政府再考慮在沙中線加入顯徑站

其實慈雲山站, 用接駁巴士, 或者包起19號小巴, 九巴3M搞免費轉乘, 會唔會比起輕鐵化算.

如果30000個人口都起到站, 又話要"疏導大圍車站的擠逼",
咁點解唔起中環南站疏導金鐘站的擠逼???

原帖由 ctb8107 於 2008-11-1 16:46 發表
如果30000個人口都起到站, 又話要"疏導大圍車站的擠逼",
咁點解唔起中環南站疏導金鐘站的擠逼???

轉車往中環的沙中線乘客與現有金鐘站的轉車客沒有衝突，
反而更能有效運用金鐘-中環兩條鐵路線的剩餘載客量

但係到時仲有南港島線既金鐘轉車客，再加埋西港島線落成後可能會令金鐘至上環段客量增多……
plan 鐵路唔可以唔諗遠 d。

原帖由 Kaix 於 2008-11-1 20:48 發表


轉車往中環的沙中線乘客與現有金鐘站的轉車客沒有衝突，
反而更能有效運用金鐘-中環兩條鐵路線的剩餘載客量

對，港島綫或荃灣綫西行大部分乘客在金鐘都過了對面轉車，尤其是荃灣綫，
只要方便沙鐘綫轉乘荃灣綫已經OK，無謂三條綫一齊行。
當然，我作為乘客，有多個中環南站梗係好（雖然我無乜需要用到）。

至於顯徑，我見到報紙出都有點驚訝，講到通風設施咁遠，希望真係政府放風。
係咪當年地鐵標書有顯徑站？維基個條目改了......

慈雲山站我一向不予厚望，19小巴更靈活，而慈雲山的通勤人口只支持到一條晨早302。
往土瓜灣等地有3B/5C，往尖沙咀有5C，而呢種搭法係老人家多，佢地都唔會喜歡上上落落搭港鐵。

（自私：咁鑽石山站去沙田咪快少少囉）

原帖由 ChickenTong 於 2008-11-1 19:03 發表
洪水橋緊急月台係咩黎

輕鐵既「洪天路緊急月台」

原帖由 DIH 於 2008-11-1 21:26 發表

至於顯徑，我見到報紙出都有點驚訝，講到通風設施咁遠，希望真係政府放風。
係咪當年地鐵標書有顯徑站？維基個條目改了......

慈雲山站我一向不予厚望，19小巴更靈活，而慈雲山的通勤人口只支持到一條晨早302。
往土瓜灣等地有3B/5C，往尖沙咀有5C，而呢種搭法係老人家多，佢地都唔會喜歡上上落落搭港鐵。

（自私：咁鑽石山站去沙田咪快少少囉）

當年沙中線的確有顯徑站，慈雲山都有，

不過慈雲山最終因技術問題而取消設站


P.S. 當年地鐵沙田線係有鑽石山，慈雲山，紅梅谷（顯徑一帶），山下圍（曾大屋附近），沙田中央及下禾輋（總站）等站

起輕鐵比較難,收唔到地,又唔可以佔用路面,慈雲山既街道本身已經唔闊

原帖由 9siu08 於 2008-11-2 00:58 發表
起輕鐵比較難,收唔到地,又唔可以佔用路面,慈雲山既街道本身已經唔闊

問題係慈雲山站在地底100米建站，點起輕鐵？！

就算起到成本都會好高，咁不如用返已有交通工具做接駁好過！

而且除左成本問題，仲有安全問題，

最後慈雲山站決定不興建，也不無道理～

原帖由 AV115 於 2008-11-1 21:17 發表
但係到時仲有南港島線既金鐘轉車客，再加埋西港島線落成後可能會令金鐘至上環段客量增多……
plan 鐵路唔可以唔諗遠 d。

南港島線只有4卡，影響不大

西港島線會加劇早上港島線東行的壓力，尤其是中環→灣仔段，
但沙中線早上轉車往中環係會使用港島線/荃灣線西行，
早上港島線/荃灣線西行在金鐘站開出時只剩下少於一半乘客，
長遠足夠應付沙中線加南港島線

反而早上港島線中環→灣仔要承擔西港島線、東涌線、荃灣線、南港島線及沙中線的轉車客，
所以真正超負荷的是東行，沙中線設中環站不能解决此問題