[未經證實消息]特區政府安排神七太空人來港提高民望：

首先恭喜三位神七太空人翟志剛、劉伯明及景海鵬安全回航先，繼之前神六費俊龍和聶海勝、神五楊利偉先後訪港，相信在好快的時間香港特區政府會遨邀請神舟七號三位太空人翟志剛、劉伯明及景海鵬訪港以提高香港特區行政長官曾蔭權的民望，大家覺得如果三位太空人真係訪港的話有冇可能會提高特區政的民望，另外大家會否好似歡迎中國金牌運動員一樣熱烈歡迎神七三位太空人訪港呢？

歡迎各位版友討論

[ 本帖最後由 S3N280_FX8032 於 2008-9-29 16:27 編輯 ]

民望會受幾個太空人訪港影響?

今次已經係中國第三次載人航天, 而對上兩次都唔係好多年前
雖然每次都有新技術, 但對一般老百姓而言, 載人上太空已經唔係什麼新鮮事物
是次神七任務, o係香港既討論感覺上已比之前冷淡得多, 什至可能有唔少人o係發射升空當日睇新聞先知有件咁既事
訪港引起既熱潮相信不能同奧運金牌選手訪港同之前既神五神六相提並論
而且個人都唔希望有一個下下要靠呢D「喜事」沖喜先建立到威信既政府

樓主標題會唔會有點先入為主既心態，感覺好似某些報章的報導手法。

首先幾乎都肯定三位太空人有機會黎香港訪問(應該都唔會短時間內)，
而此行目的當然係跟科學扯上關係而非民望，外界點諗又真係控制唔到，
但我認為香港市民對中國科學技術認同跟特首民望都分得開，
所以下次出民調(可能呢一兩日)對中國認同感會少少上升，
(唔知會唔會受三聚氰胺事件影響)，對曾特首民望應該都唔會有太大變化。

講開, 自從中國人上左太空, 有唔少名詞都有改變....

如"太空人", 係叫"航天員", "太空衣"叫"航天服"...
"太空船" 叫"飛船"...仲有d 咩"軌道倉", "返回倉","伴飛小衛星"

雖然我都係覺得"太空人"貼切好多(航天, 咁飛機師都係la)
但似乎經過各大傳媒報導....為香港帶來好多新名詞.....

另回樓主, 唔好咩都政治化了

原帖由 3ASV196 於 2008-9-28 23:45 發表
講開, 自從中國人上左太空, 有唔少名詞都有改變....

如"太空人", 係叫"航天員", "太空衣"叫"航天服"...
"太空船" 叫"飛船"...仲有d 咩"軌道倉", "返回倉","伴飛小衛星"

雖然我都係覺得"太空人"貼切好多(航天, 咁飛 ...

太空人 = 航天員 = 宇航員

原帖由 053h4 於 2008-9-28 21:52 發表
市民好理性, 對特首的觀感巳無影響

講得好, 與其需時搵航天員 (宇航員) 來港訪問
例不如用時間想想方法如何搞好經濟好過 ~

PS.
上次金牌運動員來港
康文署已經搞到 ......

原帖由 AVD1 於 2008-9-29 02:50 發表

講得好, 與其需時搵航天員 (宇航員) 來港訪問
例不如用時間想想方法如何搞好經濟好過 ~

PS.
上次金牌運動員來港
康文署已經搞到 ......

但都要講返一句, 一事還一事...

搵航天員黎, 不等於無去想方法去搞好經濟
唔搵航天員, 也不等於有去想方法去搞好經濟

唔好將d事撈埋一齊講....康文署d職員/有關官員,
即使唔去搞金牌運動員事宜, 也唔會去接觸/處理
香港經濟的整體問題吧? 根本2樣唔同的事宜....

即使特首出席活動, 呢個"時間", 又係唔係對
香港整體經濟方針, 有重大影響?

[ 本帖最後由 3ASV196 於 2008-9-29 11:56 編輯 ]

原帖由 3ASV196 於 2008-9-29 08:45 發表


但都要講返一句, 一事還一事...

搵航天員黎, 不等於無去想方法去搞好經濟
唔搵航天員, 也不等於有去想方法去搞好經濟

唔好將d事撈埋一齊講....康文署d職員/有關官員,
即使唔去搞金牌運動員事宜, 也唔會去接觸/ ...

講真, 第一次有太空人都話大件事, 不過依家已經有點悶...下下都落黎, 好唔矜貴

我唔反對政府搵太空人來做show, 有興趣咪去睇下lor