毓民擲蕉

相信佢都計過度過呢幾日的舉動,
社民成功建立鮮明形像,
相信以後選舉將會得票更多.

剛剛新一屆立法會, 第一次施政報告...
呢幾位議員, 唔做返d野, 點同佢d 選民交代.....

日前明報有篇文章幾好, 講最近銀行事件, 邊d議員
真正幫到市民手...

學陶傑話齋,選民選社民連入立法會都係希望佢地做場好戲,
而家開始第一集,相信未來4年曾特首同曾主席都有排煩

回番正題,今日睇施政報告都只係不斷話研究研究,講生果金
話可以加,但同時引入入息審查,同叫人申請綜援有何分別,
如果筆綜援真係幫到長者,咁何需要求加生果金?更何況生果
金係對長者一份敬意,一份心意,點解咁樣都要同人分級分化.

政府成日話要了解民情,減輕民怨,但偏偏又要製造矛盾,毓民
今日掟蕉,掟既唔係因為博出位,而係對這個矛盾說不

原帖由 orange 於 2008-10-16 01:21 發表
學陶傑話齋,選民選社民連入立法會都係希望佢地做場好戲,
而家開始第一集,相信未來4年曾特首同曾主席都有排煩

回番正題,今日睇施政報告都只係不斷話研究研究,講生果金
話可以加,但同時引入入息審查,同叫人申請綜援有 ...

講真，說不有冇其他更斯文的方法？點解下下要有失大體先得？
而家建議加生果金，但有資產審查，同時又話唔影響現有拎緊生果金的長者，都唔知係咪想塞著現在老人的口，等佢地離開後，便可減少開支。

小弟母親對此極為反感，常說錢應多用在醫療方面，老人生活不能支持，生果金和綜援都可同時得到，那些綜援戶及拿生果金的人死不了，不過不能苛求有舒適的生活。反之，醫療福利愈來愈差，沒錢的用平藥，最後得不到良好的治療。

小弟現在又想知道，有冇議員除了在想小市民的微觀生活時，更能在遠看金融海嘯的影響，為政府出謀獻策呢？還是繼續想著如何討好市民，看看如何繼續在庫房慷政府之概。

原帖由 Fun_FC 於 2008-10-16 06:49 發表


講真，說不有冇其他更斯文的方法？點解下下要有失大體先得？
而家建議加生果金，但有資產審查，同時又話唔影響現有拎緊生果金的長者，都唔知係咪想塞著現在老人的口，等佢地離開後，便可減少開支。

小弟母親對此極為反感，常說錢 ...

我自己冇睇過佢點樣向曾先生擲蕉
不過論斯文, 立法會 (泛民) 理應與社民連立場一樣 - 即其實大把人斯文
不過高官對斯文人 o既 意見會否放在眼內又係一問題
大部份香港人又唔係太理政治

而社民連今次做左一場 show
先唔好理政府會點,
但最小已經引到一班唔多理政治 o既 香港人去理 E 件事 ~

原帖由 orange 於 2008-10-16 01:21 發表
政府成日話要了解民情,減輕民怨,但偏偏又要製造矛盾,毓民
今日掟蕉,掟既唔係因為博出位,而係對這個矛盾說不

相信無人會懷疑毓民的立場...呢度亦無乜人會完全同意政府立場..

不過 反對還反對, 博出位還博出位吧....

見唔到因為"說不", 而可以將一D不當行為合理化..
依家無正常場合俾佢反對嗎? 今日已經有la....

下次試下特首唔同意某議員的意見, 向佢掟蕉, 睇下
情況係點?  即使將來個特首係民選, 都唔可以咁做吧?

將不文明, 不尊重的行為帶入議事廳, 似乎點睇都唔係
正確方向...試問咁唔係博出位, 還可以是什麼?

政見唔同, 唔緊要, 議員選出黎都係為市民發聲, 但
相信最基本係尊重吧....

以前長毛係立法會, 點叫, 點示威, 都勉強可以話言論
自由, 但今次掟蕉, 呢個係咩權利, 咩自由? 下次咪打人
都ok?

[ 本帖最後由 3ASV196 於 2008-10-16 07:50 編輯 ]

選社民連的人就係想三子俾d顏色政府睇，搞到佢地冇求求其其hea過
擲蕉事件後，多左好多人關心個問題，已經達到左個目的
算係「履行競選承諾」

原帖由 Fun_FC 於 2008-10-15 23:25 發表


特別係投佢地既人，可能好野學唔識，但學識晒佢Ｄ惡野。
唉。。。意見唔同可以，但表達方式為何要這麼激進，唔通真係惡先大晒？

如果下下斯斯文文，鬼有人留意到你

原帖由 S3BL343@66 於 2008-10-16 13:57 發表


如果下下斯斯文文，鬼有人留意到你

其實呢個就係問題的中心, "博出位"的心態lor...

原來要人留意, 就可以順理成章地"發難".....

遲下, 當掟生果都掟到d人無晒感覺時, 係唔係要更
激烈的手法去引人留意?

(好似長毛鬧人, 依家已經無晒回響, 今次咪毓民掟蕉lor,
下次就唔知點先引人注意到喇)

[ 本帖最後由 3ASV196 於 2008-10-16 14:25 編輯 ]

原帖由 S3BL343@66 於 2008-10-16 13:57 發表


如果下下斯斯文文，鬼有人留意到你

擒日成班泛民議員抬頭有個stand,心口有個章仔,
但結果甚少傳媒報導呢個章仔個stand講緊乜(估計
係要求最低工資),反而毓民掟蕉個3幾秒就人人評論,
講到尾原來大家鍾意睇家好月圓式吵鬧先有市場價值

[ 本帖最後由 orange 於 2008-10-16 14:14 編輯 ]