"112" 特派車????

今日大約 4:15pm, 我同老婆行銅鑼灣, 諗住o係怡和街搭112過海到紅磡轉港鐵. 一出黎見到架 112 走左.

約一分鐘後, 突然出現一架神秘新巴 (歐四型), 埋在112既站頭, 車頭沒有路線, 只打著 "紅磡海底隧道", 個司機開左閘, 我地唔理咁多, 上左車, 個卡佬話只去紅磡車站, 我地反正都係去果度, 所以咪冇理, 最有趣既係, 八達通收費係 "$9.3"

巴士上, 除了我同老婆外, 一個人都冇! 架車照舊轉入鵝頸橋埋站. 開門時, 個卡佬照舊同上車既人講 "只去紅磡車站", 所以搞到冇人上車!

最後我地如常在隧道口落車. 架車一停, 在車站一名城記女職員立即叫個卡佬開門, 問佢 "呢架咩野車黎 ga?" 個卡佬一臉妄然, 知吾以對咁....之後就轉返 "112 蘇屋", 在隧道口等客, 然後開車走左.

大家有冇遇過類似經歷?

今日旺角大火，所以所有經過果個位既隧巴
包括112，都要改係紅隧口做總站

原帖由 Ailsa_volvo 於 2008-8-10 19:38 發表
今日大約 4:15pm, 我同老婆行銅鑼灣, 諗住o係怡和街搭112過海到紅磡轉港鐵. 一出黎見到架 112 走左.

約一分鐘後, 突然出現一架神秘新巴 (歐四型), 埋在112既站頭, 車頭沒有路線, 只打著 "紅磡海底隧道", 個司機開左 ...

4點幾... 應該係TD宣佈可以上番旺角0既時間
因為旺角彌敦道發生五級大火 所以有一段時間所有過海巴士都要以紅隧口為終站

個城記"師姐"應該係督察或者高級職員
問師傅本身走邊條線 再轉番九龍目的地等上客番九龍(原來)尾站