而家有冇新嘅4座的士出左牌？

原帖由 TankKingEH9697 於 2008-8-18 02:04 發表
講真
就算5個識既人一齊搭 多數都係一前四後

無錯，因為前排中間個位十居其九點五都係個司機自己用o黎放報紙或其他私人o野﹗
試過有次真係五人坐，叫個司機拎開，佢仲大大聲話無位放，叫我o地後面坐迫 D 塞夠四個o係後排﹗

原帖由 FX8173 於 18/8/2008 03:31 發表


無錯，因為前排中間個位十居其九點五都係個司機自己用o黎放報紙或其他私人o野﹗
試過有次真係五人坐，叫個司機拎開，佢仲大大聲話無位放，叫我o地後面坐迫 D 塞夠四個o係後排﹗ ...

上次跟人車(我識那個司機)我們前2後3

原帖由 請勿下車 於 2008-8-18 18:51 發表
上次跟人車(我識那個司機)我們前2後3

咁您講呢位司機就係我講o既淨返果半個…

原帖由 請勿下車 於 2008-8-18 18:51 發表

上次跟人車(我識那個司機)我們前2後3

識就梗係無所謂
三唔識七既司機 點會執靚個位俾d客用

不過後座無四條belt
隨時賴野...

通常坐泥的就前二後三
就咁截就前一後四

不過無論點坐，坐齊五個都係好鬼逼
都係坐四個合理d.......

原帖由 cktse 於 2008-8-19 10:56 發表
不過後座無四條belt
隨時賴野...

唔會有事嘅! 首先法例無規定搭的士唔可以前一後四, 如果後面坐o左四個人, 後面所有安全帶都扣晒就無事, 而且在2000年之前出廠之的士 (而家都好少, 最多係2001) 前, 後座中間個位係可以無安全帶, 但之後出廠嘅就一定要有齊! 同埋講真o個句, 一般警察其實都好少捉的士乘客有無扣安全帶, 起碼我個的士司機朋友做咁耐都無試過, 連捉任何車司機講電話都唔多啦! 捉安全帶都係捉小巴多!

其實的士前面坐三個可能對坐後面嘅人會舒服啲, 但對司機就真係唔好, 尤其係手波車, 左手轉波隨時鬆踭落中間位乘客度, 同埋萬一遇到突發事件時, 司機動作無咁靈活, 要做出應變動作都會比平時慢.

八十年代之前的ROYAL CROWN都係用軑波, 連司機坐六個, 到84年嘅MS123開始有五座或六座揀, 91年的JZS133連六座版都唔再入; 反而次一級的SUPER SALOON就只有五座一種, 同樣日產的汽油版430, Y30及Y31都有五座及六座版. 七十年代日本本土版的CORONA, VIOLET, BLUEBIRD這類中小車亦有六座版, 但架車窄過皇冠, 實力好多, 真係唔知點塞六條友入去!

原帖由 牛奶仔 於 2008-8-17 20:14 發表
我諗最尾o個批五座位將會最值租, 一來五座車佢最新, 二來比新車可以坐多個, 相對會較受司機歡迎.

呢樣未必
因為轉用四座位之後 司機放0野方便0左
同埋張獨立椅可以自由調校心水位置同角度
(而家張benchseat真係...)
同埋據我朋友講 而家好多時都唔滿五個客
滿五個又大家(包括司機)坐得辛苦...

原帖由 JN6854 於 2008-8-24 01:24 發表

呢樣未必
因為轉用四座位之後 司機放0野方便0左
同埋張獨立椅可以自由調校心水位置同角度
(而家張benchseat真係...)
同埋據我朋友講 而家好多時都唔滿五個客
滿五個又大家(包括司機)坐得辛苦... ...

我敢講一定唔係囉! 首先, 車主只會認為五座車會比四座車大機會做到多啲生意, 所以尾批五座車一定比四座值租. 第二, 轉四座之後, 中間無咗個位擺嘢先真, 中間變咗手掣同波棍, 邊有位放嘢? 我楂私家車無乘客都係將個隨身袋放隔離, 有人坐就劈去後面, 開的士斷估唔會咁卦? 而家五座中間個位擺嘢先正! 話之左邊有無人坐都照擺嘢落中間個位度. 第三, 而家五座位都唔係benchseat, 司機位係獨立位, 有得校, 只係乘客嗰邊係梗位, 呢個設計自1984年的120系皇冠及Y30實力已經改良咗.

同埋如果有五個人一齊出去搭的士, 無理由為咗一陣嘅舒適而用多一倍錢坐兩架, 反正大家都係辛苦一陣, 唔會同啲錢鬥氣, 但如果架的士係得四座嘅, 呢五個人好大機會會另外搵過部就真!

[ 本帖最後由 牛奶仔 於 2008-8-24 23:18 編輯 ]

NM210都是五座的!!!