朋友?情人?

從來未響呢個板「蒲頭」過
不過最近有點事，想聽下大家既意見

話說自己中學年代一向都唔多「深交」既朋友，
而當中係女性的，更加一個都無

三年前，在某機構做義工時，認識了一位女仔，
其實見到佢的那一下，已經有點「觸電」的感覺
大家很快便互相認識，後來大家都參加了該機構的義工小組，
一起與其他義工合作搞活動，期間的接觸也越來越多
也覺得這女仔很好人，而且談話十分投契
自從add左佢既ICQ，就知道佢有將我響visible list
大家都會成日響ICQ傾計，互相關心
基本上佢係我響ICQ contact list入面傾得最多既朋友

話咁快，三年就過去了，大家都繼續在機構內幫手
亦仲係保持住呢種朋友關係
那種朋友關係，以我的標準，應該算是「深交朋友」了
我有不高興的事，會找她訴苦；她感到困擾，有時也會找我
而且也曾透露過一些較私人的過去事
如果要講對對方性格的了解程度，我估佢對我的了解都有90%
而我對佢的了解，亦應該超過50%...

這對很多人來說，或許已經是情人的階段了
可是我一直保持著「朋友關係」的原因，是因為這女仔太「博愛」了
（絕無貶意，她對很多朋友都是很願意付出，也是很熱情的）
我不覺得她對我，與其他好朋友有分別...
她也有一些比我更熟絡的男/女性朋友
而另一個原因，
是她一直對ex-bf念念不忘，還很愛他（其實他們分手都兩年多了）
但這方面她幾乎無跟我提過，當然我也不方便問
只知她的ex-bf跟她現時還算是「朋友」關係

講愛情的話，我承認我係有感覺的，而且越來越強
可是我也感覺到，她對我似乎是沒有感覺，但不敢肯定
而且有時也很懷疑，以她對人的敏感度，可能已經知道我的心意...
打算在六月時找一天有機會時跟她吃個飯，表白自己的想法
可是中間似乎有點誤會，我以為她有心避開跟我約會，
便在Diary上若有所指地說保持朋友關係
點知佢原來之前係無意識的（佢係咁講），響ICQ問我Diary個段點解
結果我就響呢種咁尷尬的情況下，用ICQ解釋了
用詞並不直接，但她是明白的，而佢既reply都好平靜
只係話依家唔想諗呢D野，大家仲係朋友
（但我send msg的時候，用詞係「好朋友」的）

頭幾日都無乜野，大家都仲有ICQ傾下計，問下近況
過左幾日，我開始發覺響ICQ contact list見唔到佢r
只係有時佢online先見到（而佢平時好多時係invisble的）
前晚試了一試，基本上證實了我已不在她的visible list上...

那一下，感覺真的很差...
我承認我是有感覺的，但我更希望維繫這段朋友的關係
正如上面所講，她是我極少數的深交朋友，談得很投契
不在visible list上，是否意味著她想「漸進式地疏離」？
（要知道，我是在一開始認識她時，便已被加進visible list了）
但她又不是完全唔理我，最近還有主動響ICQ問下我搵工情況
兩件事加起來，弄得我很困惑... 究竟佢想點？
我跟她將來的關係，應該抱怎樣的態度？

個人認為女仔似乎未能拋開過往的一段情，
你要明白她和前度男朋友一起很幸福，
結果因某事情而分手，
她會好傷心，
害怕重蹈覆徹，
所以遲遲不敢展開新戀情。

我們不能強迫女孩回心轉意的，
始終要她覺得對你不會像以前那樣，
才願意和你一起。

其實由visible list之後俾人"掟"出黎既感覺,
我都試過,
真係一D都唔好受,
自己會諗佢同我既關係突然退左一大步,
因為有人將自己放入visible list,
會有種被重視感覺。
當然呢樣野冇得迫,
佢有自由咁做。

我覺得你唔好因為咁而亂諗野,
如果你仲有機會見佢面,
同佢親身接觸總好過icq講,
如果你覺得有需要,
可以問佢點解咁少見佢online。

我認為佢係會珍惜朋友關係既人,
可能要直接搵佢解決誤會。

[ref=295800]joeli16[/ref]  在 2005-7-9 19:27 發表:

其實由visible list之後俾人"掟"出黎既感覺,
我都試過,
真係一D都唔好受,
自己會諗佢同我既關係突然退左一大步,
因為有人將自己放入visible list,
會有種被重視感覺。

Exactly係咁啦...

至於當面傾計，其實間唔中都有機會的
以佢對一般朋友既友善程度
我亦相信佢暫時唔會再特別做D乜去「疏遠」我
只要佢減少主動搵我傾計，已經足以製造「疏遠」的效果

但究竟可以點問呢？我其實唔係好想問...
如果佢係有心既，咁樣問法，咪大家尷尬...

其實過左幾日，都開始接受左呢個事實，只係覺得難受...
正如你所講，會覺得係「關係突然退左一大步」
至於將來，我都疑惑中...
既然對方好似唔想，係咪都應該唔好再抱有幻想呢？

[ref=296346]alexero[/ref]  在 2005-7-9 10:09 AM 發表:

Exactly係咁啦...

至於當面傾計，其實間唔中都有機會的
以佢對一般朋友既友善程度
我亦相信佢暫時唔會再特別做D乜去「疏遠」我
只要佢減少主動搵我傾計，已經足以製造「疏遠」的效果

但究竟可以點問呢？我其實唔係好想問...
如果佢係有心既，咁樣問法，咪大家尷尬...

其實過左幾日，都開始接受左呢個事實，只係覺得難受...
正如你所講，會覺得係「關係突然退左一大步」
至於將來，我都疑惑中...
既然對方好似唔想，係咪都應該唔好再抱有幻想呢？

其實就算佢係一般朋友,
佢將你"掟"出visible list,
感覺一樣會咁差。

暫時真係要睇佢親自對你既反應是否泠漠左,
我深信那怕佢一點點改變你都感覺到。

如果你唔問清楚點解佢會咁做,
你就一直會不明不白咁難受落去,
因為佢會咁做既原因,
並唔一定係好似你咁諗佢想疏遠你,
但係如果你唔知因由,
就一定向壞方面諗,
咁樣會影響你同佢基本朋友關係。

將因由搞清楚,
可免去自己亂諗野,
就算做唔到倩人,
亦不置於連朋友都冇得做。

我當時就係問清楚,
發覺係誤會一場
(佢係想"隱居",將所有人掟哂出visible list)
之後當然冇問題啦。

[ref=295100]alexero[/ref]  在 2005-7-9 01:50 發表:

從來未響呢個板「蒲頭」過
不過最近有點事，想聽下大家既意見

話說自己中學年代一向都唔多「深交」既朋友，
而當中係女性的，更加一個都無

三年前，在某機構做義工時，認識了一位女仔，
其實見到佢的那一 ...

小弟都有類似問題...不同的是, 被人話"博愛"似乎是小弟...
小弟同唔少女性朋友都有著不同程度的交往, 有時甚至自己都會誤會
自己的想法...

就今晚, 有一個女性朋突然唔肯接聽我既電話, 原本約左佢睇戲食飯, 不過佢病
左, 所以就....算了吧...
夜晚打電話搵佢, 因為在較早前搵佢時話夜d再搵佢的...
電話接通了, 但第一句聽到既竟然係我朋友同另一個人講: 話我行開左...
事發一小時後再搵佢, 一次關左來電顯示, 一次開返...
關左個次佢無接, 開左個次仲被人CUT線....

心情當然唔好受...

此時此刻, 都真係用兩首歌來形容自己...
Twins---救生圈
側田---好人

慢慢的治療, 慢慢的找答案, 對自己對佢坦白d, 或者會快d 清楚晒d野...
不過當然, 可能之後你會覺得唔知好過知, 唔清楚好過清楚啦...