港鐵將於本週三晚(9/24) 在海怡半島舉行咨詢大會

時間: 本週三晚 8時 , 海怡西廣場地面大堂
咨詢居民對海怡站搬遷的意見, 我會出席

我都有興趣去去

最主要都係商討將個站「搬離電纜」0既事
其他問題港鐵未必會作出回應...

(因為搬離同唔搬離0既通車時間相差三年)

我都覺得係'解釋大會'多於'咨詢大會'!!

我都會去.....真係等到人都癲......由70年代傾到而家....

原帖由 SunnyJacky9094 於 2008-9-22 22:22 發表
我都會去.....真係等到人都癲......由70年代傾到而家....

不過唔知到時會掛幾多號風球...
怕且諮詢大會可能都要延期。

唔知有去嘅站友意見係點呢.....
i mean 認為居民d意見點....
講真我覺得幾好笑....
1. 有人話要將個通風口搬出海xD
2. 有人話要攞左個球場做通風口 (咁我同埋其他人去邊度打波? 去四期? 打會所室內?)
3. 有人話要將個站搬到去消防局對出地底.....仲話自己唔介意行, 亦都唔想被搔擾...(你唔介意行我介意呀.....搔擾你7年, 方便30幾年, 有你著數啦...)

最離譜個議員引述有d 海怡居民話,
如果海怡站搬去巴士總站 :"唔高興鴨利州村d 人走過來"
,"唔係我咁貴買海怡乜?"...好自私的心態

我呀爸講番俾我聽d居民反ge理由超低能lo
如果我係到實鬧佢地
居民:18,19個站位好珍貴呀,俾d小朋友上落校車
(我每日返學都俾個d死人校車塞住晒,搞到巴士出唔到,我都未投訴)
居民:點解唔搬個站去球場?我唔介意遠,行得多健康d
(你要健康你不如返企唔好搭lift,行去利東站搭車呀!)

[ 本帖最後由 brianlhm 於 2008-9-26 18:48 編輯 ]

我都係咁話, 搬左去嗰頭真係同行上山冇嘜分別架咋....
唔知大家記唔記得一位簡先生....
"我驚你個通風口同其他野起哂響玉桂山度呢, 會鑿穿我地個配水庫, 呢個配水庫好緊要ga, 一有咩事我地成個海怡就冇哂水ga la...."
可笑絕倫....我住響海怡十幾年都未試過因為鑿穿左配水庫搞到冇水xDDDDD

唉...將出風口搬去海度呢個真係經典。都唔知大家都點解仲大力拍手掌....可見市民對地鐵了解都未夠就亂講野。