊轆撞左壆好幾次，唔收油照行...

我唔係針對城記呀，我一向都覺得城記人渣車make sense過九記，九記都好多冇腦既車手。可能係我受training完後對駕駛執著左啦，我只係覺得，交通意外好多時唔係意外，而係人為事故，點解唔好好地避免左佢呢？

[ 本帖最後由 4056 於 2008-8-10 00:59 編輯 ]