姓氏「費」一問

正當「神七」成功之際想起年前神六一位太空
員費俊龍。而我一位中學同學都係姓費，不過
佢平時自稱以及身份證拼音都係Pei(音秘)。
我想問姓「費」既讀法應該係「秘」定係「廢」？

聽個一個笑話：有個外省人姓費名密，不過平時
佢自稱都係讀「秘」。剛拿了單程證來港不久既
佢有日由於貌似非法入境者，所以被差人截查。

差人：你叫乜名？
費密：費(秘)密
差人：玩野呀？而家再問你，快d講！
費密：真係費(秘)密呀！
差人：你咁唔合作？拎身份證出黎！
...(看完後)
差人：哦！費(廢)密就(廢)密啦，仲話秘密....(帶點恥笑)
費密：...(無奈)

姓氏係讀秘

上次那個太空人費俊龍卻表明他姓「廢」。

原帖由 fai 於 2008-9-29 18:01 發表
正當「神七」成功之際想起年前神六一位太空
員費俊龍。而我一位中學同學都係姓費，不過
佢平時自稱以及身份證拼音都係Pei(音秘)。
我想問姓「費」既讀法應該係「秘」定係「廢」？

聽個一個笑話：有個外省人姓費名密，不過平 ...

視乎呢個人怎稱讀他/她的姓氏

睇下佢自己點讀啦.....
好似個茜字咁, 正讀係讀試, 但係有d人會讀"西" (903 DJ就係有人叫謝茜嘉 (佢叫自己個名係西, 所以其他人都係咁叫)。

尊重番他人意願比較好

唔排除以前只有一個讀音，後來各分支住在不同地方，經歷不同語言演變，變成不同口音。
好似話中文古時係冇ｆ音的，故「浮」讀「蒲」，俗語「蒲頭」實乃「浮頭」。
「費」字，可能古時只讀「秘」，後來演變成「廢」，但姓氏由於某種尊重或忌諱，維持讀「秘」。
北方人則較少此種忌諱，或基於推廣普通話等行為，異讀音被去除，只讀「廢」。

「費」的聲符「弗」，其他組成字有「佛」，今廣州話「fat」普通話「fo」，但此字來自「Buddha」。

歡迎賜教～

[ 本帖最後由 DIH 於 2008-9-29 22:43 編輯 ]

原帖由 ccicoltd 於 2008-9-29 21:03 發表
上次那個太空人費俊龍卻表明他姓「廢」。

佢自己講??
照計佢自己都唔識讀架喎....

其實好多字都有佢本身o既讀書
正如樓上所講姓「費」, 茜
但好多時係唔知幾時變左讀音
跟住約定俗成就話跟隨當事人意願
如果想知個正確讀音最好查字典

原帖由 DIH 於 2008-9-29 22:42 發表
唔排除以前只有一個讀音，後來各分支住在不同地方，經歷不同語言演變，變成不同口音。
好似話中文古時係冇ｆ音的，故「浮」讀「蒲」，俗語「蒲頭」實乃「浮頭」。
「費」字，可能古時只讀「秘」，後來演變成「廢」，但姓氏由於某種尊重 ...

補習導師Arthur Kho 曾經講過話蒲頭的蒲字起源於古代一種會浮於水水生植物.所以蒲頭原本只是有從水中露出水面的意思.

原帖由 頭文字TRIDENT 於 2008-9-30 11:00 發表

補習導師Arthur Kho 曾經講過話蒲頭的蒲字起源於古代一種會浮於水水生植物.所以蒲頭原本只是有從水中露出水面的意思.

無獨有偶, 蒲頭既相反係潛水 =.=

不過以前老師教出師表時, 都係教我地讀 "費禕(祕衣)"........
而太空人自己讀 "廢" 音, 以前好似在italk 都有討論過.

原帖由 fuwing 於 2008-9-30 03:08 發表

佢自己講??
照計佢自己都唔識讀架喎....

其實好多字都有佢本身o既讀書
正如樓上所講姓「費」, 茜
但好多時係唔知幾時變左讀音
跟住約定俗成就話跟隨當事人意願
如果想知個正確讀音最好查字典 ...

點會唔識讀呀，唔通佢細個時人地問佢叫咩名，佢話「我叫不知甚麼俊龍」？
讀「秘」或讀「廢」，都叫做識讀丫～

想知正音就查字典？
我上一篇文表達了我的觀點，
就係中共過去幾十年的文化摧毀行為，已經連人地姓甚名誰都要管。

姓「蕭」現在正式簡體字是「萧」，但「二簡」期間用過「肖」，
雖則二簡已經廢除，但學好三年，學壞三日，好多當年成長的人已經入晒腦，
結果「蕭尉雲」在內地公開場合的名牌變成「肖尉云」，
如果廣東人照讀，就會變成「俏」而唔係「燒」，無啦啦整撻剌。

費姓都係一樣，難保唔係中共廢除了「秘」音，強迫人讀「廢」。
廢除唔一定係明文禁止，只係學校唔教，家人唔講，咁就冇咗架喇。

個人觀點，並非代表真正歷史事件。