的士收費檢討

成日都覺得好唔抵....
市區的士話想加至起錶$18，但可唔可以更改埋以下非常不公平的事？？


我地搭的士有時為直達..(因為有些地方偏僻)，但很多時我地都係為快！快！快！

但點解停紅綠燈，又當等候時間，要我地俾錢....
明明我要快，你已經俾唔到快既服務我，仲要收我錢？？

應改為以下...

起錶　$18(是他們想加$2 je...俾佢加)
首兩公里之後
每0.2公里　$1.4(我有冇記錯？？)
停車等候　$1.4/1分鐘(即係停車接多個客，或者去7-11買枝水先o個隻)

因交通情況(停紅綠燈，塞車)而停車　倒扣$1.4/1分鐘
(最多減至$18，總之搭一程紅色的士最低消費$18)

這樣才是公平啊....大家認為係唔係....

這樣亦可防止司機專登兜路，或者行入停燈好耐既街而屈多D錢.....



我明明要快，你慢既話，就應該收平D啦....係唔係....
當然綠燈也要推行這個制度....

set錶唔難...
當係乘客要求停車的那隻，就可以按一個掣開始計時，平時行車既等候計時就個錶自己會做囉....


試過幾次，明明唔過2分里，都要俾$25左右...(一次新界，一次市區)，仲要遲左去到...

[ 本帖最後由 lsc04d11 於 2008-9-13 16:55 編輯 ]

因交通情況(停紅綠燈，塞車)而停車　倒扣$1.4/1分鐘
(最多減至$18，總之搭一程紅色的士最低消費$18)


如果係真，以後旺區唔駛旨意有士坐

絶對支持
此舉可以令大量的士司機失業轉行
令馬路上少左好多車
甘既苦肉計都比你諗到
真係要寫個服字比你

就係要將D車分流，唔好令旺區咁多車....
如果個的士司機想賺既，就唔好行入彌敦道等繁忙道路...

又要令到趕時間既既乘客更加趕...

原帖由 lsc04d11 於 2008-9-16 12:49 發表
就係要將D車分流，唔好令旺區咁多車....
如果個的士司機想賺既，就唔好行入彌敦道等繁忙道路...

又要令到趕時間既既乘客更加趕...

如果你個目的地係旺區，
司機真係焗住入去既，
最後入到去又要停燈又有塞車，
咁你呢支旗咪白做？

倒扣都up得出...

你返工遲到最多都係冇勤工獎，會唔會扣你人工先？
你做錯野最多俾老細鬧幾句，鬧完月尾有冇糧出呀？
停燈阻住你就要扣錢，點解係扣司機而唔係扣枝燈？

原帖由 HY671 於 17/9/2008 12:05 發表

停燈阻住你就要扣錢，點解係扣司機而唔係扣枝燈？

咁又係，無乜可能下下都話係個司機特登等紅燈阻人時間。

原帖由 238X 於 2008-9-17 23:20 發表


咁又係，無乜可能下下都話係個司機特登等紅燈阻人時間。

答巴士遇著司機碌車特登唔過燈的話，我唔介意樓主為我地
爭取有關司機要賠錢俾乘客。

樓主，
或者是觀點和角度之間的問題，
但當你坐上一架的士，你已經是享用緊該車的服務，
快只是你所希望，當然大部份司機都會盡可能臨合客人的需要，
但實際上其實的士司機是沒義務要這樣做，
試問各位會見過一條規定是指「的士司機必須以最快速的方法到目的地」嗎？

停紅綠燈不是的士司機能控制，停燈的時候也需要燃油需要成本，
而你也坐在的士上，要繼續付錢也是無可口非。

在建議前請樓主多想一步，考慮一下多方面的角度吧。

我就是想得太多...
大家有冇睇今日報紙，的士起錶加價...
每公里收$1.5亦加左價...

理應收多左錢，但的士司機都說︰
生意額會減少，因為做開都係短途客。

而我提出方案，會收多d錢。
1. 每一程快左(因為盡量行d唔塞車既地方以免車費減得太低)，可接載乘客的次數多了
2. 更吸引愛錢的朋友，但如果行車停得少，佢地得不償失...而司機多左客源
3. 長途客因行高速公路居多，絕不影響及減少他的收費...仲可以玩八折...
4. 乘客亦可達到準時到達之目標，以吸引長期使用的士...
5. 唔行得咁多繁忙道路/燈位多道路，賺左少少「兜路」錢，但呢d兜路的確能加快行車時間，對乘客沒有壞影響

至於如果目的地／出發點係繁忙街道，如彌敦道、窩打老道、干諾道，則可有５分鐘的免減時間。

[ 本帖最後由 lsc04d11 於 2008-9-24 09:39 編輯 ]