有效的驅蚊方法

我的皮膚屬於惹蚊類型,近來一星期有一兩日在深夜時份,本人熟睡之際,會有蚊在附近飛行,好嘈好煩
試過噴蚊怕水,佢地唔驚不得只,仲"針"得更加勁 令本人要在4點後先能訓得到
亦試過開冷氣,希望以冷氣"迫走"隻蛟,都係無用
難道要點蚊香?貼蚊貼?唔訓覺?

與我同樣易惹蚊的板友,有咩驅蚊大法可趕走非常討厭的蚊?
謝謝解答

較冷門既方法係種一些驅蚊既植物，以我所知起碼有兩種：

1. 防蚊草：原理好似係該植物會發出一些蚊唔喜歡既味道(人係聞唔到既)
2. (唔記得個名)：有一種花，係會引d飛蟲入去佢朵花入面，跟住就有入
無出，變成花既肥料   不過呢種花既賣相都幾嚇人，成朵食人花咁，
見到都有少少唔開胃...(公司有同事種緊，話真係work喎...)

真係想扣樓主分...點會用「唔訓覺」呢個方法？唔訓覺坐係度，d蚊
就唔會咬你？

[ 本帖最後由 HY671 於 2008-10-28 01:01 編輯 ]

試下搵個袋仔放d切左粒既蒜頭
放係床邊附近試下

用冷氣梗係唔掂
應該用風扇吹走佢....


其實臨訓前點蚊香已經好有效
個人推薦紅牌坊

不過亦有d古怪方法
例如用花露水等.....

最後用既方法,當然就係回歸原始方法
用窗同門口貼上蚊障啦.....

不過我個人認為
如果本身周圍環境係清潔既話
應該唔會太多蚊

[ 本帖最後由 CK4013 於 2008-10-29 13:31 編輯 ]

但如果住係Ｄ較低的層數，則無法避免有蚊，因為天井未必乾淨

我就唔係惹蚊類型,不過我有親戚係,佢地會係屋企點蚊香

最緊要就係注意下屋企附近有冇積水,有就要清理下喇

唔該咁多位,在本站未搬網之前,有板友提議放座什麼燈在房間
個座燈叫咩東東?會唔會好貴?

原帖由 HY671 於 2008-10-28 01:00 發表
較冷門既方法係種一些驅蚊既植物，以我所知起碼有兩種：

.....
2. (唔記得個名)：有一種花，係會引d飛蟲入去佢朵花入面，跟住就有入
無出，變成花既肥料   不 ...

係豬籠草

原帖由 ATR83 於 2008-10-30 13:01 發表

唔該咁多位,在本站未搬網之前,有板友提議放座什麼燈在房間
個座燈叫咩東東?會唔會好貴?

盞燈係藍色0既？

如是者，應該係滅蚊燈。