DEL

原帖由 ATEU1 於 2008-9-17 16:24 發表
70 取消, 我係大埔返上水就少左一部車.
雖然話73 加多部車, 不過班次都起碼15分一班.

即係走左一架73A, 就要等73...因為而家D車黎既次序係73A-->70--> 73.

同埋遊河又少左一條路線LU...

88啦...70 ...

講起 70/73/73A 既班次, 三條線雖然都好疏, 但成日都好「巧合」,
可以三部車在三四分鐘內駛經寶鄉橋個站往上水, 就以 70 號五車
為例, 有晚約 23:33 駛經大埔寶鄉橋站 (70 號線其中一個主要客源),
無客, 原來 73A 剛於一分鐘前駛經, 再兩分鐘前, 73 號亦駛過, 載晒 D
客.  70/73/73A 都係廿幾三十分鐘一班車, 推返前一兩班車, 佢地三條線
可能都「相逢」, 對 D 客來講,  由大埔等車返上水方向, 廿幾三十分鐘
一班車, 我諗不少客都已經流失晒.


遲 D 港鐵全面提供學生優惠, 對巴士公司來講或者係雪上加霜, 且看
CUT 車 CUT 線 CUT 班係咪陸續有來.

-----------
說回正題
今時今日鐵路主導, 加上油價高, 巴士公司變得艱苦經營, 不能再像以往
承擔 70 號呢一類蝕錢線, 所以今次我對 70 號能成功保留實在不樂觀,
睇怕亦唔會有「全面、妥善」既配套安排, 例如替代路線唔能夠全面覆
蓋而家70 號既服務時間, 同埋靠廿幾分鐘一班既 73 號轉其他路線等.

你可能會覺得議員爭取保留 70 號無道理, 阻住個地球轉, 但又有無諗過
北區既巴士服務係有幾好, 咁多年來, 巴士公司、運輸署規劃北區巴士服
務既成績係點?
(講到明, 我只係列我記得既安排, 可能有其他好既安排係我唔記得, 請其
他板友補充)

九巴/運輸署
1. 當年稱上水往來荃灣客量不足, 不開辦路線往來; 到開辦晨早特別線
278P, 客量多到尾班都載唔晒, 先肯逐步加班至全日.

2. 當沙田、大埔區有 E41 及 E42 來往機場既時候, 否決北區機場巴士線,
後幾經議員爭取, 可選擇開辦 A43 或往來青衣機鐵站-北區既巴士線, 但只
可二擇其一. 最終先開辦收費高人一等, 班次數字亦「高」人一等既 A43,
由 45-60 分鐘一班車頂閘捱到而家先有 15-30 分鐘一班.

3. 要求 270A 延長至尖沙咀 -  議員由彌敦道未有巴士配額開始爭取, 到
而家運輸署限制駛經尖沙咀既巴士數目, 都係得晨早中港碼頭特車呢一個
大恩惠, 反觀屯門區既 260X, 印象中係比 270A 更遲全日服務, 也可直達
尖沙咀.

4. 當年 71X 客量不足被取消, 到而家應該有足夠客量既時候, 議員爭取開辦
往來九龍西及北區既巴士路線, 皆已「鐵路主導」既理由拒絕.

5. 為改善雍盛苑對外交通, 73 繞經粉嶺南, 在客量增加情況下, 巴士公司不肯
加車, 班次調疏, 而原有乘客所付的車費亦白白增加.

6. 爭取 373/373A 加班及全日服務, 但分別以客量不足及「鐵路主導」為由拒
絕.  早上所見, 373A 即使無座位, 要企, 亦有不少捧場客, 一班一班咁加都好過
無, 但而家就係「無」加.   

7. 大埔區有免費鐵路接駁路線, 交通選擇一般比北區多; 北區不少居民則要俾
駁腳費去火車站, 而巴士服務亦欠佳. 交通服務給人「窮者越窮, 富者越富」的
感覺, 有競爭的地區越做越好, 無競爭的一於「話知你」.

8. 多年路線發展計劃沒有真正「發展」, 幾年前更計劃更取消 70,73K,78K,79K,
278K, 幸得議員大力反對才得以保留五線.

或者其他區既巴士發展都會有相似遭遇, 但如果換轉你是區議員, 見到多次
安排都係要北區居民 Suffer 完, 當局先肯如「擠牙膏」咁俾少少改善, 今次
取消 70 號, 運輸署無講明會有新全日路線, 只係得兩三班新增特別班次、
轉乘路線計劃 (大部分受影響既北區乘客主要靠 73 呢條大線來轉乘),
同埋只係加一部車去班次為廿一至廿九分鐘一班既 73.
你會點選擇?

[ 本帖最後由 tonio 於 2008-9-17 22:19 編輯 ]

明白tonio你既意思, 北區巴士的確好保守.

但我試從另一角度去看, 無公司想自己萎縮, 尤其是再膨脹,然後再萎縮. (as鐵路日益擴大中, 巴士公司面臨萎縮)

以下純粹個人估計:

除非巴士公司在其他區cut線, 有多餘的車, 容許九記將那些車試開新線, 否則巴士公司未必會特登投資新車.

例如我唔知277X的開辦是否因為地鐵將軍澳線開了, 有多了車所以可以咁做.

故此, 若北聒有新線或轉全日, 可能就要等那些cut其他線的"時機"...

時機未到, 唯有hea吓班議員,撻呢個gor個籍口... (純粹個人估計)

原帖由 AD18 於 2008-9-17 01:34 發表
唔係班友係到阻頭阻勢既話
條線就一早搞掂左
九龍公司就唔駛搞到要出盈警

*今次 TD 一定要出手 , 唔可以再繞過區議會果關

我覺得要發盈警既公司只會係新巴及城巴發出,
冇可能九巴呢D賺咁多錢既公司走去發盈警,
簡直對新巴及城巴唔公平!!

新巴蝕錢我都好認同,因為佢都有大把路線係蝕錢.

城巴係今年內加價都冇係港島區既路線身上加價,
就算佢發盈警都好合理.

但係呢間九龍巴士公司賺埋都唔少錢,仲要係今加價之餘
仲要發埋盈警我覺得九巴真係好過份!!

原帖由 tonio 於 2008-9-17 22:11 發表


講起 70/73/73A 既班次, 三條線雖然都好疏, 但成日都好「巧合」,
可以三部車在三四分鐘內駛經寶鄉橋個站往上水, 就以 70 號五車
為例, 有晚約 23:33 駛經大埔寶鄉橋站 (70 號線其中一個主要客源),
無客, 原來 73A ...

http://www.hkitalk.net/HKiTalk2/viewthread.php?tid=315545&extra=page%3D1

上個月有日我要從大埔送文件落上水
當日如果不是有時間在手, 到車站的時間又配合的話
我係會坐港鐵
而當日眼見問題有二

班次唔準, 前車遲來, 而且時間都幾多 (>10 mins),
正常眼見送70車尾就會直接去坐港鐵, 而唔等車
但當日我對錶先知道係車遲來, 下班車會快來
結果不出所料, 後車15分鐘內到站
之前有朋友跟開70車務一段時間, 發現同一班車到站時間可以有10分鐘上下差距
朋友在影70時, 兩次眼見7-8個字完全無車返上水, 之後兩部拖卡出現
兩次都係星期六下午出現, 一次響大埔見到, 另一次就響粉嶺
即係話等22分好可能變30+分鐘

行車路線迂迴
聯和墟去上水有相應區內線替代服務, 加上墟內下車客不多
不需要刻意用一條行車路線已經很迂迴的區外線入去服務

北區d巴士不嬲又貴又差
73 加冷居然7.3
73A/70 冷氣更9.2-9.6
你睇屯天M線9.6 的確特快線
264M 唔計....  
但70 呢....
73A 更唔好講9.2 一程要人坐個幾鐘出到沙田仲唔係新城市
你睇其他區9.2 去到九龍....
73A仲要半個鐘一班....
一日有火車 北區巴士特快出沙田/大圍作用不大

原帖由 3AD60 於 17/9/2008 22:49 發表


我覺得要發盈警既公司只會係新巴及城巴發出,
冇可能九巴呢D賺咁多錢既公司走去發盈警,
簡直對新巴及城巴唔公平!!

新巴蝕錢我都好認同,因為佢都有大把路線係蝕錢.

城巴係今年內加價都冇係港島區既路線身上加價,
...

如果你睇睇新創建同載通個公司架構，
新、城佔新創建業務比重應該係比九巴佔載通業務比重為小 (註)。
所以載通 (留意唔係九巴) 發盈警而新創建唔發
並唔算離譜。

而且，如果真係有問題，新創建一樣可以選擇發盈警，
呢個係企業自由決定，唔關「公平」事。


(註)
有關企業架構可參考以下網址：
載通： http://corpsv.etnet.com.hk/webse ... ;SUBTYPE=OTHERS_ORG
新創建： http://corpsv.etnet.com.hk/webse ... &SUBTYPE=OTHERS

原帖由 3AD60 於 2008-9-17 22:49 發表


我覺得要發盈警既公司只會係新巴及城巴發出,
冇可能九巴呢D賺咁多錢既公司走去發盈警,
簡直對新巴及城巴唔公平!!

新巴蝕錢我都好認同,因為佢都有大把路線係蝕錢.

城巴係今年內加價都冇係港島區既路線身上加價,
...

新巴同城巴背後有大公司 (有樓起) 撐住，就算巴士業務蝕到暈低，
對於成間公司來講根本只係九牛一毛。
正如電車公司 / 天星小輪都唔會有錢賺，但係和黃 / 九龍倉仲有
大把業務一樣。

九巴母公司 (我指載通，唔係新鴻基) 主力就係做公共交通，而且
九巴仲要載通的業務一個頗高的比例，九巴就算只係蝕少少，對
公司已經有好大影響。

事實上，九巴有好多路線都係蝕緊錢，有唔少仲要係客量中上的
路線。

客量中上都蝕?
有冇少少例子要point out ? THX

原帖由 HG6729 於 2008-9-17 22:59 發表
北區d巴士不嬲又貴又差
73 加冷居然7.3
73A/70 冷氣更9.2-9.6
你睇屯天M線9.6 的確特快線
264M 唔計....  
但70 呢....
73A 更唔好講9.2 一程要人坐個幾鐘出到沙田仲唔係新城市
你睇其他區9.2 去到九龍....
73A ...

其實北區本身巴士佔有率唔高，除左本身選擇唔多同埋車費貴之外，
東鐵線始終係有先入為主的優勢。

而事實上，除左粉嶺南之外，其他地方就算搭 277X / 278X 出觀塘 /
荃灣，都唔見得會比搭港鐵 (火車轉地鐵) 慢好多。

原帖由 tonio 於 2008-9-17 22:11 發表

3. 要求 270A 延長至尖沙咀 -  議員由彌敦道未有巴士配額開始爭取, 到
而家運輸署限制駛經尖沙咀既巴士數目, 都係得晨早中港碼頭特車呢一個
大恩惠, 反觀屯門區既 260X, 印象中係比 270A 更遲全日服務, 也可直達巴士,鐵路,生活2 G9 z# o8 ~4 A- w7 E- R2 s" Z
尖沙咀.

唔好用260X過橋啦，第一：260X開辦遲270A全日差不多一個月，
第二：260X, 261呢兩條路線，係屯門居民爭取左十幾年的成果。
初有60X往佐敦道碼頭時，屯門居民已經爭取延長至尖沙咀，
先計劃60A撻Ｑ，後來各區一條早晨特快線敷衍屯門居民，
足足敷衍左差不多十年。
270A的起源都係因為粉嶺南發展時有的產物，唔好忘記，
上水粉嶺出尖沙咀當時都有鐵路駁鐵路，
屯門人要提早成個幾鐘頭去塞屯門公路去荃灣轉地鐵。

係搵都搵第二Ｄ路線去比較啦。