杭州係一個旅遊既好地方
西湖畔有唔少古色古香既旅遊點
但同係西湖邊既市中心, 卻好現代化
不過杭州既城市規劃認真不錯, 其他城市現代化得來感覺好亂, 但杭州就俾人感覺井然有序
古今文化o係杭州市中心並行不悖
市郊地方既綠化, 更令人感覺仿如置身於歐洲
不過傳說中既蘇杭美女就唔多覺有
杭州地鐵興建中, 市內交通暫時都係由公交車擔綱
而杭州公車俾人印象唔錯, 路線規劃較好, 唔會成堆巴士o係市區塞住條路
車型普遍都較新, 絕大部份為空調巴, 更有唔少低地台車
當中低地台車大部份係呢款低地台宇通
o係杭州市區街頭, 低地台宇通基本上係梗有一部係左近
內地唔少大城市都有唔少宇通公交車, 但o係上海則相反
上海除左有大量申豪同大宇外, 就算計內地品牌, 都係金旅同黃海佔多數
宇通o係上海成為少數民族, 而當中好多都行近郊路線
當中為數較多既係強生公交既宇通ZK6118HGC
至於另一間大公司大眾交通, 小弟唯一一次見宇通就係呢次
隸屬大眾交通屬下南匯大眾既宇通, 行走863路
正當以為上海只有大宇通既時候, 走到近郊既寶山區, 就發現另一大公司巴士股份屬下寶山巴士有小宇通
呢款亦係我o係上海唯一坐過既宇通, 不過短車始終比較顛簸
來往虹橋機場同靜安寺既機場專線, 亦有小宇通
但呢款機場小宇通都係硬座車, 雖然呢段路唔太長
另加兩張宇通客車, 一部本地車, 另一部山西牌車
 |
