今日21/8(四)售賣門票城市電腦售票網及康文署安排失當！

昨日康文署都話今日城市電腦售票網一開售門票會網絡大擠塞，你明知道今日售票啨況會好混亂好心將Ｄ門票用人手發售啦，同埋得１場示範表演我認為唔夠，應該增加多一場示範表演，等後面繼續排隊的市民都有機會買到多一場示範表演的門票，政府應該都知道中國奧運運動員今年奪得４０幾面金牌，應該會反應很熱烈，加上郭晶晶盛傳會在今年北京奧運後退休，我覺得派太少門票了，希望城市電腦售票網及康文署下次再有這些同類的活動安排做得好一些或增加多一場示範表演滿足市民需求。

歡迎各位版友討論你今日買門票的情況

與其話康文署失職,倒不如問香港提供甚麼場地俾人做
示範--跳水去城門谷;體操去伊館;羽毛球去九龍公園;
乒乓球去石硤尾,基本上除九龍公園同伊館叫似樣少少,
其餘兩個場,俾我係運動員都要諗點去用

原帖由 S3N280_FX8032 於 2008-8-21 19:29 發表
昨日康文署都話今日城市電腦售票網一開售門票會網絡大擠塞，你明知道今日售票啨況會好混亂好心將Ｄ門票用人手發售啦，同埋得１場示範表演我認為唔夠，應該增加多一場示範表演，等後面繼續排隊的市民都有機會買到多一場示範表演的 ...

人手售票?
三十幾個發售點, d門票應該點分法?
人多既地方分多d? 其他地方買唔到既人話唔公平
平均分配? 人多既地方買唔到果d人又會話唔公平
抽籤? d人又會話唔公平

加多一場示範表演?
場地點安排? 時間點安排? 運動員點安排?

好多野, 睇起上黎好似好易, 做起上黎你就知味道

原帖由 S3N280_FX8032 於 2008-8-21 19:29 發表
昨日康文署都話今日城市電腦售票網一開售門票會網絡大擠塞，你明知道今日售票啨況會好混亂好心將Ｄ門票用人手發售啦，同埋得１場示範表演我認為唔夠，應該增加多一場示範表演，等後面繼續排隊的市民都有機會買到多一場示範表演的 ...

無理取鬧，今次我絕對唔幫市民。

(1) 排隊唔代表買到飛，有人通宵排隊就係想增加買到飛既機會，你越遲去排機會自然越黎越細，若果你今朝先去排，自然買唔到，十分公平。

(2) 加一場，都會有人買唔到。到時你又要加兩場，當運動員係乜？動物園嗎？一定要俾你睇到？


希望你唔係電視見到果堆大聲起哄既市民之一，我對佢地極之反感。
真係好失禮，希望唔好俾外國人睇到。香港人既素養，幾時低到咁既地步？
起哄？我只可能接受到無知小學生做出咁既行為。

[ 本帖最後由 ahbong 於 2008-8-22 01:48 編輯 ]

同意樓上既睇法
有個車長同我講過
呢個社會真係有"等價交換"
你付出得多,收穫就會大

遲去排隊,d飛賣哂就起哄?
飛係得咁多架啦!
你唔好叫政府搞n場
有7000000張飛
全香港既人一人一張?

但同時我唔認同d炒家既行為
今日新聞有得12年人生經驗買左10張飛炒!
如果冇炒家,相信會有更多人睇到表演
有d更下流,買一大堆飛跟住整個天價
無人要既佢就hold實哂
佢地寧願要錢,冇錢就寧願你地冇得睇
呢d咩心腸黎架?
因住有報應呀(指被控炒賣黃牛飛等等)

贈佢地:善有善報,惡有惡報.若然未報,時辰未到

見到荃灣班人，覺得佢地好玩野囉
其實我覺得呢個安排已經係最公平啦
不過係估都估唔到會 jam 得咁犀利

話時話，小弟聽到新聞話羽毛球得 660 張飛
我勁想睇林丹，計過條數一定要頭十名先肯定買到羽毛球
2 點鐘就已經去左排隊啦 (點解 D 人唔識去少人 ge 地方?)
我去到我果個冷門少少 ge 地方都仲可以排第三~

等到 9:45，佢比 "編號點心紙" 我地寫
9:55 入去等，點知搞搞下話全世界網絡都 jam 左
10:05 左右第一名先開始賣飛
到我出飛果陣就係電腦時間 10:08

小弟買晒 quota 咁多張，打算幾十蚊一張向朋友埋手
絕對唔會好似班人咁炒到幾百蚊囉......

賣幾十蚊俾朋友, 你當你的朋友是甚麼?
本質就是希望賺取原價和新價間的差價

我看不出這樣就比炒幾百元清高

原帖由 ahbong 於 2008-8-22 01:44 發表



無理取鬧，今次我絕對唔幫市民。

(1) 排隊唔代表買到飛，有人通宵排隊就係想增加買到飛既機會，你越遲去排機會自然越黎越細，若果你今朝先去排，自然買唔到，十分公平。

(2) 加一場，都會有人買唔到。到時你又要加兩場，當運動 ...

最鬼憎他們一無票就e嘩鬼叫

原帖由 cky 於 2008-8-22 15:22 發表
賣幾十蚊俾朋友, 你當你的朋友是甚麼?
本質就是希望賺取原價和新價間的差價

我看不出這樣就比炒幾百元清高

咁我咁辛苦排左 8 個鐘幫佢地買飛
冇理由我一 D 酬勞都冇架......
最少一餐飯(錢) 都應該要啦

再加上我同某 D 熟 ge 朋友，叫佢地比原價就 OK
佢地都話唔好意思，話點都會比多少少我....