港鐵的車費能否作一個非一般的調整呢?

(請注意, 以下內容, 只用成人八達通車程價錢作討論)

過往, 地鐵只會分票種來釐定車費, 不過隨著大嶼山路線的服務,
票種的收費開始多了, 但係路程的遠近收費都看似唔多合理。
好似金鐘去尖沙咀一個站要$7.7, 但係寶琳去長沙灣路程長很多
卻只係$8.0, 我個人覺得真係有點收費不合理。

現在地鐵同九鐵合併, 收費系統亦已作整合, 轉線收費的情況
已經減去, 但係收費就出現更多不合理的情況, 就好似由西灣河
出發, 去荃灣$11.2, 去旺角$11.2, 去旺角東$12.3, 去紅磡$12.3,
這些奇怪的現象相信港鐵都想去改動或整合, 但係現行條例下
港鐵能否在下次加價時從劃一百份比加價改為按實際路距及其他
競爭者收費而去釐定新車資呢?

原帖由 Route_99 於 2008-10-13 17:19 發表
港鐵能否在下次加價時從劃一百份比加價改為按實際路距及其他
競爭者收費而去釐定新車資呢?.

可以，在港鐵下一次調整票價時，便可以行使「5%彈性車費調節」，
以便進一步整合兩鐵的車費及調整部分競爭力較低的車程費用。

過海咁貴都有咁多人搭，搭得的人都已經習慣了吧，如果再減我唔知綫路能否負荷。
現時星期六日的尖沙咀站已經如九龍塘一樣多人，往港島亦有上唔到車情況（我至少三次親身見證），
如果一批原本搭隧巴的人轉投港鐵，港鐵想賺呢筆錢都食唔落。

極同意樓主第二段的意見.

由港島東的站出發, 去尖沙咀要$11.2, (其實整條荃灣線都收$11.2 ) 但轉一轉去坐東鐵到旺角東或紅碪就要$12.3, (這些站地理上不會遠過太子吧? ) 但再坐去九龍塘又變番$11.2.

即係去遠的地方有得平 (完全是歷史遺留的現象, 因荃灣線, 和九龍塘站以前係地鐵系統.)
我好奇怪沒有任何政黨或區議員投訴這情況. 所以我估地鐵不會減番那些車程的收費.

日後加價的時候, 或許此等車程都會劃一到$12.3或更高

另一個題外話係過海收費,
有網友認為港鐵收得貴.
但我覺得金鐘至尖沙咀一個站$7.7, 相比巴士$9.3都係平 (好似有些隧道口特車係再平少少的.....)

除非你坐到堅尼地城或者小西灣, 巴士才算較港鐵平. $9.3/$9.8 vs $7.7/9.5/11.2, 不過乘客通常都唔係睇平貴. 在隧道口轉巴士的朋友, 都係唔想在港鐵九龍塘/尖東轉車, 或者港島的目的地距離港鐵站好遠.....

原帖由 twohearts 於 2008-10-13 23:45 發表
極同意樓主第二段的意見.

由港島東的站出發, 去尖沙咀要$11.2, (其實整條荃灣線都收$11.2 ) 但轉一轉去坐東鐵到旺角東或紅碪就要$12.3, (這些站地理上不會遠過太子吧? ) 但再坐去九龍塘又變番$11.2.

即係去 ...

唔一定
特惠車費由銅鑼灣入閘
往尖沙咀至長沙灣都係$4.8
但紅磡同旺角東只係$4.7
即是尖沙咀出閘先扣$4.8
到目的地紅磡或旺角東再出閘會退回$0.1

原帖由 twohearts 於 2008-10-13 23:45 發表
極同意樓主第二段的意見.

由港島東的站出發, 去尖沙咀要$11.2, (其實整條荃灣線都收$11.2 ) 但轉一轉去坐東鐵到旺角東或紅碪就要$12.3, (這些站地理上不會遠過太子吧? ) 但再坐去九龍塘又變番$11.2.

即係去 ...

大家有沒有留意去前地鐵租九鐵的協議, 每年7.5億租金及第四年開始如果前九鐵網絡賺錢會分紅給九鐵公司,
所以你去紅磡或旺角東, 港鐵就要分開入帳, 必會貴少少啦

一向巴士地鐵都係靠過海搶錢,.
要佢減價都幾難.

其實仲有樣好無奈o既野
就係馬鐵(烏溪沙至沙田圍)去大圍要當係轉綫
同去沙田/火炭/大學係冇分別
特別係沙田圍去大圍
收$4.3