你們有沒有試過搭巴士入錯路／總站？

多年前重未有281A既年代... 坐287P既時候試過兩次,兩次個師傅去到窩打老道大橋唔記得落橋右轉入太子道西,但係兩次個師傅既做法都好唔同...
第一次. 個師傅就跟81C去到九龍醫院站... 諗左一諗,再經81C師傅教路,經九龍醫院橋底掉頭... 行返窩打老道轉左返回原線...
第二次. 有客個師傅跟81C去到九龍醫院橋底掉頭,佢驚唔夠轉/橋墩唔夠高... 咁叫佢左轉亞皆老街再係果中電對開橋底掉頭,佢又驚果個位太斜刮底... 個客都已經無個師傅咁好氣... 咁我就叫個師傅試下行窩打老道左轉培正道再左轉經民豐徑落公主道,直落返窩打老道轉左返回原線...

[ 本帖最後由 wally 於 2008-10-21 00:56 編輯 ]

試過搭九巴101往九龍,於軒尼詩道無右轉菲林明道,變佐直行軒尼詩道,
最後要兜至維園入海隧.

第一次：搭107九巴往九龍方向，過左逸港居站之後冇入黃竹坑，直往隧道......   轉入黃竹坑前有人o禁左鐘，但架車「飛站」後冇客嘈...

第二次：搭95往翠林，但落到翠林冇轉入翠林道，直落寶林 最後去到新都城兜左個圈先上返翠林。

一次咁多,
十年前 (應該 98 年左右)
某星期六

坐 9 號 (唔記得左係 AV 定 3AV - 2+2 全車身廣告 - 好似係綠色)
差唔多到黃大仙唔記得左入大成街

之後司機表示佢第一日返工,
Say sorry  
於是我地起路口落車行入黃大仙 ~

HM2767@12A返東京街入錯亞皆老街 行露明道出番
796X返紅碼無啦啦入左亞皆老街(以為自己渣緊796C) 最後行富寧街出番
E22(九碼年代)響白田入錯條掘頭路(有間教堂ge)唔記得係邊條

早幾年搭93A, o係曉光街突然轉左入秀明道...(唔係封路),
成班學生都要行番落去

2,3年前試過兼晌度講過,
果朝搭38去葵芳新都會,
去到呈祥道無上橋入青山公路,
直行去葵涌道,有客仲以為自己搭錯車,
之後經荃灣路右轉入興芳路,
比我晌葵涌運動場落車,
對我黎講係特快!!
不過之後就唔知點收科

三年前我搭過新記720（0個陣0係要兜金鍾）返
屋企，0個陣時師傅停完馬來西亞大廈之後，竟
然無停金鍾，用夏懿道天橋直去中環。

結果0個程車我早0左到中環轉車，但0個陣唯一
一個0係金鍾落車0既客仔就慘囉.....要去到皇后
像先至落到車......

31/12/07傍晚坐BJ6626@970返九龍，見到行260X出九龍既JM4317係連翔道早左一個街口轉左，入左佐敦道，期間見到佢停老麥出面個站，並有人落車，之後就唔知佢點，估計學當年M1咁行