大家覺得曾蔭權會否以後減少去立法會出席答問大會呢？

其實都一早估到三名激進派社民連議員梁國雄、陳偉業及黃毓民進入左議會後會有事發生了，等曾蔭權仲話要加強行政和立法兩會之間的關係，我覺得曾蔭權未來四年每次去立法會都會好頭痕甚至管治危機，因為要面對三名激進派社民連議員梁國雄、陳偉業及黃毓民的示威，今次就會掟蕉皮，下次會掟甚麼呢？我認為曾蔭權減少出席立法會答問大會為妙了。

[ 本帖最後由 S3N280_FX8032 於 2008-10-16 00:54 編輯 ]

佢做個競選承諾, 話個一年出席四次立法會答問大會
岩岩一年就係只出席三次, 俾人鬧緊, 最尾先晌人地散 band 前出席第四次
如果佢仲借機話黎少 D
唔係唔得既
不過又多一樣野俾人拎黎講o者

講真, 做首長總會有機會遇上呢類出位事情
如果唔可以處之泰然去面對
咁佢既政治功力就真係還需再訓練一下

恕我直言，樓主的思想相當幼稚。

現今社會，政治首長定期出席答問大會直接
同民意代表交流根本係應有義務。民意代表
做咩行為係佢地既事，自然有人（如立法會
主席）負責管理秩序。為呢種小事而減少出
席係對人民極不尊重的表現。

原帖由 S3N280_FX8032 於 2008-10-16 00:24 發表
其實都一早估到三名激進派社民連議員梁國雄、陳偉業及黃毓民進入左議會後會有事發生了，等曾蔭權仲話要加強行政和立法兩會之間的關係，我覺得曾蔭權未來四年每次去立法會都會好頭痕甚至管治危機，因為要面對三名激進派社民 ...

點可以相提並論，社民連三人係佢自己失禮，特首即使被擲中也沒有生命危險。
如果特首因某些反對人士激進行為而避席，到佢沒有做領導的風範了。

越少去盞比人有話題話佢言而無信, 而且作為特首, 絕對唔會為3位議員的表現而避席, 而社民連嘅表現, 特首亦應該接受。

p.s. 嘜果隻蕉唔係有餡ga咩, 點解樓主話係蕉皮?