112 服務水平大幅下跌

一直以來, 112 給人的印象係密車, 在怡和街和鵝頸橋幾乎唔駛點等就有車,
可是近年來繁時, 112 經常等好耐先有車, 很多時在怡和街已經上到頂閘,
鵝頸橋等車經常望車輕歎, 就算怡和街未頂閘, 鵝頸橋最多上到好少人,
攪到條龍排到盡頭, 清極都清唔完, 不論九巴或新巴時段都係咁
又冇乜聽見話減班減車...

兩間巴士公司到底攪乜呀, 好好地一條大線皇做到咁差

先說九巴，自從2006年轉直梯用行P車制之後，實際的班次是有上升的，每個時段都開足12班車，當然塞車過鐘唔包開足咁多部車，不過整體來說，車是開多左的。

不過有另一個問題係行P車制少左車係銅鑼灣調頭，令d車要行耐d先上到客，清客差左。

另外新巴方面，好明顯少左車行。未合併前5:30-6:30繁忙時間開30部車，係銅鑼灣一定係揀車坐，合併後開少左好多車，宜家只係等車坐，仲分分鐘上唔到車。


服務差左係肯定，可能之前服務太好，宜家回落至正常水平(同116班次差唔多)，唯有企多陣或者睇下好唔好彩拖住咁黎喇。

如果怡和街,我寧願行去景隆街搭102

鵝頸橋就171,多數有位坐

原帖由 BUSFANS 於 2008-10-3 15:18 發表
如果怡和街,我寧願行去景隆街搭102

鵝頸橋就171,多數有位坐

兩線都可搭到美孚，轉乘新界線(如荃葵青)都可平的。

我試過今年暑假平日4點半係鵝頸橋等112
等o左差唔多廿分鐘先有車(新記車)

比較神奇既係雖然冇車到, 但係我排隊既位置就愈來愈前, 可惜上到車都係冇位
上車前我仲無啦啦勁大聲同fd講話如果後車有車到就好喇
結果搞到前面有3個準備上車既師奶即刻排係隊頭唔上車, 我就跳上車企
不過去到鵝頸橋既112..應該都唔會有位坐啦

同一時間, 有大量既新記116駛到鵝頸橋, 而且有大量吉位可以坐

如果大家都講到咁差的話
搭MTR /紅小可能唔洗咁激氣
而家鵝頸橋底的金鋪都長期有紅小番旺角,,收費好似有九蚊,,十一蚊都有

係,,紅小冇巴士專線,,可能慢過巴士過海,,
但起碼一定有位坐咯

去景隆街搭171又係死。5點開始架架171 都企出銅鑼灣
景隆街站一定清唔晒的。
灣仔區最少客的都只有117=.=

鵝頸橋底好幾條線一向都係望車輕嘆0既多
但係我都留意到112出車少0左 呢個係事實
平時放工行去摩頓台起碼見兩三架 而家一架都唔知有無

頭先0係旺角等紅小去康山 都見到102,118,171(私牌銀行中心起載),104
獨獨唔見112...
真係唔知做咩視覺上少0左車行


PS. 今晚八點幾0係彌敦道北行近九龍中央郵政局
有架新巴炒到架的士打橫放中、快線 齊齊玩斷纜...

原帖由 HG6729 於 2008-10-3 20:10 發表
如果大家都講到咁差的話
搭MTR /紅小可能唔洗咁激氣
而家鵝頸橋底的金鋪都長期有紅小番旺角,,收費好似有九蚊,,十一蚊都有

係,,紅小冇巴士專線,,可能慢過巴士過海,,
但起碼一定有位坐咯

去景隆街搭171又係死。5點開 ...

中環, 金鐘去旺角都話搭港鐵, 但銅鑼灣去旺角真係 112 最快最方便
鵝頸橋上車出旺角, 車程短, 企一陣唔係問題,
但起碼都要上到車先 .....

原帖由 112 於 2008-10-3 15:10 發表
先說九巴，自從2006年轉直梯用行P車制之後，實際的班次是有上升的，每個時段都開足12班車，當然塞車過鐘唔包開足咁多部車，不過整體來說，車是開多左的。

不過有另一個問題係行P車制少左車係銅鑼灣調頭，令d車要行耐d先上到客，清客 ...

我就係搏佢第一班爆晒, 後面好快有車, 點知失望次數多過搏到次數
現在很多時第一班爆, 等成 10 分鐘先有第二架, 再等,
又一個 10 分鐘

甚麼叫 P車制 ?

原帖由 BUSFANS 於 2008-10-3 15:18 發表
如果怡和街,我寧願行去景隆街搭102

鵝頸橋就171,多數有位坐

有時係維園上102, 但上左之後係告士打道塞車,
又係死,
有時搭112好過搭102