急!!!鑽石山邊度搭小巴去荃灣

急!!!
鑽石山邊個位置可搭紅小去荃灣?

鳳德道龍蟠苑有得上
(九巴分站名稱:龍蟠苑)

有冇話搭邊架車先岩?
我今晚上個時個車有寫住去慈雲山,荃灣，最後去左慈雲山。之後司機叫我上另一架車去荃灣
咁我要搭邊架車呢?

原帖由 皮蛋店 於 2008-8-13 23:59 發表
有冇話搭邊架車先岩?
我今晚上個時個車有寫住去慈雲山,荃灣，最後去左慈雲山。之後司機叫我上另一架車去荃灣
咁我要搭邊架車呢?

小弟知道黃大仙/九龍城往返荃灣嗰條紅小係會經鑽石山
閣下可以睇清楚,上車時候問清楚就OK

條條線都唔多快...

可以試下樓上講緊個站搭黃大仙車既...
有時上夠唔洗行晒個圈先走

黃大仙/彩虹會係更佳搭車點

有兩條線：
1.荃灣--黃大仙
2.坪石--黃大仙

荃灣黃大仙佢寫係循環線，但上車時要問清楚司機係咪去荃灣，因為有部分車到黃大仙區後會落晒客收工。上車點係61X往九龍城方向既龍潘苑分站。頭牌多數寫「荃灣 川龍街 千色店」

坪石荃灣上車點係上元街，荷里活廣場戲院出口，有村巴站果度。上車要同司機講「轉車」，去到坪石司機會叫你轉去前車，去到前車先畀錢。若無前車，就搭返同一架車，到時先畀錢司機。頭牌好明顯寫住「坪石‧‧‧荃灣」，一邊綠一邊紅，好易認。

荃灣黃大仙，建議你唔好搭，因為佢係循環線，仲要兜埋鳳德村、橫頭磡、九龍城、東頭村、黃大仙等地，再等客返荃灣，抵搭到痴線!!   

而坪石荃灣就快好多，應該35-45分鐘左右到荃灣(上元街上車計)。

[ 本帖最後由 4056 於 2008-8-14 20:19 編輯 ]