城記巴士檔案之祝城記 #205 生日快樂!

十六年前o既今日, 一架似曾相識(帶有大食鬼色o既
車殼), 但係身形細小o既利蘭奧林匹克冷氣巴士(或
者叫’短蘭’)登陸香港, 由果一日開始, 佢開始履行服
務廣大市民同外國遊客O既職責. 佢係邊個? 咪就係
呢篇文o既主角 -- 城記 #205 囉!



呢架配亞記 R 型車殼, 但係長度只得十米四o既利
蘭奧林匹克冷氣巴士, 係o係蘇格蘭 Falkirk 亞歷山
大車身廠度砌. 城記當年引入呢架短蘭o既目的, 就
係假如佢真係成功投得港島巴士線o既專利權(尤其
係南區泳灘線), 呢架車就可以用得著. 結果, #205 出
牌後o既第二日, 政府宣佈城記拎到前中記o既廿六
條專利線, 當中包括南區泳灘線. 對城記o黎講, #205
O黎得及時, 又可以大派用埸, 更重要o既係愈來愈
多雙層冷氣短車o係香港狹窄o既路面上行走, 如果
冇 #205 呢架短蘭, 我相信未必有咁多架短車o係街
度行.

講起 #205 o既機械配搭, 首先係康明斯o既 LT10.
LT10 當時係好力而且比較普遍o既引擎, 有245hp
O既最大馬力. LT10 o既拍檔係 ZF 4HP500, 呢款波
箱O既賣點係行快速公路快, 四波狀態之下做到慳
油O既效果, 呢種配搭可以話係絕配! 仲有 Denso 第
一代冷氣機o既三個冷氣壓縮泵經 ZF 波箱o既 PTO,
同樣由 LT10 驅動, 呢個機械配搭既係快速公路上佳
之選, 同時令坐o係呢架車o既乘客感受涼快o既車
程.

#205 出牌後o既第一個左任務, 係行走當時來往港澳
碼頭同麥當奴道o既 Rt.12A, 不過佢好快有另一個
任務, 就係為投得廿六條前中記專利線進行操線工作.
未到接手果日, 佢左邊車身貼o左橫額廣告, 就係 ‘加
入城巴服務好, 生活無憂有保障’, 佢身上o既呢個廣
告上過一段時間, 直到換標準色為止.



接下一層.

接上層.

自從城記成為港島第二家專利巴士公司之後, #205
o係‘N26’ 初期, 曾經o係大部份o既專利巴士線度行過,
包括 Rt.1, 5, 6, 12, 仲有取消o左o既Rt.10X. 唔講唔知,
我第一次坐 Rt.10X o既時候, 就係 #205 呢架車喇!
佢o既Lazzerini 高背絲絨座椅, 加上涼浸浸o既冷氣,
令我好唔捨得落車. 不過由於當時城記非專利部果邊
唔夠巴士行走, 所有要o係專利部抽部份冷馬去非專利
部, 解決短暫o既車源問題, #205 係其中一架. 不過呢
架主角返到專利部o既時候, 已經唔係大色特色嚕, 而
係標準O既 ‘白黃紅藍’ 四色, 當然黃色o既佔最多.

若干年後, #205 第一次畀城記o既工程部調入車廠去
整一個好大o既內籠翻新工程, 光管, 座落絲絨皮面,
扶手柱, 地板以至出面o既成套路線牌箱都換過哂新
o既, 不過佢車頂o既行李架都仲保留. 翻新後o既佢多
數行 Rt.85 同 Rt.606. 之後佢又再被調去非專利部,
不過佢O既全套 LiteVision 電子牌箱就被改返做車頭
目的地攪牌同 Vultron 電牌.

大概零六年年底, 城記將佢同另外五架同o係非專利部
O既同款 ‘兄弟’ 收埋o係廠, 坊間有唔少傳聞話城記
O既非專利部生意麻麻, 同埋政府o既運輸政策都對佢
O既業務有間接o既影響, 先令佢有呢個行動, 由果時
開始到今年年初, 佢地一架都冇郁過, 直到今年三月, 其
中兩架短蘭開始有動靜, 因為佢地係繼三架(#190 - #19
2)之後, 為城記開蓬冷蘭車隊增添兩架新成員, 其中之
一既係樣辦車, 又係第一架上自己公司o既租車廣告,
做一架生招牌.



#205 上o既租車廣告, 當然吸引唔少巴士愛好者o既
拍攝對象, 有o的更以私人名義租呢架車, 去暢遊港九
新界, 我都有參與其中o架!

雖然其中一個主辦單位第一次租呢架車o既時候, 因天
氣唔好o既關係, 遇上滑鐵盧, 不過城記好快將呢架車
整好, 而且第二次攪遊河活動o既時候, 好順利. 我上
o左呢架車, 發覺佢下層兩邊o既行李架畀人拆o左,
由布皮包住. 上層就當然唔駛講, 全部開揚, 變得最少
O既係佢上層o既地板, 另外城記o既工程部為呢架車
鑿開唔少數目o既排水口, 另外o係上下層之間o既樓
梯加裝遮蓋, 一條光管, 一條喉管同風機. 當架車停低
而司機拉手掣o既時候, 風機就自動開住, 作用係避免
將下層o既冷氣扯走而令下層冇哂冷氣. 當日o係咁
熱o既天氣底下, #205 o既冷氣運作暢順, 又夠凍. 不
過佢下層原本o既絲絨凳變成新記o既紫色標準人造
皮凳, 似乎為呢架車少o左o的特色.

#205, 生日快樂!

城巴205 @ 88R

攝於2006年3月。

錶板相同內籠相







特別改動







簡單摘要

九二年九月廿八日 :
#205 首次出牌, 第一個任務係行 Rt.12A.
同年年底 :
#205 開始操線.

九三年 :
佢o既左邊貼o左幅請車長o既 banner 廣告,
名為 '加入城巴做車長, 生活無憂有保障'.
另佢所有布簾被拆走.; 牌布畀人換o左 N26
款式.

九四年 :
由於非專利部o既車源緊張關係, #205同部
份短蘭, 十二米蘭一齊被調到非專利部行走.

九六年初 :
#205 回歸專利部, 同時被噴上白黃紅藍原
色加四條白線.

二千年到零一年間 :
#205 被安排接受大翻新工程, 包括座椅, 光
管, 扶手柱, 地板, 成套電牌(改用 LiteVision),
另加液晶時鐘.

零五年 :
#205 第二次被調入專利部, 佢o既 LiteVision
電牌被打回原形, 即攪牌同 Vultron 英數電
牌.

零六年至零七年間 :
#205 長期停泊火炭廠.

零八年初 :
#205 被改裝成新一代開蓮冷氣短蘭,
另一架係 #221.