[食評] 所有o野都半價o既尖沙咀金水壽司

呢次我第三次去尖沙咀果間金水壽司.

未到下晝三點, 我同屋企人已經o係門
口排定隊, 仲愈來愈多人拎籌, 為o既
只係一個 -- 就係以一半o既價錢, 食到
比較美味o既壽司, 仲有其他都一律半
價!

三點正, 我地入到去, 揀到迴轉椅就點
o野食, 我地點o左以下o既壽司, 有o的
我食完都唔記得咩o黎, 真失策...
(手機影o既相易受燈光影響, 請見諒.)











第一幅o既三文魚壽司, 比上一次去有
進步, 至少o的飯唔會散. 香芒軟殼蟹
卷係我其中一個心水, 有軟殼蟹, 青瓜,
沙律醬同飯團之上, 搭上一片薄薄o既
芒果, 一個字 : 掂! 火灸蟹棒
壽司同火灸三文魚壽司都唔錯. 仲有
相片冇o既雞軟骨, 海鮮拉麵都 ok, 尤
其係海鮮拉麵, 一o的都唔貴!

講番幅相, 其中第四幅係軟殼蟹沙律,
其實我地點魚生沙律, 不過侍應話賣
哂, 我地先點呢份, 原來都唔差喎!
我地食o左十七碟壽司, 兩碟小食, 一
碗湯同一大碗拉麵, 埋單二百幾蚊.

好多人話金水o既壽司同板x比, 有一
段距離, 不過我覺得 ok, 至少佢o的三
文魚滑先, 同埋多o野食過元x, 當然
識揀咩時間食就最好!

半價時段 : 每日 3pm - 5:30pm 同
10pm 之後.

[ 本帖最後由 a396 於 2008-9-15 18:56 編輯 ]

我食過好幾次宵夜時段，
正！！
咁o既價錢絕對抵食！

想問係咪好多人排
你呢次去排左幾耐
如果唔耐遲些可能同友人去試食

原帖由 3350 於 2008-9-18 17:39 發表

想問係咪好多人排
你呢次去排左幾耐
如果唔耐遲些可能同友人去試食

我同屋企人排o左成八個字先入到去,
未到兩點半有十零人排隊, 到二點九
派籌, 已經超過四十人.

總之愈早排隊等位愈好.

如果想晚市半價時段一開始就入到去,早兩個鐘去排唔少得

各位如果想食, 除o左早o的排隊霸定個
位之外, 我仲建議各位一搵到位, 點份
海膽壽司, 雖然呢款壽司未至於咁型仔,
但係我食o左之後, 嘩... 正呀! 個細細
件海膽好滑好香!

[ 本帖最後由 a396 於 2008-9-18 23:18 編輯 ]

呢間金水，2年前曾經係荃灣開過分店
《位置係荃灣廣場隔離條街，百老匯出口個邊》
我都食過唔少次，真係幾好食
個時重有學生餐都係$20~30，
幾抵ga。

原帖由 enzo 於 2008-9-20 01:23 發表

呢間金水，2年前曾經係荃灣開過分店
《位置係荃灣廣場隔離條街，百老匯出口個邊》
我都食過唔少次，真係幾好食
個時重有學生餐都係$20~30，
幾抵ga。 ...

可惜佢舊年摺o左呢.

不過金水另開兩間分店, 分別o係元朗
同銅鑼灣, 但係印象中就冇尖沙咀呢間
咩都係半價(冇記錯壽司同刺身就有半
價).

我琴日又再去果間金水, 今次我試o左我
未食過o既熱食, 有餃子薄餅(類似啦), 香
芒三文魚反卷... 嘩! 原來香芒三文魚反卷
同香芒軟殼蟹反卷都唔差, 一片薄芒果上
面仲整多少少沙律醬, 好開胃!
可惜我同屋企人點o左成廿樣o野, 壽司,
拉麵都陸陸續續咁o黎到我地面前, 所以...
我只係影o左以下呢幅相咋!



我冇記錯點o左以下食物 :
壽司 -- 三文魚, 希靈魚, 八爪魚, 火灸蟹棒,
       火灸三文魚, 香芒軟殼蟹反卷, 香芒三
        文魚反卷, 海膽軍艦, 明太子沙律軍艦
其他 -- 餃子薄餅, 雞軟骨, 刺身沙律

最好食都係三文魚, 海膽軍艦同火灸系列啦! :lol
其他都唔錯, 正!

仲有其他, 食o左廿樣, 二百四蚊有找!