N42 "特別"班次

九巴網頁提及到N42 4:25 會有特別班次
由沙田圍新村開往東涌
但4:00 耀安開之正常班次大概4:20 就會到沙田圍新村
5 分鐘之後又開一班車???
原來所謂o既特別班次
就係4:00 班車去到沙田圍新村等幾分鐘
等到4:25 至開
九巴寫話有特別班次好似唔係幾妥當喎
唔知N30 又會唔會有咁o既情況呢??

唔係咁ga....我上年暑假都要搭N30去機場。

屯門市中心暑假特別班次︰0450
元朗東正常班次︰0420

最後，屯門市中心特別班次　0452才開出
行車期間，後面就有架N30正常班次。

(龍運預計元朗往屯門市總站需32分鐘)

仲有，我搭o個架特別班次，o係惻牌，寫到明係「N30特別班次」

N30屯門市中心開特別班次只停︰總站、安定、兆麟、豐景園
四個站，佢認為暑假夠客，咪開多架囉...

真係最多架...唔係話只o係總站停到夠鐘

樓主始乎唔係好明特別既運作
A43以前都曾經有呢D特車
係上水火車站開清晨時段,比正常班次都係差5-10分鐘
但真係開多一架車,而唔係擺一架正常班次既車係度等

樓主係咪搭過4:00 耀安開之正常班次, 然後發現呢件事?
定係只從班次表上自行判斷?

唔係喎

N42(耀安):
0400開由N42 - 01負責
0500開由E42 - 07負責

至於沙田圍新村加班車由E42 - 08負責

原帖由 kiwai 於 2008-8-14 11:18 發表
樓主係咪搭過4:00 耀安開之正常班次, 然後發現呢件事?
定係只從班次表上自行判斷?

我o係田園閣巴士站留意到的
正常4:00 班次會於4:23~4:25 到達
但我果朝只見到4:27 有N42 埋站
由4:15~4:35 期間就只有呢班車
而望向遠處就見到架N42 o係沙田圍新村等左陣
當然我唔排除當日有臨時車務調動啦
有機會我再留意下啦

[ 本帖最後由 fuwing 於 2008-8-14 15:00 編輯 ]

我之前坐過呢一班特別車... 佢係大約0410左右到沙田圍新村等開車...
而果一日,呢一班特別車係早過正常班次係沙田圍新村開出既...

其實四點鐘開果班N42, 由馬鞍山到新田圍都唔多人搭, 有呢班特別班次時, 你可以感覺到司機由馬鞍山開到沙田圍都係比無特別班次時開得慢d, 務求唔會響4:25am 前到沙田圍, 超越呢班特別班次(無果陣, 20分鐘就會到沙田圍.), 兩架N42會係"拖卡"返機場, 但兩班唔會真係好多人搭囉. 一個問題: 既然有特別班次, 咁點解四點開既正常班次仲要行新城市廣場, 大圍而唔直接響沙田市中心果度直上城門隧道?

另, 我唔明點解唔好似以前咁, 四點三十分整一班係由耀安開既特別班次, 咁就真係方便到搭早機既旅行團乘客!

五點鐘果架N42就真係多人搭嘞! 如果唔係有部分乘客寧願等頭班E42而放棄貴十三蚊的N42, 去到大圍海福有機會會頂閘的!

[ 本帖最後由 CX401 於 2008-8-15 04:13 編輯 ]