問汽車的電力供應

我想問汽車的電力供應是不是由兩間電力公司聯合供應呢?(即是一輛汽車由兩間電力公司供應一半電力)

有少許詞不達意,請見諒。

Thx.

唔明

汽車電力同電力公司有咩關係?

你想話
汽車粒電池,同埋個打南磨(發電機)=兩間電力公司??

原帖由 3ASV403 於 2008-8-17 15:40 發表
你想話
汽車粒電池,同埋個打南磨(發電機)=兩間電力公司??

其實我想問汽車電力的來源在哪裏。

照閣下所説,汽車電力的來源是來自汽車的電池和打南磨(發電機),與兩間電力公司没有關係?

Thx.

我架車支電筒如果係屋企叉電就係中電，如果跟車叉就係港燈，因為佢住北角
架車既收音機同對講機就係架車舊電池度黎，唔會有電費單

我想問樓主, 一般o既車有無電線同插蘇o係架車度伸出o黎可以駁入家用o既蘇頭? 無o既話唔通可以有無線供電? 係可以都幾驚o下! 我驚會無啦啦o係空氣中電親! 我又想問一般用乾電池o既小電器, 好似電筒, 鬚刨, MP3機, 手提風扇仔用o既電芯 (指買返o黎o個隻) 係邊度供電?

一架車上面舊電池本身已經儲o左電俾架車可以撻著, 引擎撻著之後便會驅動打南磨發電再幫電池叉電同供電俾車上其他電器用. 就算架車舊電打o左柴, 一係換過舊電, 一係就借其他車, 用條過江龍過電搭著架車. 如果硬要話由邊間電燈公司供電, 最多咪話換新電o個時, 間車房響香港定九龍, 車房佬用濕電經火牛駁落舊新電度叉叉佢.

樓主既問題就好似問麥當勞既巨無霸漢堡包究竟係由
大家樂定大快活供應，令人莫名其妙。

汽車上既電力供應主要係靠引擎既動力推動發電機裝
置提供，另外車上的畜電池亦會儲起發電機既電力以
便引擎關閉時仍然有電力供應例如撻車所需等。與本
港電力公司沒有關係。

如果樓主係想問電動汽車既電力供應來自那裏，那就
乎該部車使用既充電設施位置在哪裏，例如珀麗灣既
電動巴士係中電，當年港島綠小4系既環力迅就係港
燈。

[ 本帖最後由 fai 於 2008-8-17 23:57 編輯 ]

原帖由 LN9267 於 2008-8-17 16:11 發表
其實我想問汽車電力的來源在哪裏。
照閣下所説,汽車電力的來源是來自汽車的電池和打南磨(發電機),與兩間電力公司没有關係?

Thx.

都唔知話你天真定傻好…
汽車o既電池電力係由汽車發電機 (即係打南磨) 供應，發電機係用皮帶連接引擎，當引擎發動時，就自動會為汽車電池叉電﹗

＊我真係未聽過中電同港燈會有 12V 電同 24V 電供應﹗
　再者，樓主下次去交電費可以試下問下電力公司有無 1.5V AA 電賣，同埋點賣法，睇下人o地有咩反應俾您﹗

原帖由 LN9267 於 2008-8-17 14:17 發表
我想問汽車的電力供應是不是由兩間電力公司聯合供應呢?(即是一輛汽車由兩間電力公司供應一半電力)

有少許詞不達意,請見諒。

Thx.

見到樓主的貼子，我真的忍不住笑了。

以下純粹討論請樓主不用介意，
請問樓主的想法是如何推理出以上的推測？