點解荃灣至皇崗跑狗線可以收貴D

原帖由 volvo2000 於 2008-8-24 00:26 發表


由皇崗去荃灣最直接方法當然係搭跑狗
但如果要慳錢就有以下兩條路線
1.黃色巴士(落馬洲)--->亡命綠小77號(元朗)--->金巴士68M(荃灣)
2.黃色巴士(落馬洲)--->亡命綠小44B/B1(屯門)--->金巴士58M(荃灣)

正如樓上其 ...

先指正你 D 野先
第二點個度
坐 B1 唔係起屯門, 而應該係起元朗/天水圍 (屯門係 B3 系, 去西部通道的)

PS. 坐 B1 係唔需要坐多程車,
而係坐完 B1 就過關, 之後就已經去到大陸 ~

原帖由 AVD1 於 2008-8-24 00:44 發表

先指正你 D 野先
第二點個度
坐 B1 唔係起屯門, 而應該係起元朗/天水圍 (屯門係 B3 系, 去西部通道的)

PS. 坐 B1 係唔需要坐多程車,
而係坐完 B1 就過關, 之後就已經去到大陸 ~ ...

我的意思係指馬亞木的44B1
並非九巴B1
可能我表達有問題啦

但係半夜佢真係獨晒市. 尋日公司搞深圳一日遊, 結果搞到成半夜一點先走. 小弟第一次用皇崗過關兼第一次坐呢條線, 一望個收費, 嘩成三十七蚊 (八仔) / 三十九蚊 (現金), 但係都無計, 焗俾佢掠 =.=

半夜三更一定要係皇崗過關, 落馬洲又無車去荃灣/青衣, 半夜你唔坐荃灣過境巴都唔知點返青衣. (荃灣過境巴 + 402S...)

題外話：你係落馬洲過關用 e-道的話一定要確保之前條友係開到門先好插張身份證。小弟有一個唔愉快的經歷，話說我係落馬洲落車之後用 e-道過關，插左張身份證之後等前面個人開閘，點知前面個人打極都打唔到指模，到最尾直情要搞到要入境署職員開閘俾佢。旁邊的閘位都已經清晒，但係又因為張身份證已經過左機焗住呆等，搞到小弟幾乎趕唔切上車。

[ 本帖最後由 leeyc0 於 2008-8-24 19:05 編輯 ]

原帖由 Orz 於 2008-8-24 00:33 發表

佢係快且直接 wo.
觀狗一樣係貴, 但夠大把人坐啦.
地鐵轉東鐵都差唔多價錢啦

返深圳既, 有D係商務客, 有D係趕住返上去既男人, 都係趕時間
就算係返去玩/探親, 都唔係好願意用上好多既時間o係轉車上
轉皇巴, B1, 火車都會平過坐跑狗, 但全部都慢過跑狗好多

跑狗一個「快」字已經sure win
再加多個「舒服」
貴對佢地來說真係唔多重要

但荃灣跑狗好似特別疏
有次我o係皇崗返香港, 連錦上路線都有車, 唯獨荃灣狗排大隊

荃灣狗不是一向走3號幹線???
走9號幹線, 兜城隧吐公咪仲遠左

不過我都未見過有荃狗車行城隧, 吐公一帶
請問是幾時的事?

謝

但收費貴又唔見得服務進取 起碼人地觀塘線又加站 又加售票點 荃灣線多年來服務都沒有太大變化 只係較早前改道行九幹而已

佢既意思應該係往皇崗方向停完綠楊個站後經荃錦交匯處入九幹再上屯公,

而唔係行城隧 ......

原帖由 leeyc0 於 2008-8-24 13:44 發表
但係半夜佢真係獨晒市. 尋日公司搞深圳一日遊, 結果搞到成半夜一點先走. 小弟第一次用皇崗過關兼第一次坐呢條線, 一望個收費, 嘩成三十七蚊 (八仔) / 三十九蚊 (現金), 但係都無計, 焗俾佢掠 =.=

半夜三更一定要係 ...

你可以即時試用另一條e 道, 唔洗等原本部e 道.
你怕o既可以叫入境處o既職幫你睇住, 唔比其他人入去.
不過就算另一個人入左去, 對唔到指模, 部機都唔會開閘.

要快o既, 就人手做, 排老人家counter旁邊o既香居永久性居民counter, 當無人用老人家counter時, 個保安就會指你過去, 即係變相兩個counter 去做一條隊.

ps 落馬洲o既e 道好唔可靠, 長開廿四小時, 重要咁高使用率, 咩機都死la.

[ 本帖最後由 oman 於 2008-8-24 18:45 編輯 ]

搭得278X, 其實我搭68M轉279X會唔會快D?

簡單d講, 荃灣有不少中小企老闆, 佢地好多時要上落內地, 以往不少都是自駕私家車到落馬洲泊車轉黃巴上去, 但現時有了荃皇線後, 因為方便及省油費, 不少都改變了北上模式, 好像我以往的Boss (老外一名) , 就係家住荃灣, 最初佢都係如上述自駕方法上去, 自從我教過佢一次搭荃皇線後, 佢就沒有再駕車去落馬洲了... 第一, 節省油費及泊車費, 第二, 上完去忙了一天還要駕車回家是苦事, 上巴士可以舒舒服服抖抖, 下車搭的士回家都不過$20, 除笨有精啦...