905+111=911, 37A/B的啟示

首先講兩句: 偶然見到有人話講錯野比人減iPower定aPower, 定唔知乜power喇, 我響度都算係老版友, 平時潛水多, 唔係成日寫文章, 我亦唔知呢D乜POWER有乜用, 所以希望朋友最好認真討論建議既好壞, 唔需要減我既乜POWER. 同時, 我唔知而家既版點分工, 應該算唔算係建議呢? 我未去過建議版睇, 所以可能貼錯版, 請大家見諒


可能有D新既巴迷唔知道乜野叫做905+111=911呢件事, 事緣響幾年前(905都係今年10年姐, 最多8年前, 因為當時剛有911事件, 好多人話號碼唔吉利)有人提議過(邊個真係唔記得喇, 印象中唔係巴迷, 好似係運吉或新巴)將905同111響港島既總站取消, 由荔枝角去到坪石, 並改名911, 響港澳碼頭起個轉接站, 調整好班次

當時響度(定係HKBDB呢, 真係唔記得)既反對聲音好大, 主要都係講時間太長, 脫班會影響好大等類似問題(歡迎當時有提意見既朋友補充), 其實我幾支持呢個想法

響而家燃油價格仍然高企(雖然都跌返唔少), 其實巴士公司都唔想見到巴士空載, 但大部份巴士線, 除點到點(e.g.:788)之外, 大部份去到總站附近區域, 一定會較為吉, 呢個亦係好多市民同政客要求減巴士進入中環尖沙咀旺角等地既主要原因

呢個建議其實有無成功例子呢? 其實有, 就係城巴37A同37B孖寶, 可以將原本兩味既37同到喉唔到肺既37M合拼, 令呢2條線半起死回生.


而最大好處就係響中環見到呢2條線, 客量唔會好差, 同時一小時內少左4-8班巴士出入中環(假設前37/37M係15分鐘一班, 原本應有4班前37/37M進出中環, 共16班, 但而家37A/37B每15分鐘一班, 每小時只有8班37A/37B進出中環)

雖然效果甚微, 但如果有更多類似路線出現, 可能會更好

響港島黎講, 最應該轉既, 首選90/590A/90B/91/94(M590日間版當快線不計), 5條線轉為2條線, 但而家地方團體壓力大, 新線上唔上利東, 晚上入唔入海怡呢個老問題可能要到南區鐵路起好, 城巴發爛渣先轉到, 而家諗返, 覺得當年新巴取消中記版94X真係好蠢

有潛質轉既, 有75/71呢條, 但兩條線既班次都唔算高, 效果未必好

隧巴線雖然係眾矢之的, 但可以轉既路線真係唔多, 除905/111呢個最初建議外, 我自己諗到有可能既最多只有914/115, 如果可以開長途線既, 我會諗692/961, 680/960, 619/962, 但呢類路線要解決問題更多, 例如繁時點分車, 有D係單一經營者等, 但如果將上面Quota拎出, 可能會使641/948, 935/302或更多路線可變全日架

其他地方有無類似路線例子呢? 九記有270呢條區內線, 8號呢條超牛河線, 同26M呢條頹線, 但26M之頹係因為面對太多類似路線, 無忠心既客源. 其實如果資源整合, 同23或23M合拼, 其實絕對有得做. 8號面對佐敦衰落, 尖咀紅磡比同號小巴打死而成雞肋線

作為巴迷, 我地對巴士既認識, 可能會諗好多問題(我估到有好多巴迷話車長休息時間, 拖卡等問題), 又或者我地唔係經營者, 未有火燒眼眉既感覺, 響油價高企同環保要求高, 政府保鐵政策時, 巴士公司點樣可以運用到巴士既大載客量, 比少數地方既要求可能更重要

如果同政客講, 我取消90B/91/94/590A, 但2條新線會同90一樣班次時, 我相信反對聲音會少好多; 同青衣講你可以有全日巴士直到銅鑼灣, 同觀塘講有全日巴士經東廊出灣仔, 係一個好好既selling point, 巴士公司, 政府, 乘客三嬴, 係辛苦左車長呢個偉大人物.........

原帖由 wesley 於 2008-9-8 15:04 發表
如果同政客講, 我取消90B/91/94/590A, 但2條新線會同90一樣班次時, 我相信反對聲音會少好多; 同青衣講你可以有全日巴士直到銅鑼灣, 同觀塘講有全日巴士經東廊出灣仔, 係一個好好既selling point, 巴士公司, 政府, 乘客三嬴, 係辛苦左車長呢個偉大人物..........

司機可以中途換馬嫁姐…問題不大

原帖由 wesley 於 2008-9-8 15:04 發表
首先講兩句: 偶然見到有人話講錯野比人減iPower定aPower, 定唔知乜power喇, 我響度都算係老版友, 平時潛水多, 唔係成日寫文章, 我亦唔知呢D乜POWER有乜用, 所以希望朋友最好認真討論建議既好壞, 唔需要減我既乜POWER ...

難以想像咁的建議都貼得上來,
為左要討好政府同其他利益團體, 將廣大的乘客利益置於不顧,
真令人失望.

城巴37A同B 呢種循環線根本唔應該再出現,
一係就無車, 一係拖兩卡咁來, 班次比其他線更飄忽,
係金鐘永遠等37B 都係等最耐, 連班次較疏的75同97 來左兩架, 37B 先肯來.
如果因為要減少中環巴士數目呢個絕對係荒謬的,
況且宜家中環巴士數正在下降當中.

下面的, 我不quote了,
問下自己, 隧道線客量係咪低到要咁合併,
講真, 咁合併不如咩都唔好做.....

原帖由 ~誰@359~ 於 2008-9-8 15:18 發表

司機可以中途換馬嫁姐…問題不大

又係度幫巴士公司增加支出?

原帖由 張偉沖 於 2008-9-8 15:56 發表


又係度幫巴士公司增加支出?

咁你兩條線變一條線而唔減車既情況下，司機數量係不變嫁喎

原帖由 ~誰@359~ 於 2008-9-8 16:15 發表

咁你兩條線變一條線而唔減車既情況下，司機數量係不變嫁喎

但係你頭先講司機中途可以轉....

原帖由 張偉沖 於 2008-9-8 17:08 發表


但係你頭先講司機中途可以轉....

細心諗下
905同111本身都有自己既司機，兩條線亦都有重疊既地方
變成911之後，就會慳左o係果d重疊既路段度
例如話o係金鐘換司機既，咁原本渣905既唔洗去到灣仔
111既唔洗去到港澳碼頭，休息時間可以照返舊有既
咁路程短左，時間少左，班次不變，司機係咪可以慳？
就算慳唔到司機，以而家都尚算高既油價，慳車可能更加實制

原帖由 ~誰@359~ 於 2008-9-8 17:12 發表

細心諗下
905同111本身都有自己既司機，兩條線亦都有重疊既地方
變成911之後，就會慳左o係果d重疊既路段度
例如話o係金鐘換司機既，咁原本渣905既唔洗去到灣仔
111既唔洗去到港澳碼頭，休息時間可以照返舊有既
咁路程短左，時 ...

以兩條客量算係數一數二的線來講咁改絕對不明智的.....

話又唔可以咁講，你有冇試過搭過d線到喉唔到肺？
又用番37A/B，咁如果不是循環線，咁中西區/灣仔區總站擺係邊？
37B 中環？ 37A 灣仔？一係冇位，一係就係冇左獨市/令乘客不便
由薄扶林去灣仔道個邊，搭乜車？轉車？
依一種形式就可服務更多乘客，亦不會浪費資源
你講話依種循環線會令到脫班，我又唔覺喎，有時係金鐘等車入香港仔，好多時都係37B黎先過70
如果咁講既話，其實唔只「單向式循環」會令到脫班，就算雙向式都會，咁係唔係要冇晒循環線，甚至在長途線中途加設多個總站以調節班次？