問1993及1995年,城記接收中記路線的運作

請問當年城記當年有幾多一手車,二手車?
短蘭係咪在接辦第一天就行6,6A?
巴士車款如何分配在各條線服務?

城記o係九三年接辦廿六條線o既時候,
派出絕大部份新車行走, 另加部份二手
車, 包括坡柴, 雞車, 前九鐵都城(三手
車), 其中坡柴唔係全數出街行, 因為有
部份仲改裝緊.

而短蘭第一日出街載客o既時候, 除o左
Rt.6, 6A 之外, 仲有 Rt.1, 5, 10X, 12 系,
61, 75... 另外, 部份 #1XX o係接辦o既
第一日都有行專利線.

除此之外, 城記向 NLB 租o左若干架 E
牌 ILS, 主要行 Rt.61, 70M. 不過好快還
返畀 NLB.
__________________________________________
九五年城記再接辦另外果十四條線, 由
於事出比較突然, 所以佢需要額外購買
更多新車去應付需求, 當中包括 :
- 五十七架富豪奧林匹克十二米(#427 - #484)
- 廿一架丹尼士飛鏢配 Plaxton Pointer 車身 (#14xx)

未o係接辦果日之前, 有部份一早出街熱
身, 甚至已經做住現有o既生意, 務求o係
接辦果日順利派車. 九五年九月一日,
有唔少新車被派到當日接辦o既路線度
行走, 當中出現o左唔少特見, 例如 #1407
行 Rt.7, #4xx 行 Rt.11. 果時真係好另類.
同時有第二批o既八頭龍(#831 - #860),
希望o係緊張o既時刻能夠得以紓援.

同九三年接辦廿六條線o既時候一樣, 城
記有若干數目o既二手車同三手車, 不過
同九三年比, 就冇咁龐大喇, 包括前九鐵
都城行 Rt.48 同前 NLB 雞車行 Rt.5B, 37.
除此之外, 佢將由非專利部o既幾架兩軸
熱狗調派到專利部, 暫時幫手一段時間,
包括 #12, #16, #19 等幾架二手熱蘭.

補充 : 城記o係九五年接辦十四條線o既
初期, 新購買o既大富豪, 主要行 Rt.40 同
Rt.40M, 有部份o係當時已經有o既路線度
行走, 包括 Rt.72, 90, 97 等. 至於新買o既
單層車, 多數o係 Rt.11, 260, 511 度出現.
至於 Rt.103, 多數派雙層短車行走, 而 Rt.
85 就全線坡柴.

謝謝師兄的詳細解答
咁其實城記短蘭當年分配都幾緊張,城記買左短豪同20架短龍後,係咪取代坡柴及雞車 ?
而雞車除了主力98外,仲有行咩線 ?城記接手做76時,用幾多架車?
冇記錯,城記在96及97年各有10架短龍投入服務,共20架,有冇話要用來取代咩車,或要行走芋些線

原帖由 HR9710+KU1391 於 2008-9-1 22:27 發表

謝謝師兄的詳細解答
咁其實城記短蘭當年分配都幾緊張,城記買左短豪同20架短龍後,係咪取代坡柴及雞車 ?
而雞車除了主力98外,仲有行咩線 ?城記接手做76時,用幾多架車?
冇記錯,城記在96及97年各有10架短龍 ...

城記買o左短豪同短龍之後, 冇咁快退哂
批坡柴o既, 其中一個原因係城記o係九
五年接辦另外果十四條線o既時候, 當中
有兩至三條要保留部份熱狗甚至全熱,
Rt.85 係其中一條當時仲係全線熱狗行
o既.

不過, 九六年暑假, 開始有行動. 城記就
o係果個時候, 將大約五十架坡柴除牌,
同時賣去南非果邊. 而當時出牌o既部
份新車, 被派去 Rt.5B, 令呢條線全冷化.
當城記為 #A633 舉行告別儀式o既時候,
係九八年三月尾o既事嚕, 即係話, 坡柴
o係香港日子告一段落.

至於城記o既二手雞車, 佢地除牌o既時
間比坡柴早. 不過, 好好彩當中三架可以
換個 '身份', 由前線變為後勤, 成為o左
專利巴士公司第一款全自動波箱o既工
程車.

講返佢地做前線o既歷史, 除o左 Rt.98
之外, 仲有 Rt.5, 5B, 37, 48, 72, 72A, 73...

你冇講錯, 城記o係九六同九七年各有十
架短龍出牌, 主要係擴展佢o係南區泳灘
線同通宵線o既網絡.

不過我唔清楚 Rt.76 當時有幾多架車行,
唔好意思.

原帖由 a396 於 2008-9-1 21:52 發表
而 Rt.
) W3 p; y7 @, ~85 就全線坡柴.

雖然1995年9月中小弟只係小學三年班, 但都好記得當時既情況
我果陣跟屋企人坐85, 杏花村仲有中巴85站牌未拆
而我同屋企人坐既係短龍7xx, 印象中其他85都係7xx

原帖由 HV7025 於 2008-9-1 22:55 發表

雖然1995年9月中小弟只係小學三年班, 但都好記得當時既情況
我果陣跟屋企人坐85, 杏花村仲有中巴85站牌未拆
而我同屋企人坐既係短龍7xx, 印象中其他85都係7xx ...

如果我冇記錯o既話, Rt.85 o係九六年中
(可能仲早o的添)加冷, 或者當時會唔會
係平日熱狗(坡柴), 假日冷馬呢?

我再補充一下九三至九五年之間城記
o既部份專利路線歷史同小部份派車史.
(我打唔到太詳盡, 希望大家唔好介意.)

先講 Rt.5 系. 城記九三年九月接手o既
時候, 初時仲係冷熱混合, 除o左 Rt.5
之外, Rt.5A 同 Rt.5B 都有三頭蘭行走.
不過o係九四年, 由於非專利部o既巴士
需求急增, 導致 Rt.5 系由原本o既冷熱
混合變o左全熱線, 連 Rt.75 同 Rt.98(?)
都唔例外.

我記得九四年初, Rt.5B 曾經有架 '不速
之客', 令到我幾乎日日要留意佢咁滯,
佢咪係 #184 囉! 果時好多原本o係專
利線行(或者頂住行一排)o既一頭蘭都
返o左去非專利部, 唯獨係 #184, 一路
行 Rt.5B 到九四年八月初先返去.

而城記o既頭兩條 N 線, 我冇留意, 不
過聽好多朋友講, 呢兩條 N 線多數以
雙層短車為主, 有時派架大車入去. 後
來 Rt.N72 由銅鑼灣拉到'魚則'魚涌,
短車變大車, 當中o既變化比較明顯.

另兩條令我印象深刻o既係 Rt.37M 同
Rt.118. Rt.37M 係由非專利時代o既 Rt.
37R 演變而成o既. 轉專利線o既同時,
城記為呢條線印單張, 當時係以雙層
短車為主, 不過我有次o係金鐘總站(依
家係 Rt.789 果個)見到架 #411 泊o係
度, 心諗 : '唔理咁多, 影住先!' 到我依
家諗起, 好難再返轉頭囉.

另一條係 Rt.118, 原因有三個, 第一,
Rt.118 係城記第一條登陸柴灣o既專
利線; 第二, 剪綵果日, 有 '阿爺' 坐陣;
第三, 呢條線更係城記第一條獨營o既
專利潛水線, 可以睇到佢當時o既熱誠
相當大, 當然野心都大啦! 剪綵果日,
有幾架出牌冇耐o既十二米巨龍泊o係
柴灣常安街個總站(即依家o既 Rt.780
同一個), 佢地好多都上o左呢條線o既
獨家廣告o黎宣傳. 初時可以話風頭無
兩, 不過佢呢個獨營優勢好快被九記
瓜分. 九五年十一月尾, 九記派出若干
架新出牌 3AV 行呢條線, 從此城記短
短五個月o既風騷變成歷史.

[ 本帖最後由 a396 於 2008-9-3 01:43 編輯 ]

最記得城巴初接辦170,係派1xx行的,點知原來批車係冇落車鐘的...

雞車主力多數係行坡柴行唔到既線
如7,76,73等
98係坡柴行到既線  所以最多只做支援角色
(仲好記得12,16依兩架孖寶行98
搭中真係勁開心
一來無雞車咁熱  又無坡柴咁CHOK
不過之後搭過19行96就諗
點解架單門車上斜會慢過架雙門 )

95年城記唔夠短車
所以坡柴都拎埋去行73
果時D雞只係留守76...