飛鵝山夜景

為了尋找一個天朗氣清既日子拍攝飛鵝山夜景，曾數次登上飛鵝山但都無功而還。而今次能遇上咁好的天氣係上帝俾我既恩典。

太正! 請問是否駕車上去影呢? 行是否比較困難?

去更多地方影風景正是小弟買車其中一個原因！路係
比較窄，但小心d就ok，至於行路有好多晨運客都可
以上到那裏，但可能要花大半個鐘同全程勁上斜。

渣車上山入口o係舊清水灣道轉上飛鵝山道，過晒d豪宅區
後會見到個垃圾站旁會有條上山既單程路，一路上，
會經過百花林、基維爾營等，最後到達一個山坳既觀
景台(涼亭)，不過呢度未係泊九龍香港最理相既地方，
繼續行，會係大致平路，過左大老山氣象站後會開始
落斜，到達同扎山道交界路口旁會有五個停車位，呢
兩張相就係o係停車位旁影既。之後沿扎山道向下落山
就可以返回德望學校旁既舊清水灣道。

如果行路可以由德望沿扎山道行番上五個停車位度，
不過小心對頭車，另外觀音山村巴NR806會經過五個
停車位度，可以去黃大仙盈鳳里(新光後門)上車，約
一個鐘班車。

飛鵝山道由上山單程路開始至扎山道路口都沒有街燈，
而扎山道就在數年前被裝設街燈。

而有d攝影老手會o係我所講過左基維爾營再上後第一個
觀景台(涼亭)離開車路從旁邊山路(不是樓梯，樓梯只是
上到一個望到西頁既另一個觀景台)，再登上東山既山
峰，甚至過左東山後再登上真正既飛鵝山頂，那裏既港
九景比我拍攝既地方更開揚，不過離開車路後既登山路
非常險要，有行山經驗既人才好考慮。

原帖由 3ASV196 於 2008-8-22 06:47 發表
太正! 請問是否駕車上去影呢? 行是否比較困難?

[ 本帖最後由 fai 於 2008-8-22 07:34 編輯 ]

我稔係同一日，不過我就唔係搭車而係搭另一樣交通工具去影：

我係8月19日影，剛好年假最後一日。

你踩單車上去？

原帖由 ktbt 於 2008-8-22 13:13 發表
我稔係同一日，不過我就唔係搭車而係搭另一樣交通工具去影：

原帖由 fai 於 2008-8-22 13:18 發表
我係8月19日影，剛好年假最後一日。

你踩單車上去？

噢，早你一日。

唔係，同埋我唔係飛鵝山影。

原帖由 ktbt 於 2008-8-22 13:58 發表


噢，早你一日。

唔係，同埋我唔係飛鵝山影。

從獅子山的位置推斷，拍攝的位置大約係東南九龍。
唔係車，唔係單車，唔通係......直升機？！

原帖由 ktbt 於 2008-8-22 13:58 發表 噢，早你一日。唔係，同埋我唔係飛鵝山影。

油塘炮台山??

d相好靚呀,有機會一定要親身一試

另問輝哥有冇1024 x 768同1280 x 800版本?
想拎黎做wallpaper...

近排較忙，可能week end先得閒整俾你。

原帖由 DW8306 於 2008-9-2 15:32 發表
d相好靚呀,有機會一定要親身一試

另問輝哥有冇1024 x 768同1280 x 800版本?
想拎黎做wallpaper...