搭中「無資訊」列車（東鐵）

話說尋晚做完嘢，落到大學站係11:30pm，上到2號月台見有車埋站就上。
開車後，報站話「下一站係沙田」，當堂打個突，
心諗唔係咁筍整架「急行」我歎卦～定係火炭站出事？

但臨入火炭站照常出「請喺右邊車門落車」，亦都有停站。

離開火炭，廣播又話「下一站係火炭」，原來係調轉了......
此時我望下個LED版，上面話「本班車前往羅湖」......
入沙田站車速明顯較慢，更停多幾分鐘，話「由於等候訊號關係，本班列車將稍為延遲」，
但天黑黑，又冇直通車又唔覺有工程車，等咩訊號？

可能TO怕繼續播錯引起混淆，到大圍時無廣播，應該熄咗。
加上我係坐靜音車廂（#685），電視又冇signal，完全咩資訊都冇晒。

到九龍塘，我落車後，睇埋架車開走，車外顯示器都係話架車去緊「羅湖」～

照佢報錯站的數目推算，架車應該係由上水開的。

唔知有無板友遇過呢個情況呢？
如果TO發現報站出錯，有冇方法可以補救？

那位車長因為set錯路線, 所以車頭個地點牌及車內廣播

都會一齊錯, 假如在羅湖開車時, 車長把路線set錯做

"尖東至羅湖", 車頭牌會寫羅湖, 車內的走馬燈會顯示

"本班列車開往羅湖", 以及報站都會全部調轉, 即羅湖

開出會報下一站, 紅磡, 上水開出會報下一站旺角東,

如此類推.

如果發現set錯, 其實可以在中途重設, 情況等同大埔或

火炭特別車一樣, set做羅湖至尖東, 但開車前set定下一

站的站名即可, 開車後報站器就會自動報下一站的名稱

如果不重設t車頭牌及路線, 車長亦都可以站站按制報站

不過好煩麻, 不會有車長咁做

[ 本帖最後由 前KMB員工家屬 於 2008-9-19 01:46 編輯 ]

另外今朝係咪因為訊號問題播唔到新聞直線??
無論東鐵線定馬鞍山線都係全程播政府廣告....

原帖由 fuwing 於 19-9-2008 15:32 發表
另外今朝係咪因為訊號問題播唔到新聞直線??
無論東鐵線定馬鞍山線都係全程播政府廣告....

今朝搭馬鐵番學
去到大水坑就冇新聞
淨係重複痕身銀寒同某奶粉既廣告
一程車聽左超過廿次
d對白識得背番出黎咁濟

今朝東鐵馬鐵都淨係識播三個廣告 : 銀行、奶粉、電腦

馬鐵車廂又無乜人，喇叭又響又大聲，坐靜音車廂都聽到前後車卡傳來的「廣告聲」，不斷重覆重覆真係煩到死

今朝我搭東鐵都係冇新聞，我見到的宣傳片（唔係廣告）係：
e道（無聲）、裝修防火、食飯前洗手、幹線公路「358」......

原帖由 DIH 於 2008-9-19 21:58 發表
今朝我搭東鐵都係冇新聞，我見到的宣傳片（唔係廣告）係：
e道（無聲）、裝修防火、食飯前洗手、幹線公路「358」......

我都係

今日搭西鐵綫, 由荃灣西去屯門....
都播左廿幾次銀行廣告...

每隔幾個廣告一次.....
其他冇留意係咩...不過真係好煩...

「我係xx華, 係東莞做咩....」

原帖由 JA5674 於 2008-9-19 22:12 發表
今日搭西鐵綫, 由荃灣西去屯門....
都播左廿幾次銀行廣告...

每隔幾個廣告一次.....
其他冇留意係咩...不過真係好煩...

「我係xx華, 係東莞做咩....」 ...

今朝搭東鐵線 (288 車廂)，播放次序係：
恆生 > 美國雅培 > PCCW / Lenovo > 恆生…

部電視間歇性有畫面，但係播廣告時有時會出
即時新聞條 bar，有時條 bar 變埋黑色乜都冇…

倒轉左？？咁好笑...呢d情況o係九巴就常見....

東鐵綫真係未見過...